اخبار بلدنا فى 1 مايو
· التلفزيون بتاعنا لسه عايش فى عصر ماقبل الاسرات ويبدو ان القائمين عليه لسه مفهموش الدنياا ماشيه ازاى من حواليهم بدليل انهم لسه بيمنعوا برامج لانها بتقول جزء من الحقيقة ودة اللى حصل عندما تم منع حلقة من برنامج حديث المدينه للاستاذ مفيد فوزى كانت بتدور حول مصنع اجريوم ولما سأل الاستاذ ليه حطوا حلقة مكانها قالولوا تعليمات وشكرا.
· طبعا كلنا تابعنا الافراج عن اسراء واحاديثها للصحافة والاعلام واللى اعلنت فيها انها اتعاملت كويس وقالت ان ملهاش علاقة باضراب مايو وان فكرة اضربها كانت مجرد خواطر ومكنتش متوقعه ان كل ده يحصل وانها هتبعد عن السياسة وملهاش دعوه بحاجة تانى وطبعا الكلام ده مكنش على مزاج اخونا بتوع نظرية المؤامرة وطلعت بقى ان اسراء اتعرضت للتهديد وضغطوا عليها وحفظوها الكلمتين ودى بنت ولازم نعذرها وانا مستغرب يااخونا البنت قالت الحقيقة لية بقى كل المبررات دى ومحاولة تهييج الراى العام وهى دى المشكلة الحقيقية بين الامن والمعارضة ان ال2 مبيصدقوش بعض وبالتالى ال2 هيخربوها وبلدنا اللى بتروح فى النص.
· فى حملة حاليا بتتم لجمع 250 مليون دولار لازالة الالغام من الساحل الشمالى ولا زم نغهم ان الحملة دى مش عشان بس نحافظ على ارواح الناس ولا نعمر فى الساحل لا اراضى المنطقة دى تصلح انها تكون سلة حبوب تغطى احتياجاتنا من القمح والذره والبتالى توفير اموال طائلة على ميزانية الدولة بالاضافة لحماية الارواح العجيب ان مامام امريكا ساعدتنا وماما انجلترا اللى هى ركبت الالغام اصلا مش عايزة تدفع شفتوا بجاحة اكتر من كده .
· السفيرة الامريكية الجديدة السيدة اسكوبيدو تقول (( اعلم ان مصر ام الدنيا وأعد بعدم التدخل فى شئونها الداخليه )) مش مصدقك على فكرة بس خلينا ورا الكداب .
· ازالة مزارع مصعيده دى مزارع فى سيناء الناس بتستصلح فيها بقالها 20 سنه وبعد مالارض اخضرت وجابت خيرها قرر مجلس المدينه فجاءة ان دى اراضى مملوكة للدولة ولازم ازالة المزروعات كأن الناس دى كانت بتزرع وتقلع وبتتعب فى الخفاء افتكر ان فى افكار تانية ممكن تتعمل غير تجريف ارض كانت صحرا وبقت خضرا ياريت المسئولين يشغلوا دماغهم ثوانى ويفيدوا البلد ويفيدوا الناس .
· خبير دولى امريكا وتل ابيب يضغطون على مصر لامداد اسرائيل بالمياه عن طريق ترعت السلام وعشان نفهم الحدوته امريكا اقترحت على اثيوبيا ودى من دول حوض النيل وعلاقتها كويسه اوى بتل ابيب وامريكا انها تعمل سد تخزن فيها المياه بتاعت النيل وتبيعه وبتاع وكل الفيلم ده عشان اسرائيل لان بحيرة طبرية اللى بتمد اسرائيل بالمياه مش هتفضل على طول يبقى نلاعب مصر بدول حوض النيل عشان مصر تنخ وتدى اسرائيل المياه شوفتوا بقى اللعبه ماشيه ازاى حد يقولى لو امريكا فعلا مشيت فى المخطط ده بلدنا بضعفها اللى هى فى هتقدر تعمل ايه؟؟؟
· شركات عالميه فى مجال المطاعم والاغذية تمارس ضغوطا كبيرة لاجهاض حملات التفتيش التى تقوم بها وزارة الصحة بالتعاون مع التموين التصريح ده صادر من السيد وزير الصحة حاتم الجبلى اللى يستحق الاشاده مش على حملات الاغذية بس لا كمان على زياراته المفاجأه لمستشفيات الجمهورية والتى كانت اخرها الثلاثاء اللىفات فى القليوبيه والشرقية واللى اسفرت عن تحويل الكثير من المقصرين للتحقيق وده مجهود يستاهل اما براوة وعقبال باقى الوزراء .
· السيد وزير التعليم مع السيد وزير التعليم العالى اقترحوا نظام جديد للثانوية العامه هنقول جزء من النظام ان درجات كل مادة على 3 اجزاء 25% على اعمال السنه 35 % امتحان قومى و 40% اختبار قبول فى الجامعات وانا مش هقيم الموضوع لانى غير مؤهل للتقييم ده بس بنظرة واحد من العوام بقول للسادة المسئولين حرام عليكم الناس تعبت بلاش افتكاسات وشوفوا الدول المتطورة علميا بتعمل اية ونعمل مدام مش قادرين نبتكر نظام محترم قال اعمال سنه قال هى ناقصة دروس خصوصيه .
