اخبار بلدنا 14- فبراير
العادىى
الحزب الوطنى يضم جميع روؤساء تحرير الصحف القومية لتشكيلات أماناته . واحد يقولى قال يعنى هما مكنوش منضمين اصلا وواحد تانى يقولى واية اهمية الخبر يعنى سواء انضموا او منضموش اية الفرق وطبعا الناس عندها حق لانهم نيعرفوش الفرق بين الصحافة الحرة والصحافة الحزبية لان من يوم موعوا على الدنيا الجرايد تابعة للحكومه وبالتالى لم يعرفوا مدى اهمية ان يكون فى بلدك صحافة حرة على العموم مبروك على روؤساء التحرير عضوية الحزب فهذا يضمن لهم الكثير ومحدش يكلمنى عن دموع صاحبة الجلاله لان دموعها نشفت خلاص مبقتش قادرة تبكى.
منع البسطويسى من المشاركة فى محاكمة دولية لمجرمى الحرب الاسرائيلية. طبعا المستشار هشام البسطويسى دة نائب رئيس محكمة النقض وراجل من اصحاب وجهات النظر والرأى المخالف للدولة ولسياسات وزير العدل ومش من محاسيب الست الحكومة وعشان كدة هو شايف انهم رفضوا يدولوا التصريح بلد بتاعت احزاب صحيح مع الاعتذار لمقولة بلد بتاعت شهادات.
مصرع 30 واصابة 14 بسبب الشبورة على طريق الكريمات – حلوان الدولى . اولا نقطة نظام الحوادث دى شىء قدرى ورحمة الله على المتوفيين لكن دة ميمنعش اننا نقول ان الطريق دة جديد ومفيهوش عواميد نور ولا اشارات تحذيرية فى حالة الخطر والناس اللى على البوابات نايمين فى العسل يعنى شايفين الطريق شبورة وممكن يحصل مشاكل مقفلوش الطريق لمدة ساعة ولا 2 زى اى مكان فى الدنيا تلافيا لوقوع كوارث لكن هنقول اية البقاء لله .
القاهرة وصلت الى اعلى حدود التلوث وسماؤها مشبعة بالرصاص ومغطاة بسحابة سوداء. يعنى نغمة جو القاهرة الجميل وسمائها الصافية ونسمات النيل العليل انقرضت زى مااتاريخنا انقرض وواقعنا اصبح سىء فى كل شىء مفيش نهضة غير فى الكليبات والمايوهات ال وان بيس ياجماعة هنفوق امتى بقى المشكلة دى كرثة ولاتقولى بقى حكومة ولا غيرة دى مسالة قومية لازم الناس تتعلم تحافظ على البيئة البلد صدرها تعب وجالها الربو.
نائب يطالب بانشاء هيئة عليا لمقاومة الفساد فى مصر—وانا رأى ان الهيئة موجودة وبدل منفكر ننشأ هيئة نفعل دور اللى موجود اصلا وهو الجهاز المركزى للمحاسبات اديلوا صالحيات متخليش دورة رقابى بس اعملوا كرامة بدل مهو ملطشة لوزراء الحكومة ومش بس كدة دة كمان اعضاء الحزب الحاكم بقم ينفضلوا بلغة الشارع .
رفع سعر الرغيف المدعم من 5 قروش الى 10 قروش فى يوليوا القادم --- الحقيقة انا على عكس بعض الاراء مش معترض اصلا لسبب بسيط ان ال5 وال10 قروش اصلا مبقاش ليهم قيمة لا عند البسطاء ولا عندى والجنية غلب الكرنية وغطس ومقبش زى مهو معروف فيعنى الجنية هيجيب 10 ارغفة بدل 20 وعندى امل ان الرغيف ابو 10 يبقى برقية ابو شلن بس اياك متكنش دى بداية لزيادة سعر الرغيف ليصبح ب جنية .
