السبت، ديسمبر 10، 2016

رباعيات المانتي

-1-
سألوني أسم الولد
قولتلهم محمد
حسيت كأني بتولد
لما قالوا الاب أحمد

-2-
تزعق تخربش وتضرب كمان
وتأفش وتقلب حواليك المكان
وأول ما نبدأ نبرق عنينا
تضحك تخلينا ننسى اللي كان

-3-
سألوني اسم الدلع
قولتلهم المانتي
قالولي باينه جدع
قولتلهم المانتي

-4-
حبيب بابا عامل زعلان
بالفيديو بيهز في راسه
قالب وشه وغضبان
انا رأيي نبوس راسه

-5-
المانتى مش مجرد انسان
المانتي أسلوب حياه
يقدر يخليك فرحان
وممكن يخليك زعلان

-6-
المانتي جاتله اخت
قلناله خديجه يا محمد
بص بطرف عينه وسكت
قلبي اتخطف على البت