· وفد من اساتذة الجامعات المصرى واغلبهم للاسف من جامعة حلوان على رأسهم رئيس الجامعه السابق يزورون مفاعل ديمونه الاسرائيلى بناء على دعوة الحكومه الاسرائيلية بصورة سرية اه ومعاهم الطالب المثالى لجامعة حلوان موضوع سرية دى اكيد سرية علينا احنا مش على الحكومة والامن بتاعنا يعنى بموافقة القيادة يعنى تطبيع وطبعا مش هعلق على تصرف الساده المحترمين دكاترة الجامعه بس كنت عايز اعرف الطالب المثالى بتاع الجامعه اللى وافق يزور فلسطين المحتلة وحط ايده فى ايد اللى بيقتلوا اخوانه وبيتموا أطفالنا وبيهتكوا اعراض نسائنا ده طالب مثالى فى اية بالظبط ؟؟؟؟
· أفراح فى الشارع المصرى بعد قرار سيادة الرئيس بزيادة العلاوة 30% لمواجة غلاء المعيشة ومساعدة البسطاء من ابناء العزيزه مصر قرار حكيم ياسيادة الرئيس ودايما كده حاسس بنبض الشارع اما براوه .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
=======================
· طبعا كلنا تابعنا الافراج عن اسراء واحاديثها للصحافة والاعلام واللى اعلنت فيها انها اتعاملت كويس وقالت ان ملهاش علاقة باضراب مايو وان فكرة اضربها كانت مجرد خواطر ومكنتش متوقعه ان كل ده يحصل وانها هتبعد عن السياسة وملهاش دعوه بحاجة تانى وطبعا الكلام ده مكنش على مزاج اخونا بتوع نظرية المؤامرة وطلعت بقى ان اسراء اتعرضت للتهديد وضغطوا عليها وحفظوها الكلمتين ودى بنت ولازم نعذرها وانا مستغرب يااخونا البنت قالت الحقيقة لية بقى كل المبررات دى ومحاولة تهييج الراى العام وهى دى المشكلة الحقيقية بين الامن والمعارضة ان ال2 مبيصدقوش بعض وبالتالى ال2 هيخربوها وبلدنا اللى بتروح فى النص.
· فى حملة حاليا بتتم لجمع 250 مليون دولار لازالة الالغام من الساحل الشمالى ولا زم نغهم ان الحملة دى مش عشان بس نحافظ على ارواح الناس ولا نعمر فى الساحل لا اراضى المنطقة دى تصلح انها تكون سلة حبوب تغطى احتياجاتنا من القمح والذره والبتالى توفير اموال طائلة على ميزانية الدولة بالاضافة لحماية الارواح العجيب ان مامام امريكا ساعدتنا وماما انجلترا اللى هى ركبت الالغام اصلا مش عايزة تدفع شفتوا بجاحة اكتر من كده .
· السفيرة الامريكية الجديدة السيدة اسكوبيدو تقول (( اعلم ان مصر ام الدنيا وأعد بعدم التدخل فى شئونها الداخليه )) مش مصدقك على فكرة بس خلينا ورا الكداب .
· ازالة مزارع مصعيده دى مزارع فى سيناء الناس بتستصلح فيها بقالها 20 سنه وبعد مالارض اخضرت وجابت خيرها قرر مجلس المدينه فجاءة ان دى اراضى مملوكة للدولة ولازم ازالة المزروعات كأن الناس دى كانت بتزرع وتقلع وبتتعب فى الخفاء افتكر ان فى افكار تانية ممكن تتعمل غير تجريف ارض كانت صحرا وبقت خضرا ياريت المسئولين يشغلوا دماغهم ثوانى ويفيدوا البلد ويفيدوا الناس .
· خبير دولى امريكا وتل ابيب يضغطون على مصر لامداد اسرائيل بالمياه عن طريق ترعت السلام وعشان نفهم الحدوته امريكا اقترحت على اثيوبيا ودى من دول حوض النيل وعلاقتها كويسه اوى بتل ابيب وامريكا انها تعمل سد تخزن فيها المياه بتاعت النيل وتبيعه وبتاع وكل الفيلم ده عشان اسرائيل لان بحيرة طبرية اللى بتمد اسرائيل بالمياه مش هتفضل على طول يبقى نلاعب مصر بدول حوض النيل عشان مصر تنخ وتدى اسرائيل المياه شوفتوا بقى اللعبه ماشيه ازاى حد يقولى لو امريكا فعلا مشيت فى المخطط ده بلدنا بضعفها اللى هى فى هتقدر تعمل ايه؟؟؟
· شركات عالميه فى مجال المطاعم والاغذية تمارس ضغوطا كبيرة لاجهاض حملات التفتيش التى تقوم بها وزارة الصحة بالتعاون مع التموين التصريح ده صادر من السيد وزير الصحة حاتم الجبلى اللى يستحق الاشاده مش على حملات الاغذية بس لا كمان على زياراته المفاجأه لمستشفيات الجمهورية والتى كانت اخرها الثلاثاء اللىفات فى القليوبيه والشرقية واللى اسفرت عن تحويل الكثير من المقصرين للتحقيق وده مجهود يستاهل اما براوة وعقبال باقى الوزراء .
· السيد وزير التعليم مع السيد وزير التعليم العالى اقترحوا نظام جديد للثانوية العامه هنقول جزء من النظام ان درجات كل مادة على 3 اجزاء 25% على اعمال السنه 35 % امتحان قومى و 40% اختبار قبول فى الجامعات وانا مش هقيم الموضوع لانى غير مؤهل للتقييم ده بس بنظرة واحد من العوام بقول للسادة المسئولين حرام عليكم الناس تعبت بلاش افتكاسات وشوفوا الدول المتطورة علميا بتعمل اية ونعمل مدام مش قادرين نبتكر نظام محترم قال اعمال سنه قال هى ناقصة دروس خصوصيه .