قررت وزارة الصحة بقرار من وزير الصحة منع تداول الادوية الغير مرخصة والمسجلة ومجهولة المصدر.. لحد هنا خبر ممتاز بس فوجئت ان الصيادلة معترضين فحاولت افهم اكتشفت ان الوزارة مش عاملة قائمة بالادوية دى اصلا عشا الصيدليات متتعملش معاها وبالتالى وارد ان حد يغلط وبما ان العقوبة مغلظة وهى الغرامة واغلاق الصيدلية لمدة سنه فالسادة الصيادلة اعترضوا وانا متفق معاهم جدا وبالتالى نرجوا من الصحة تقول للصيادلة اية اسماء تلك الادوية والموضوع يخلص وبلاش افتعال الازمات كدة .
اللى مش عااددى
مجدى مهنا ورجاء النقاش فى ذمة الله- مصر تنعى ابنائها وتبكى فراقهم ان لله وانا الية راجعون.
وزير التعليم يقرر استيراد مدرسين من الخارج للنهوض بالحركة التعليمية على ان تكون نسبتهم 10% من اجمالى نسبة المدرسين – ومش هنقول للزمان يرجع يازمان ونفكر السيد الوزير ان فى اجيال كاملة فى الوطن العربى اتعلمت على ايد المدرسين المصريين بس هقول لسيادتة بدل متستورد من برة صلح اللى جوة وبدل متصرف فلوس الناس على مدرسين من الخارج طور المناهج وسفر مدرسينك بعثات برة الحلول كتير سيادة الوزير وبلاش عقدة الخواجة دى وفقدان الامل فى الحلول المحلية والا يبقى من حقنا نفقد الامل فى سيادتك اصلا ونستورد كمان وزير تعليم.
الدول العربية تتبنى وثيقة تكمم الفضائيات والاغلاق هى عقوبة تجريح الزعماء. طبعا انا ضد قلة الادب على طول الخط مع اى شخص حتى وان كنت اختلف معه لكن وثيقة زى دى هتستخدم زى مبيقولوا لتصفية الحسابات وللمجاملات ومحدش هيعرف ينطق وعلى العموم انا مش قلقان لانها استحالة تطبق ولو انت طبقتها غيرك لا وكلة هيقولك اشمعنى وهتنتهى بتوصيات جميلة زى بتاعت جامعتنا الموقرة جامعة الدول العربية وتتحط فى الدرج وقطر اعلنتها صراحة بس بشياكة انها متحفظة على الوثيقة يعنى من الاخر مش هطبق اللى انتوا بتقولوه دة.
التغيرات المناخية تهدد 600 منتجع سياحى بمصر والخسائر تقدر بالمليارات—والله انا شرحت الموضوع دة قبل كدة ولية حلول كتير بس اهو فرقعة وكلام وبيخذوا العين عن المنتجعات السياحية وناقص يعلقوا ورقة ويقولوا ياناس ياشر كفاية قر ابسط حل المستثمرين اللى بيجمعوا مليارات كل سنه يشتركوا ويركبوا مصدات مياة فى مضيق جبل طارق وخلصنا لا الدلتا هتغرق ولا مصالحهم هتتعطل ولا حاجة وبلاش بقى تشغلوا الغلابه بكلام مستهلك.
2000 مصرى دخلوا غزة وطلبوا الانضمام الى المقاومة وحماس أعادتهم الى القاهرة—اولا بالنسبه للناس اللى راحت ان اشاء الله نيتهم خير وكانوا عايزن الشهادة ونحسبهم بيجاهدوا اما حماس فتصرف طبيعى منها عشان متخسرش مصر انها ترجع الناس دول اما مصر فكان امن الدولة والمخابرات مستنينهم على المعابر ومش هفتى وقول حصل معاهم اية لانى معرفش بس ممكن حضراتكم تتخيلوا ومفيش اكتر من كدة يتقال .