· وفد من اساتذة الجامعات المصرى واغلبهم للاسف من جامعة حلوان على رأسهم رئيس الجامعه السابق يزورون مفاعل ديمونه الاسرائيلى بناء على دعوة الحكومه الاسرائيلية بصورة سرية اه ومعاهم الطالب المثالى لجامعة حلوان موضوع سرية دى اكيد سرية علينا احنا مش على الحكومة والامن بتاعنا يعنى بموافقة القيادة يعنى تطبيع وطبعا مش هعلق على تصرف الساده المحترمين دكاترة الجامعه بس كنت عايز اعرف الطالب المثالى بتاع الجامعه اللى وافق يزور فلسطين المحتلة وحط ايده فى ايد اللى بيقتلوا اخوانه وبيتموا أطفالنا وبيهتكوا اعراض نسائنا ده طالب مثالى فى اية بالظبط ؟؟؟؟
· أفراح فى الشارع المصرى بعد قرار سيادة الرئيس بزيادة العلاوة 30% لمواجة غلاء المعيشة ومساعدة البسطاء من ابناء العزيزه مصر قرار حكيم ياسيادة الرئيس ودايما كده حاسس بنبض الشارع اما براوه .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
=======================
اخبار بلدنا فى 8 مايو
· زيادة فى اسعار البنزين والسولار والسجائر والغاء اعفاء التعليم الخاص ورسوم تنمية على التراخيص واستخراج الطفله كلها زيادات جديدة فى الاسعار من قبل الحكومة لايجاد موارد حقيقيه لتغطية العلاوة الممنوحة من رئيس الجمهورية وطبقا لكلام السيد وزير المالية فان هذه الزيادات ستغطى 11 مليار ونص من 14 مليار هى قيمة العلاوة والباقى يمكن تتحملة الحكومه ولو راجعنا بنود الزيادة هنلاقى ان كلها فى محلها بل على العكس كان لازم يحصل من زمان الا البنزين والسولار دول لوحدهم كرثه .
· طبعا اقرار الزيادات فى مجلس الشعب كان تاريخى وغير مسبوق فى اى مكان على وجه الارض من حيث سرعة الدراسة والاقرار والاعلان والتنفيذ فى اقل من 24 ساعة ولكن اذا عرف السبب بطل العجب فى اليوم السابق مباشرة لاقرا الزيادة قام النائب احمد عز بعزومة نواب الوطنى فى مقر الحزب على وليمة فاخرة من الهيلتون واجتمع بهم لمدة 8 ساعات من 7 بليل الى 3 صباحا حتى يستطيع تمرير هذه القوانين لا واية واجبر الحزب الوطنى نوابة المعترضين على القرارات بعدم الكلام اثناء جلسة المجلس بالذمه مش حاجة تحرق الدم.
· وكانت المكافأه فورية فبعد اقرار زيادة الأسعار بأقل من 48 ساعه تم رفع بند المكافأت والبدلات لأعضاء مجلس الشعب بنسة 30% وواحد يقولى انت شرير يا عم ودى مالها بدى مالبلد كلها ذادت 30% اشمعنى يعنى النواب الغلابه ميزيدوش دة حتى طباخ السم بيدوقه اقوله وماله ياسيدى يدوقوه ويشبعوا بيه كمان.
· واللى يحرق الدم بقى يااخونا ان الحكومة رفعت علينا البنزين والسولار اللى هيجبولهم بتاع 7 مليار زى مبيقولوا وبتتراخى عن تحصيل 53 مليار ديون مستحقة للدولة لدى الشريك الاجنبى وكبار رجال الاعمال فى الدوله حسب تقرير الجهاز المركزى للمحاسبات والكلام دة مش قعدة ستات ورغى وخلاص لا دة كلام اتقال فى قلب المجلس على لسان النائب حسين ابراهيم اثناء مناقشة القرارات لكن الحكومة والاغلبية ودن من طين وودن من عجين .
· ولان اللى مش معايا يبقى عدوى زى مبدأ الامريكان واللى يظهر ان السيد رئيس الوزراء مؤمن به فقد وصف السيد رئيس الوزراء المهندس رشيد محمد رشيد بالوزير الاشتراكى لمجرد ان وجهة نظره ان تبدأ الزيادة بالاغنياء اولا حتى تكتسب الحكومة مصداقية امام الشعب وان تفرض ضريبه على كل عقار يزيد ثمنه عن 5 ملايين جنيه وكأن الاشتراكيه دى بقت عار او تهمه بيوصف بيها اللى عايزين يحققوا العداله وعجبى .
· القضاء الادارى يرفض دعوى تطالب بحل الامن المركزى تقدم بها محامى لمخالفتها الشريعه والقانون والدستور والحقيقة انا مستغرب من الاخ المحامى اللى رفع القضية هو كان متوقع ان هيتحكم لصالحة او حتى لو اتحكم بحل الامن المركزى هيتحل ولا القضاء الادارى احكامة بتتنفذ اصلا ولا هى دعاوى للدعايه والشهره وخلاص.
· شكوك حول وفاة القاضى الذى كان ينظر فى قضية اكياس الدم والذى اصر على حبس المتهمين ثم مرض فجاءه بالتسمم فى الدم وجلس فى غيبوبه لمدة ثلاثة اشهر وتوفاه الله وتم الحكم بعد ذلك كما نعرف جميعا بالبراءه للجميع-- الملابسات دى انا بعرضها ذى مهى بغض النظر عن صحة الشكوك من عدمها وعلى العموم فى قضاة ومحاميين بيطالبوا النائب العام بفتح تحقيق فى اسباب وفاة القاضى والايام مفيش اقرب منها وهنشوف هترسى على ايه .
· مش عارف هى مصادفه ولا مقصودة ان يوم عيد العمال اللى هو 1 مايو يكون هو نفسة اليوم الذى يتم تدفق الغاز المصرى فيه لاسرائيل رسميا – الغاز المصرى هيبقى مصدر هام للطاقة وتوليد الكهرباء فى اسرائيل عشان يخططوا كويس لقتل الفلسطنيين يخططوا بطاقة عربية لقتل ابرياء عرب ماشاء الله علينا ومن بجاحتنا مستغربين ليه الامة بتاعتنا ضعيفة وذليله .
· خبر عدل فى الاخر بدل الغم ده كله مالك فندق جراند حياة فى مصر يقرر منع بيع الخمور ويدمر المستودع قامت الشركة الام بتاعت جراند حياة صاحبة العلامه وجهت له انذار واعطته مهلة لرد الخمور والتراجع فى القرار راح هو مطنش وقلهم اتفلقوا ومش بس كدة دة قرر منع تداول الخمور فى ممتلكاته فى فرنسا وتونس وياريت كل العرب والمسلمين والمسيحين يعملوا زيه مش معقول ربنا يقول انه حرام واحنا نبيعه لا واية بالقانون واذا كانت الدول والحكومات ضعيفة وقلبها رهيف وعايشة فى وهم السياحة احنا كافراد نقدر نمنعها اما براوة لهذا الرجل وعقبال الجميع .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
======================
· طبعا اقرار الزيادات فى مجلس الشعب كان تاريخى وغير مسبوق فى اى مكان على وجه الارض من حيث سرعة الدراسة والاقرار والاعلان والتنفيذ فى اقل من 24 ساعة ولكن اذا عرف السبب بطل العجب فى اليوم السابق مباشرة لاقرا الزيادة قام النائب احمد عز بعزومة نواب الوطنى فى مقر الحزب على وليمة فاخرة من الهيلتون واجتمع بهم لمدة 8 ساعات من 7 بليل الى 3 صباحا حتى يستطيع تمرير هذه القوانين لا واية واجبر الحزب الوطنى نوابة المعترضين على القرارات بعدم الكلام اثناء جلسة المجلس بالذمه مش حاجة تحرق الدم.
· وكانت المكافأه فورية فبعد اقرار زيادة الأسعار بأقل من 48 ساعه تم رفع بند المكافأت والبدلات لأعضاء مجلس الشعب بنسة 30% وواحد يقولى انت شرير يا عم ودى مالها بدى مالبلد كلها ذادت 30% اشمعنى يعنى النواب الغلابه ميزيدوش دة حتى طباخ السم بيدوقه اقوله وماله ياسيدى يدوقوه ويشبعوا بيه كمان.
· واللى يحرق الدم بقى يااخونا ان الحكومة رفعت علينا البنزين والسولار اللى هيجبولهم بتاع 7 مليار زى مبيقولوا وبتتراخى عن تحصيل 53 مليار ديون مستحقة للدولة لدى الشريك الاجنبى وكبار رجال الاعمال فى الدوله حسب تقرير الجهاز المركزى للمحاسبات والكلام دة مش قعدة ستات ورغى وخلاص لا دة كلام اتقال فى قلب المجلس على لسان النائب حسين ابراهيم اثناء مناقشة القرارات لكن الحكومة والاغلبية ودن من طين وودن من عجين .
· ولان اللى مش معايا يبقى عدوى زى مبدأ الامريكان واللى يظهر ان السيد رئيس الوزراء مؤمن به فقد وصف السيد رئيس الوزراء المهندس رشيد محمد رشيد بالوزير الاشتراكى لمجرد ان وجهة نظره ان تبدأ الزيادة بالاغنياء اولا حتى تكتسب الحكومة مصداقية امام الشعب وان تفرض ضريبه على كل عقار يزيد ثمنه عن 5 ملايين جنيه وكأن الاشتراكيه دى بقت عار او تهمه بيوصف بيها اللى عايزين يحققوا العداله وعجبى .
· القضاء الادارى يرفض دعوى تطالب بحل الامن المركزى تقدم بها محامى لمخالفتها الشريعه والقانون والدستور والحقيقة انا مستغرب من الاخ المحامى اللى رفع القضية هو كان متوقع ان هيتحكم لصالحة او حتى لو اتحكم بحل الامن المركزى هيتحل ولا القضاء الادارى احكامة بتتنفذ اصلا ولا هى دعاوى للدعايه والشهره وخلاص.
· شكوك حول وفاة القاضى الذى كان ينظر فى قضية اكياس الدم والذى اصر على حبس المتهمين ثم مرض فجاءه بالتسمم فى الدم وجلس فى غيبوبه لمدة ثلاثة اشهر وتوفاه الله وتم الحكم بعد ذلك كما نعرف جميعا بالبراءه للجميع-- الملابسات دى انا بعرضها ذى مهى بغض النظر عن صحة الشكوك من عدمها وعلى العموم فى قضاة ومحاميين بيطالبوا النائب العام بفتح تحقيق فى اسباب وفاة القاضى والايام مفيش اقرب منها وهنشوف هترسى على ايه .