منع النائب المستقل سعد عبود من حضور جلسات مجلس الشعب لنهاية الدورة البرلمانية الحالية.. الحدوته كلها النائب اتهم وزارة الداخلية وضباطها بالتربح من وراء الحجاج وعدم تقديم خدمة متميزة والتغرير بهم وما الى ذلك وقد م استجواب بكدة وتم مناقشة الاستجواب وطبعا طلع النائب غلطان من ساسه لراسة وكل الوثائق والتقارير واللى شايفاه الناس غلط والوزارة وظباطها فل الفل وصح الصح وانا لا مع ولاضد لانى مملكش حاجة او دليل ارجح كفة النائب او الوزارة لكن انا ضد ان النائب يتمنع من مجلس الشعب عشان قال رئية واتهم مسئول بالفساد داخل المجلس – امال مين اللى يستجوب المسئول اذا كان عضو مجلس الشعب ميقدرش ؟.
تلامذة الجيزة تظاهرو وسدوا انوفهم امام اكوام الذبالة—مدرسة اسمها النصر الخاصة فى فيصل تتراكم امامها اكوام الذبالة لدرجة ان هناك صعوبة لفتح الباب الرئيسى للمدرسة وتم تقديم شكاوى وتحرير محاضر ضد نظافة الجيزة ولا حياة لمن تنادى بس ممكن اسال سؤال يعنى هو مين اللى بيرمى الذباله دى ؟؟؟ مين اللى شايف ان خدمة النضافة منعدمة فى المنطقة وبردة بيرمى الذبالة ؟ ناس من المريخ هى اللى بتعمل كدة ولا سكان المنطقة اذا كان مرفق النضافة مقصر بالطبع فحضراتكم تفتقدون تماما لروح التعاون والمسئولية .
أما براوة
وادى حيتان بالفيوم أول محمية تراث طبيعى عالمى فى مصر وهى منطقة تضم حفريات لنوع نادر من الحيتان فى الصحراء الغربية الامر الذى ساعد العلماء على معرفة تطور هذا الكائن من كائن برى الى كائن بحرى --- عمل رائع وحاجة مشرفة لمصر مجهو د مشكور من الاممم المتحدة والمسئولين المصريين ومتحف مفتوح بيضم اكثر من 400 حفرية حاجة تشرف الحقيقة مبروك لمصر واما براوة.
زيادة الحد الادنى لاجور العاملين بالدولة من 105 جنية الى 450 جنية تبدأ من أول يوليو – طبعا ال450 انا مش شايفها مبلغ اصلا بس نسبة الزيادة 400% حاجة كويسة جدا واكيد هتكلف الدولة مبالغ كبيرة فطبعا اما براوة على الخطوة ونتمنى تكون بداية والبلية تلعب مع الحكومة وتفرح الناس كمان وكمان اما براوة.
أما عجايب
من يتعرض للاراضى المصرية ستكسر رجلة ولكننا لانسمح بما يحدث فى غزة—تصريح صادر عن وززير خارجيتنا الفارس المقدام تصريح انا معاه 100% لو كان بيقولوه لاسرائيل لكن للأسف بيقولوه لاخونا فى فلسطين وكما قلت هنا من قبل انا مع فتح المعبر ومع اغلاقة لكن هذا لايعطينا الحق ان نهدد اخوننا ونتوعدهم فاذا كانت قلة اخطات فانت لم تخاطب تلك القلة ولكنك خاطبت شعب شقيق تصريح غير موفق سيادة الوزير وقد خانك التعبير ومتزعلش لما كل الناس تقول اما عجايب.
سجل مدنى حلوان يخترع ابنا افتراضيا لمواطن ذهب ليستخرج قيد عائلى لابنه الوحيد ليحصل على الاعفاء من التجنيد ويعمل لكى يساعده فى مصاريف 5 شقيقات بنات ---- راجل بسيط جميل مصرى مخلف ولد وخمس بنات راح يطلع قيد عائلى عشان ابنه ياخد اعفاء من الجيش ويشتغل بعد مخلص جامعه اكتشف انه مخلف عيل تانى من 30 سنه وطبعا من يعرف الروتين فى مصر يدرك اى مصيبة وقع فيها ذلك الرجل وعلى الرغم انه احضر كل مايثبت عدم صحة ذلك الا انه منذ 3 سنوات لم يستطع ان يحصل على حكم قضائى بالخطأ والولد مشتغلش وعاطل ومتهرب كمان بقى كدة من الجيش شفته انكت من كدة وبيقولك الشباب بقى متسرع ويحمل افكار هدامة وبيدرسوا الناس بيبقوا ارهابيين لية اما عجايب .