· مش عارف هى مصادفه ولا مقصودة ان يوم عيد العمال اللى هو 1 مايو يكون هو نفسة اليوم الذى يتم تدفق الغاز المصرى فيه لاسرائيل رسميا – الغاز المصرى هيبقى مصدر هام للطاقة وتوليد الكهرباء فى اسرائيل عشان يخططوا كويس لقتل الفلسطنيين يخططوا بطاقة عربية لقتل ابرياء عرب ماشاء الله علينا ومن بجاحتنا مستغربين ليه الامة بتاعتنا ضعيفة وذليله .
· خبر عدل فى الاخر بدل الغم ده كله مالك فندق جراند حياة فى مصر يقرر منع بيع الخمور ويدمر المستودع قامت الشركة الام بتاعت جراند حياة صاحبة العلامه وجهت له انذار واعطته مهلة لرد الخمور والتراجع فى القرار راح هو مطنش وقلهم اتفلقوا ومش بس كدة دة قرر منع تداول الخمور فى ممتلكاته فى فرنسا وتونس وياريت كل العرب والمسلمين والمسيحين يعملوا زيه مش معقول ربنا يقول انه حرام واحنا نبيعه لا واية بالقانون واذا كانت الدول والحكومات ضعيفة وقلبها رهيف وعايشة فى وهم السياحة احنا كافراد نقدر نمنعها اما براوة لهذا الرجل وعقبال الجميع .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
======================
اخبار بلدنا 15 مايو
انا مش عارف الناس فى بلدنا قلبها بقى قاسى على بعض ليه كده وبنسرق بعض ومبنفكرش غير فى نفسنا وبس واكبر مثال على كده اصحاب المخابز وتجار الدقيق فى السوق السوداء مش عارف اوصفهم باية الحقيقة والحكاية بقى مبقتش حكومة وسوء ادارة دة الموضوع بقى نابع مننا احنا اللى بنسرق قوت بعض بشكل مستفز خلى المستشار عدلى حسن محافظ القليوبيه اخر مزهق من ااصحاب المخابز قال مصيرهم جهنم بجوار شجرة الزقوم يعنى الراجل كشف راسه واتجه ودعى عليهم.
يجب تأميم المخابز التى يثبت عليها المتاجرة بقوت الشعب نعممم اقولها مرة اخرى يجب تأميم المخابز التى تتاجر بنا الذين يتاجرون بقمح الشعب برغيف العيش رغيف العيش اللى هو جاى من العيشه بنقول احنا عايشين يعنى الحياة بالنسبة لرجل بسيط هى رغيف العيش فقط فتخيل ان لم يستطع الحصول عليه سيؤدى ذلك الى كارثه -- ليست الغرامات وليس السجن بالحل الرادع بل هو التأميم ليكونوا عبره لكل من تسول له نفسه المتاجرة بنا بخلاف عقوبة السجن المغلظ .
رئيس حزب التجمع الدكتور رفعت السعيد يخرج علينا بتعبيراته الرنانه واسلوبه البسيط الذى يجد القبول عند الكثيرين ويقول الحكومه عاجزه وغبيه وبتميس على الشعب وغالى لم يفهم الرأسماليه وطبعا دى مش تصريحات جديده على سيادته دى كتيرة اوى ولما الواحد بيسمعه بيستمتع الحقيقه بالفقره لكن مش بيقنعنى لسبب بسيط اوى ان كلكم واقصد الاحزاب بتوع مصالحكم وبس مش بتشتغلوا عشان خاطر الناس واللى يثبت كده سؤال بسيط -- لما حضرتك شايف ده كله فى الحكومة تأمرت معاهم لية على حرية هذا البلد وعلى نزاهة الانتخابات وعقدت كما عقد غيرك صفقات المحليات ؟؟؟
طبعا احنا عارفين ان بلدنا بتستورد قمح بالشىء الفلانى من بره عشان انتاجنا من القمح لا يغطى والحكومة كل يوم تطلع علينا انها بتشجع زراعة القمح والذرة وبتقعد تتكلم عن المليارات اللى هى بتوفرها عشان تأمن القمح وفى نفس ذات اللحظة نقرا خبر تجمهر 100 فلاح فى الفيوم بسبب تلف زراعاتهم من القمح بسبب عدم وصول المياه نستنتج من كده ان الحكومه بتاعتنا عنها شوزوفرينيا ياعينى وكل وزير بيشتغل فى وادى مين يااخونا اللى هيحاسب على اللى حصل ده وحتى لو حاسبوا هيحاسبوا من فلوس مين مش نودى الميه للقمح احسن منوديها لملاعب الجولف اتقوا الله .
نواب مجلس الشورى رفضوا قانون الضرائب العقارية الجديد والنواب يصفون القانون بالمؤامرة ووزير المالية بيرد يااخونا مش معقول اتشتم دة كله فى الجرايد ومنكم على 175 مليون هما كل اللى هييجى من الضريبه دى ويظهر والله واعلم ان فى فجوة بين السيد وزير المالية فى طرف والنواب والشعب فى طرف تانى حد من ال2 مش فاهم التانى بس هى حزبتها بسيطة ياسعادة البية خد من ااصحاب الفيلل والقصور وممن يمتلكون العديد من العقارات وااصحاب الشاليهات الفاخرة وسيب الغلابة والنص غلابة والربع غلابة صدقنى هتلم من التانيين مليارات مش ملايين بس انت اصحى فتح عنيك .
افتكاسات نظام الثانويه العامه الجديد فى الطريق اليك ويظهر يااخونا والله واعلم ان الجامعات المصرية هتبقى بكشف هيئة زى الشرطة والجيش ههههههههه ماشاء الله على تطوير النظام والعملية التعليميه اااه وطبعا مع الحفاظ على مبدأ تكافؤ الفرص وسلملى على النزاهه.
قانون المرور دة ليله كبيره لكن فى سابقة عمرها محصلت ان مجلس الشعب يرجع قانون وخصوصا للداخلية بس يظهر ان القانون كان قانون مستفز زياده عن اللزوم مثال عن مادة منه بيقولك اية لو انت وقفت قدام محل تجارى او عام نقول زى مترو مثلا تتشد من قفاك تتسجن لمدة عام وغرامة من 500 الى 2000 لا لسة لو كررت المخالفه خلال 6 شهور دة على اساس انك خدت حكم مع ايقاف التنفيذ تتسجن سنتين والغرامة تبقى 4000 جنية يعنى كل سنه كدة بتاع نص مليون هيشرفوا فى السجن وتبقى البلد رد سجون عشان بعد كده كله يبقى على راسه بطحه ويحط لسانه جوه بقه وبدل منفكر فى بلدنا يدوبك نفكر فى غرامات المرور والحبس يعنى مش كفايه الاكل والشرب وجنان الاسعار لا يبقى كمان قانون المرور .
القانون اللى حكينا علية من سطرين راح ورجع مجلس الشعب تانى ولجنة التشريع وافقت علية فى 20 دقيقة بعد ان تم تغيير المخالفه من الحبس الوجوبى الى الحبس او الغرامة يعنى يا الدفع يا الحبس ياصباح السرعه والانجاز وتظبيط القوانين وهيتعرض بقى على المجلس فى الجلسة البرلمانية الجديدة عشان يقول آمين واهى موارد جديدة تساعد فى ال30% اللى بتقطعها الحكومه من لحمها الحى .
انا حاسس ان فى مؤامرة اسمها قوانين كل يوم قانون جديد ونظام جديد وتعديل جديد كأن البلد دى كانت ماشيه على حل شعرها ومفيهاش قانون والمصيبة ان مفهمش قانون لمصلحتك او لحقوقك كلها قوانين عليك ويظهر ان كلة ضرب ضرب ومفيش شتيمه على رأى علاء ولى الدين .
مجلس اساتذة الجامعه الامريكية يتخذ قرار تاريخى بمنع الاساتذه والطلبه والعمال من التعامل مع الاكاديميين الاسرائيليين او الشركات الاسرائيليه وعلى الرغم ان القرار مش ملزم بمعنى ان مفيش عقوبه على من يخالف الا انه قرار فى حد ذاته جرىء ومحترم خصوصا انه من الجامعه الامريكية بالقاهرة وسلملى على جامعة حلوان الجامعه المصرية وعلى رئيسها السابق وعمداء كليتها اه ومننساش الطالب المثالى النابغه اللى زاروا فلسطين المحتله بدعوة الصهاينه.
ودايما بيبقى فى بارقة امل وفى ناس بتشتغل لمصلحة البلد فى صمت لكن لما شغلها يخرج للنور لازم نقول اما براوه ونلقى الضوء عليه تم توقيع اتفاقية بين وزارة الزراعة ومنظمة الاغذيه والزراعه ال (فاو ) لاطلاق اول مشروع مصرى دولى لتوليد الطاقة من قش الارز والمخلفات الزراعية واللى هو ابتكار مصرى خالص وطبعا الابتكار دة بيولد الطاقة الحيويه من المخلفات بدلا من الاستعانة بالحبوب اللى كانت من ضمن اسباب ارتفاع اسعار الغذاء وكمان بيقضى على السحابة السوداء تماما مبروك لمصر المشروع ولابنائها اللى اشتغلوا عليه نجاحهم واما براوه .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
========================
اخبار بلدنا فى 22 مايو
طبعا احنا سمعنا عن موضوع الكادر الخاص اللى طالب بيه السادة الاطباء واللى كالعادة قوبل برفض ثم وعد بالتنفيذ لكن يظهر ان الحكومة مش ناوية تنفذ وعدها لا نقيب الاطباء الدكتور حمدى السيد ورئيس لجنة الصحة بمجلس الشعب هدد بتقديم استقالته من منصبة النقابى لان الحكومه مطنشاة ومش بتساعدة وشكلة بقى وحش وكمان مش هيقدر يسيطر على الاطباء .
كان فى هرم رابع فى الجيزة كانت خلفيتة الاهرمات ال3 المشهورين خوفو وخفرع ومنقرع والهرم الجديد كان يختلف عن سابقية فى انه مصنوع من القمامة الهرم دة فى شارع مابين شارع فيص وشارع الهرم ولكن بفضل الله اخيرا تم التخلص من هرم الجيزة الرابع بعد متابعه مباشرة من محافظ الجيزة الجديد حتى تم ازالتة وزراعة بستان مكانه طبعا جهد مشكور مع انه واجب ونتمنى ان كل مقلب ذبالة يلاقيلة محافظ يشيلة اما براوة لمحافظ الجيزة .