عناوين جذابه
فاروق جويدة الوطنى يحتكر الوطن والاخوان يحتكرون الدين والمواطن محتار بينهما.
الفتح تاريخى والغلق ايضا طلعتوا روح التاريخ وفطستوا المستقبل.
الاسعار وصلت برج القاهرة والمرتبات لسه فى بدروم الست الحكومه.
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
الحزب الوطنى يضم جميع روؤساء تحرير الصحف القومية لتشكيلات أماناته . واحد يقولى قال يعنى هما مكنوش منضمين اصلا وواحد تانى يقولى واية اهمية الخبر يعنى سواء انضموا او منضموش اية الفرق وطبعا الناس عندها حق لانهم نيعرفوش الفرق بين الصحافة الحرة والصحافة الحزبية لان من يوم موعوا على الدنيا الجرايد تابعة للحكومه وبالتالى لم يعرفوا مدى اهمية ان يكون فى بلدك صحافة حرة على العموم مبروك على روؤساء التحرير عضوية الحزب فهذا يضمن لهم الكثير ومحدش يكلمنى عن دموع صاحبة الجلاله لان دموعها نشفت خلاص مبقتش قادرة تبكى.
منع البسطويسى من المشاركة فى محاكمة دولية لمجرمى الحرب الاسرائيلية. طبعا المستشار هشام البسطويسى دة نائب رئيس محكمة النقض وراجل من اصحاب وجهات النظر والرأى المخالف للدولة ولسياسات وزير العدل ومش من محاسيب الست الحكومة وعشان كدة هو شايف انهم رفضوا يدولوا التصريح بلد بتاعت احزاب صحيح مع الاعتذار لمقولة بلد بتاعت شهادات.
مصرع 30 واصابة 14 بسبب الشبورة على طريق الكريمات – حلوان الدولى . اولا نقطة نظام الحوادث دى شىء قدرى ورحمة الله على المتوفيين لكن دة ميمنعش اننا نقول ان الطريق دة جديد ومفيهوش عواميد نور ولا اشارات تحذيرية فى حالة الخطر والناس اللى على البوابات نايمين فى العسل يعنى شايفين الطريق شبورة وممكن يحصل مشاكل مقفلوش الطريق لمدة ساعة ولا 2 زى اى مكان فى الدنيا تلافيا لوقوع كوارث لكن هنقول اية البقاء لله .
القاهرة وصلت الى اعلى حدود التلوث وسماؤها مشبعة بالرصاص ومغطاة بسحابة سوداء. يعنى نغمة جو القاهرة الجميل وسمائها الصافية ونسمات النيل العليل انقرضت زى مااتاريخنا انقرض وواقعنا اصبح سىء فى كل شىء مفيش نهضة غير فى الكليبات والمايوهات ال وان بيس ياجماعة هنفوق امتى بقى المشكلة دى كرثة ولاتقولى بقى حكومة ولا غيرة دى مسالة قومية لازم الناس تتعلم تحافظ على البيئة البلد صدرها تعب وجالها الربو.
نائب يطالب بانشاء هيئة عليا لمقاومة الفساد فى مصر—وانا رأى ان الهيئة موجودة وبدل منفكر ننشأ هيئة نفعل دور اللى موجود اصلا وهو الجهاز المركزى للمحاسبات اديلوا صالحيات متخليش دورة رقابى بس اعملوا كرامة بدل مهو ملطشة لوزراء الحكومة ومش بس كدة دة كمان اعضاء الحزب الحاكم بقم ينفضلوا بلغة الشارع .
رفع سعر الرغيف المدعم من 5 قروش الى 10 قروش فى يوليوا القادم --- الحقيقة انا على عكس بعض الاراء مش معترض اصلا لسبب بسيط ان ال5 وال10 قروش اصلا مبقاش ليهم قيمة لا عند البسطاء ولا عندى والجنية غلب الكرنية وغطس ومقبش زى مهو معروف فيعنى الجنية هيجيب 10 ارغفة بدل 20 وعندى امل ان الرغيف ابو 10 يبقى برقية ابو شلن بس اياك متكنش دى بداية لزيادة سعر الرغيف ليصبح ب جنية .
قررت وزارة الصحة بقرار من وزير الصحة منع تداول الادوية الغير مرخصة والمسجلة ومجهولة المصدر.. لحد هنا خبر ممتاز بس فوجئت ان الصيادلة معترضين فحاولت افهم اكتشفت ان الوزارة مش عاملة قائمة بالادوية دى اصلا عشا الصيدليات متتعملش معاها وبالتالى وارد ان حد يغلط وبما ان العقوبة مغلظة وهى الغرامة واغلاق الصيدلية لمدة سنه فالسادة الصيادلة اعترضوا وانا متفق معاهم جدا وبالتالى نرجوا من الصحة تقول للصيادلة اية اسماء تلك الادوية والموضوع يخلص وبلاش افتعال الازمات كدة .
اللى مش عااددى
مجدى مهنا ورجاء النقاش فى ذمة الله- مصر تنعى ابنائها وتبكى فراقهم ان لله وانا الية راجعون.
وزير التعليم يقرر استيراد مدرسين من الخارج للنهوض بالحركة التعليمية على ان تكون نسبتهم 10% من اجمالى نسبة المدرسين – ومش هنقول للزمان يرجع يازمان ونفكر السيد الوزير ان فى اجيال كاملة فى الوطن العربى اتعلمت على ايد المدرسين المصريين بس هقول لسيادتة بدل متستورد من برة صلح اللى جوة وبدل متصرف فلوس الناس على مدرسين من الخارج طور المناهج وسفر مدرسينك بعثات برة الحلول كتير سيادة الوزير وبلاش عقدة الخواجة دى وفقدان الامل فى الحلول المحلية والا يبقى من حقنا نفقد الامل فى سيادتك اصلا ونستورد كمان وزير تعليم.
الدول العربية تتبنى وثيقة تكمم الفضائيات والاغلاق هى عقوبة تجريح الزعماء. طبعا انا ضد قلة الادب على طول الخط مع اى شخص حتى وان كنت اختلف معه لكن وثيقة زى دى هتستخدم زى مبيقولوا لتصفية الحسابات وللمجاملات ومحدش هيعرف ينطق وعلى العموم انا مش قلقان لانها استحالة تطبق ولو انت طبقتها غيرك لا وكلة هيقولك اشمعنى وهتنتهى بتوصيات جميلة زى بتاعت جامعتنا الموقرة جامعة الدول العربية وتتحط فى الدرج وقطر اعلنتها صراحة بس بشياكة انها متحفظة على الوثيقة يعنى من الاخر مش هطبق اللى انتوا بتقولوه دة.
التغيرات المناخية تهدد 600 منتجع سياحى بمصر والخسائر تقدر بالمليارات—والله انا شرحت الموضوع دة قبل كدة ولية حلول كتير بس اهو فرقعة وكلام وبيخذوا العين عن المنتجعات السياحية وناقص يعلقوا ورقة ويقولوا ياناس ياشر كفاية قر ابسط حل المستثمرين اللى بيجمعوا مليارات كل سنه يشتركوا ويركبوا مصدات مياة فى مضيق جبل طارق وخلصنا لا الدلتا هتغرق ولا مصالحهم هتتعطل ولا حاجة وبلاش بقى تشغلوا الغلابه بكلام مستهلك.