الحديد بيلعب مابين 7500 و 7700 وناوى يقفل البريزه ومعدش فى كلام يتقال بقى خلص الكلام .
الداخلية والتجارة قاموا بحملات تفتيش مفاجاءة على مخازن 2 من كبار موزعى الحديد لاقوا بضاعة متخزنه بقيمة 28 مليون جنية اتمسكوا واتمنى انهم يتروقوا ويكونوا عبرة والتقارير بتشير ان فى 20 موزع كبير كمان هيحصلوا اخواتهم وهيتشدوا كمان ويبقى يا حلوة يا بلحة يا مقمعه شرفتى اخواتك ال ... اما براوة للداخلية والتجارة وعقبال اللى فى بالى .
53 الف طالب قناوى فى امتحانات الاعدادية بقنا يرسلون برقية تهنئة اجبارية فى امتحان اللغة العربية للسيد رئيس الجمهورية يهنئون سيادته بحصول المنتخب القومى على بطولة افريقيا -- نفاق مفضوح من المسئول عن تلك المهزلة وفعلا المنافق اخطر من العدو على الامه ربنا يخلصنا منهم وللاسف هما كتير والعدد فى اللمون .
بلاغ للنائب العام من المحامى عصام سلطان يتهم فية شركة اجريوم و5 جهات حكومية بالرشوة واهدار المال العام الحدوته اللى فجرتها المصرى اليوم ان فى رشوة دفعت من اجريوم ل5 جهات حكومية بقيمة 25 مليون دولار عشان يمرروا المشروع وقصة كدة فى الشراكة فيها تحايل واضح ونصب علنى لو الموضوع دة تأكد وثبت والبهوات اللى قبلوا بالرشوة دى متحكموش محاكمة علنية محدش يفتح بقة على النزاهة والشفافية ومحدش يطلب مننا نثق لا فى حكومة ولا فى قيادة ولا فى اى حد .
مواطنون ضد الغلاء تمنح النائب المستقل مصطفى بكرى لقب المواطن الايجابى لدورة فى حل ازمة الخبز فى حلوان الحكاية ان سيادة النائب بقى بينزل الشوارع ويلف على المخابز ويجيب مسئولين الداخلية والتموين لو فى اى تجاوز طبعا دة دور البرلمانى الحقيقى دورة ميدانى وليس دورة فى قبة البرلمان فقط اما براوة ياسيادة النائب .
مصر بتستهلك يااخونا زيت ب3 مليار جنية فى الفول وقلى الطعمية والبطاطس .
(هتزيد لا مش هتزيد) هو دة العنوان الذى يطلق على ازمة المصروفات الدراسية فى المدارس والجامعات الخاصة واللى فيها ازمة جامدة بين وزارة التعليم وبين ااصحاب المدارس والجامعات وبما انى عارف بلدنا فعارف انها هتزيد ومحدش بيتعب فى بلدنا غير الغلابة وزى مبيقولوا كل على حساب صاحب المحل وصاحب المحل هنا هو الشعب المصرى مش حد تانى .
خبر طريف فى مظهرة لكن مقنع جد فى مضمونه وشىء مشجع بيقولك ان فى ندوة اقيمت طالبت الحكومة بصرف 60 قرص فياجرا لكل مواطن سنويا مما يؤدى لزيادة الانتاج لانه هيقضى على الاحباط الناتج عن الفشل فى العلاقات الزوجية وهيقلل التوتر والناس هتبقى اهدى وسعيدة وانا مقتنع الحقيقة بالموضوع دة لان شعوبنا بطابعها الشرقى بيؤثر عليها الامر دة جدا وعلى فكرة برة فى دول كتير بتعمل كده وخصوصا فى الجيوش لرفع الروح المعنوية والتركيز فى العمل وكدة يبقى كل مواطن هياخد 5 اقراص فى الشهر يعنى الشنبات هتتربى تانى وكلة هيبقى اسد .
محافظ القاهرة بدا حملة فى ازالة الاعلانات التى تشوة المنظر العام والعمارة فى وسط البلد بالاضافة لاعمال صيانه لعواميد الكهرباء كلها بخلاف اعمال النظافة فى محاولة للحفاظ على تاريخ تلك المنطقة ومعمارها النادر نتمنى ياسيادة المحافظ يتم دة فى كل مكان وربنا يوفقك ويوفق كل واحد بيشتغل عشان خاطر مصر اما براوة .
الصهاينة محتفلوش بس بمرور 60 عام على نكبة فلسطين فى اسرائيل والدول المواليه ليها لا احتفلوا على ارض مصر فى المياة الاقليمية لمصر مشيو من ميناء عسقلان مرورا ببورسعيد واخيرا استقر 18 يخت تحمل اعلام الصهاينة للاحتفال فى ميناء عربيه بسرقة ارض عربية اى عار يلطخ جبيننا اكثر من هذا اى معتوه سمح بهذا هل وصلت بنا المهانة حتى نسمح بهذا 18 يخت تقف فى ميناء الاسكندرية ثلاثة ايام تحتفل بذلنا تحتفل بضعفنا تحتفل بجبننا نحن جبناءءءءءء هل هذة الارض التى قيل عنها الكنانه هل هذة الارض هى من يخرج منها خير اجناد الارض كفانا ادعاء وكذب نحن اسوأ جيل فى تاريخ هذه الارض نحن لانستحق زعامه ولا قيادة فنحن لا نريد ان ندفع الثمن نريد زعامة الاسم فقط نحن لا نستحق سوى ما نحن فية .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
========================
اخبا بلدنا فى 29 مايو
السيد وزير المالية : (( قد نضطر لرفع الاسعار مرة اخرى )) انا الحقيقة مش هرد عليه ولا عندى تعليق عشان لو اترد عليه ااكيد ااكيد هيبقى رد غير مهذب.
الحكومة ترفع اسعار الزيوت والسمن وااللحوم والدواجن والاسماك والعدس هو فاضل حاجة كده مترفعتش يمكن فى حاجة سبوهلنا عشان ناكل .
اللجنه الفقهية بمجلس الشعب توصى بتحصيل زكاة على البترول ومشتقاته من الحكومة بوصفها المتحكم فى هذا القطاع – ناس طيبين اوى بتوع سيرلانكا دول مهو اكيد اللجنه الفقهيه من سيرلانكا اللى يطالب الحكومة انها تدفع ذكاه مش من البلد او عامل نفسه عبيط ومش شايف اللى بيحصل فينا ده الحكومه غلبانه ويجوز عليها الصدقة .
مجلس الشعب طبعا كالمتوقع قال امين على مد حالة الطوارىء عامين او لحين صدور قانون الطوارىء والنواب كانوا فرحانين اوى برئيس الوزراء ومبسوطين بيه خالص وايديهم وجعتهم من التصفيق ياعينى وطبعا المستقلين والاخوان قالوا اللى يخلص ضميرهم بس زى قلته وانا كان عندى اقتراح انهم يغيروا اسم مجلس الشعب ويسموه التكيه .
شهاب ((احمدوا ربنا على الطوارىء والبلد لاتستطيع الحياه بدونه شهر واحد)) خسارة حقيقى خسارة للدرجة دى السياسة والسطة والنفوذ بيغيروا الناس شهاب اللى كان بيدافع عن حق مصر فى طابا وحصل هو وزملائه على الارض المغتصبة لفت الايام وبقى يدافع عن قانون هتك الحريات والاعراض ياالف خسارة يا دكتور.
افرحوا يااخونا مصر بتصدر 1300 طن رز لاسرائيل فى 4 شهور ماشاء الله ربنا يزيد ويبارك بس هو ممكن نبقى نعرف صدرنا كام حباية رز لفلسطين.
سيدات من قرية فى محافظة المنيا اعترضوا موكب احمد ضياء الدين محافظ المنيا للمطالبة بحل ازمة الخبز ومحدش يقول امال فين الرجاله لان البلد مبقاش فيها رجالة عشان لو كان فيها مكنش يبقى حالنا كده .
((ادعوا لعم الحاج بطولة العمر اللة يخلية )) طبعا دى اغنية كانت مشهورة فى مسلسل المال والبنون الناس كانت بتدعى للراجل اللى سارقهم وواكل حقهم بطولة العمر مش عارف افتكرت لية الاغنية دى لما عرفت ان طن الحديد نزل 850 وبقى 6850 يابلاش وبعض المواقع والصحف اعتبرته انجاز وكان ناقص يدعوا بطولة العمر.
اذا لم تستحى فافعل ماشئت دة ينطبق على حيثيات طلب وزارة الداخلية لزيادة الميزانية بتاعتها واللى ذادت فعلا من 1.6 مليار جنية الى 1.8 مليار جنية واللى وافق عليها وزير المالية منغير ميقوول بم ولا يقول اجيب منين ولا مش هينفع ولا اى حاجة من اللى بيقعد يعقدنا بيها وبيخلينى عن نفسى هعيط وعايز اطلع من جيبى واديلة اية بقى الحيثيات ان نظرا للظروف الحالية ورفع الاسعار والاعتصامات فالناس بتتظاهر وبتعمل مشاكل اكتر من الاول فبالتالى الوزارة بتحتاج دروع بلاستيكية وطلقات مطاطية وعصيان وقنابل موسيلة للدموع وكل دة محتاج فلوس كتير لانهم بيشتروه من برة باليووررو يعنى خدوا من قوت الشعب عشان يضربوا الشعب وكمان الميزانية مش عجباهم ومش هتكفى شوفتوا بجاحة اكتر من كده .
واحد صاحبى وغالى عليا عاتبنى لما اتكلمت عن المرور وقوانين المرور وقالى قبل متتكلم فى القوانين اتكلم عن الجهل قالى سبب الحوادث وازمات المرور هو الجهل فى المقام الاول ان الناس معندهاش ثقافة المرور ولا عارفة معنى الارشادات المرسومة على الارض او اللى على اللوحات الارشادية والمصيبة الاكبر ان المسئولين عن المرور فى بلدنا فى كتير منهم جاهلين زيهم زى رجل الشارع قولتلوا يبقى خلصانة يا صاحبى اذا كان رب البيت بالدف ضارب فشيمة اهل البيت كلهم الرقص .
النائب الايجابى مصطفى بكرى اتهم احمد باشا عز بالاحتكار فى بلاغ للنائب العام والنائب العام بيحقق بس مفتكرش ان التحقيق هيوصل لادانه مش لان مصطفى بكرى كداب بس لان عزو باشا ميتحاكمش وربنا يستر على مصطفى بكرى وميحصلوش اللى حصل لطلعت السادات بس المرة دى مش بتهمة اهانة المؤسسة العسكرية لا باهانة الذات الملكية .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
ال ن ســــــــــــاج
ليست هناك تعليقات:
إرسال تعليق