2000 مصرى دخلوا غزة وطلبوا الانضمام الى المقاومة وحماس أعادتهم الى القاهرة—اولا بالنسبه للناس اللى راحت ان اشاء الله نيتهم خير وكانوا عايزن الشهادة ونحسبهم بيجاهدوا اما حماس فتصرف طبيعى منها عشان متخسرش مصر انها ترجع الناس دول اما مصر فكان امن الدولة والمخابرات مستنينهم على المعابر ومش هفتى وقول حصل معاهم اية لانى معرفش بس ممكن حضراتكم تتخيلوا ومفيش اكتر من كدة يتقال .
منع النائب المستقل سعد عبود من حضور جلسات مجلس الشعب لنهاية الدورة البرلمانية الحالية.. الحدوته كلها النائب اتهم وزارة الداخلية وضباطها بالتربح من وراء الحجاج وعدم تقديم خدمة متميزة والتغرير بهم وما الى ذلك وقد م استجواب بكدة وتم مناقشة الاستجواب وطبعا طلع النائب غلطان من ساسه لراسة وكل الوثائق والتقارير واللى شايفاه الناس غلط والوزارة وظباطها فل الفل وصح الصح وانا لا مع ولاضد لانى مملكش حاجة او دليل ارجح كفة النائب او الوزارة لكن انا ضد ان النائب يتمنع من مجلس الشعب عشان قال رئية واتهم مسئول بالفساد داخل المجلس – امال مين اللى يستجوب المسئول اذا كان عضو مجلس الشعب ميقدرش ؟.
تلامذة الجيزة تظاهرو وسدوا انوفهم امام اكوام الذبالة—مدرسة اسمها النصر الخاصة فى فيصل تتراكم امامها اكوام الذبالة لدرجة ان هناك صعوبة لفتح الباب الرئيسى للمدرسة وتم تقديم شكاوى وتحرير محاضر ضد نظافة الجيزة ولا حياة لمن تنادى بس ممكن اسال سؤال يعنى هو مين اللى بيرمى الذباله دى ؟؟؟ مين اللى شايف ان خدمة النضافة منعدمة فى المنطقة وبردة بيرمى الذبالة ؟ ناس من المريخ هى اللى بتعمل كدة ولا سكان المنطقة اذا كان مرفق النضافة مقصر بالطبع فحضراتكم تفتقدون تماما لروح التعاون والمسئولية .
أما براوة
وادى حيتان بالفيوم أول محمية تراث طبيعى عالمى فى مصر وهى منطقة تضم حفريات لنوع نادر من الحيتان فى الصحراء الغربية الامر الذى ساعد العلماء على معرفة تطور هذا الكائن من كائن برى الى كائن بحرى --- عمل رائع وحاجة مشرفة لمصر مجهو د مشكور من الاممم المتحدة والمسئولين المصريين ومتحف مفتوح بيضم اكثر من 400 حفرية حاجة تشرف الحقيقة مبروك لمصر واما براوة.
زيادة الحد الادنى لاجور العاملين بالدولة من 105 جنية الى 450 جنية تبدأ من أول يوليو – طبعا ال450 انا مش شايفها مبلغ اصلا بس نسبة الزيادة 400% حاجة كويسة جدا واكيد هتكلف الدولة مبالغ كبيرة فطبعا اما براوة على الخطوة ونتمنى تكون بداية والبلية تلعب مع الحكومة وتفرح الناس كمان وكمان اما براوة.
أما عجايب
من يتعرض للاراضى المصرية ستكسر رجلة ولكننا لانسمح بما يحدث فى غزة—تصريح صادر عن وززير خارجيتنا الفارس المقدام تصريح انا معاه 100% لو كان بيقولوه لاسرائيل لكن للأسف بيقولوه لاخونا فى فلسطين وكما قلت هنا من قبل انا مع فتح المعبر ومع اغلاقة لكن هذا لايعطينا الحق ان نهدد اخوننا ونتوعدهم فاذا كانت قلة اخطات فانت لم تخاطب تلك القلة ولكنك خاطبت شعب شقيق تصريح غير موفق سيادة الوزير وقد خانك التعبير ومتزعلش لما كل الناس تقول اما عجايب.
سجل مدنى حلوان يخترع ابنا افتراضيا لمواطن ذهب ليستخرج قيد عائلى لابنه الوحيد ليحصل على الاعفاء من التجنيد ويعمل لكى يساعده فى مصاريف 5 شقيقات بنات ---- راجل بسيط جميل مصرى مخلف ولد وخمس بنات راح يطلع قيد عائلى عشان ابنه ياخد اعفاء من الجيش ويشتغل بعد مخلص جامعه اكتشف انه مخلف عيل تانى من 30 سنه وطبعا من يعرف الروتين فى مصر يدرك اى مصيبة وقع فيها ذلك الرجل وعلى الرغم انه احضر كل مايثبت عدم صحة ذلك الا انه منذ 3 سنوات لم يستطع ان يحصل على حكم قضائى بالخطأ والولد مشتغلش وعاطل ومتهرب كمان بقى كدة من الجيش شفته انكت من كدة وبيقولك الشباب بقى متسرع ويحمل افكار هدامة وبيدرسوا الناس بيبقوا ارهابيين لية اما عجايب .
عناوين جذابه
فاروق جويدة الوطنى يحتكر الوطن والاخوان يحتكرون الدين والمواطن محتار بينهما.
الفتح تاريخى والغلق ايضا طلعتوا روح التاريخ وفطستوا المستقبل.
الاسعار وصلت برج القاهرة والمرتبات لسه فى بدروم الست الحكومه.
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
========================
اخبار بلدنا 21 فبراير
العاادىىى
ارتفاع اسعار الارز بعد انهيار وقف التصدير.. من قبل قد اشدت هنا بقرار وزارة التجارة والصناعة بوقف تصدير الارز نظرا لانننا نصدر مياة وليس ارز لانه يستهلك كمية مياة كبيرة فى زراعته ومنع التصدير يحد من زراعتة وفى نفس الوقت يقلل من سعرة ولكن للاسف القرار انهار بس بسبب انهى زلزال محدش عارف وسقط عمدا من حسابات الحكومة اية السبب محدش عارف حتى الشيخ مرجان ابو سر باتع والعالم ببواطن الامور فشل فى فتح المندل لمعرفة من يقف خلف ذلك الانهيار ورجع الارز ينافس الطماطم فى الجنان .
اعتقال الاخوان المسلمين مستمر قبل خوض انتخابات المحليات . ياعبنى الدنيا مقلوبة دلوقتى كل من هو له علاقة بالاخوان من قريب او بعيد فى كل مكان فى بلدنا المحروسة بيتمسك وطبعا دة بعد ماعلنوا خوضهم لانتخابات المجالس المحلية واصبح الاخوان وونتد والسجون مرشقه بيهم وسلملى بقى على اللعب النظيف وفروسية الميدان وحرية التعبير وخالتى نزيهه وحرة حاجة تكسف لما منبقاش قادرين ننافس حد نقوم نرميه فى المعتقل وبعدين نسأل الشعب متعاطف مع جماعه محظوره ازاى .
دراسة لتطبيق نظام الساعات المعتمد بالثانوية العامه 2010 واضافة درجات اعمال السنه... طبعا كلنا عارفين صفر المونديال مهو كان بتاع 2010 بردة جميل اوى بلدنا دى كل وزير يجى يجيب نظام ثانوية عامة جديد لا واية ويقلك هو دة المنقذ هو دة الحل والعيال هتتخرج اية عباقرة وعلماء وكله هيخش الطب والهندسة وكله هيفرح ونرفع عن كاهل الاسرة اعباء البتنجان والدروس الخصوصية هنحاصرها وانا اقولهم ماهو باين بدليل حتة اعمال السنه دى عشان يبقى كل مدرس بيدرس فى فصل ضمن ال60 عيل اللى قدامه واخدين دروس عنده وهو مساعده من الوزارة بدل العيال ميقعدوا يدوروا على مدرسين ومدرسين تشتغل وتانيين متشتغلش يبقى فى عداله فى الدروس- انا اسف مجبر اكرر مقولة سعد باشا مفيش فايده.
مواطنون ضد الغلاء تجار الزيوت استغلوا بطولة الامم الافريقية لرفع اسعار الزيوت مرتين—واشمعنى الزيت يعنى هيفضل رخيص دة حتى يبقى فال وحش وبعدين بقية السلع هتبصله بنظرة دونية على اعتبار انه اقل منهم ورخيص لازم يتجنن هو كمان وبعدين التجار ناصحين بردة زودوا السعر والشعب مبسوط والناس بتهيص والمنتخب بيكسب وهما يدفعوا والمنتخب ياخد ملايين وفى قرى مفيهاش نقطة مياه والمنتخب يتكرم ويتسجل اساميهم فى التاريخ والعلماء فى معهد البحوث مش لاقيين حد يسمعهم والبحوث بتاكلها الفئران يا جماعه يسعدنى ابشركم بمستقبل زاهر زاهر زاهر مع تحيات سمير زاهر رئيس الاتحاد
اللى مش عاادى
رغم قرار وزير التضامن الاجتماعى مكاتب التموين ترفض شهادات الميلاد الورقية - طبعا احنا عارفين الفكرة العبقرية بتاعت الحكومة الالكترونية اللى هتدخل بينا القرن ال28 بعمل بطاقات تموين لكل مواطن بعياله وبتاع مع انى مش فاهم منين الدعم هيتلغى ومنين احنا بنتفرم اصلا فى جنون الاسعار ومنين هنرجع لنظام البطاقات التموينية بتاع الاشتراكية والخمسينات ماعلينا بلاش نتكلم فى السياسة المهم عشان تسجل عيالك فىبطايق التموين لازم شهادة ميلا د مميكنه ونظرا للهبل اللى حصل والطوابير الرهية وحالات الاغماء قرر وزير التضامن قبول الشهادات الورقية القديمة لكن مكاتب التموين رفضت ازااى معرفش .
نائب 17 % من طلبة الجامعات متزوجون عرفيا – طب وكام مش متجوزين عرفيا وكام مقضينها ودى وكام بينادوا بالفجور وتبقى العملية سلطة وكام محرومين ومش قادرين ينطقوا وكام بينتحروا وكام نسبة العنوسة وكام وكام ياسيادة النائب الشباب والبنات فى بلدنا على حافةالانهيار ومش عارفين نلوم مين ولا مين هما ضحية اعلام سافل بيحرك الغرائز ولا ضحية اوضاع اقتصادية سيئة ولا ضحية تعليم فاشل ولا ضحية تربية قديمة قدم الاهرامات مأسااااااه.
واشنطن تعلن عدم رضائها عن جهود مصر لوقف تهريب السلاح على الحدود مع غزة – طبعا زى ماانا ذكرت قبل كده ان البجاحة سعرها على نظرا لان الصهاينه محتكرنها ويظهر ان الامريكان بينافسوهم دلوقتى بس هنعمل اية قدرنا من لايملك قوت يومه لا يملك حرية قراره ولك الله يا مصر .
الجبلى يكتشف مستشفى مجهز ومغلق منذ 6 سنوات من خلال جولة مفاجئة فى الجيزة – طبعا دة خبر عادى جدا الاهمال فى بلدنا رهيب وبعدين شالو الدوا جابو شاهين الدو قال مانتوش لاعبين وزير بيروح ووزير بيجى وكله بيتوه فى النص بس طبعا دة تصرف غير عادى من الوزير وعلى الرغم ان سيادة الزير ازماته كتير ومشاكل كتير مع الاطباء والصيادله بس دة عشان راجل بيشتغل وان كنا نختلف معه الا انه رجل مناسب فى مكان مناسب ونتمنى ياسيادة الوزير دايما كده تحياتى لحضرتك.
أما براوه
الحكومة تدرس اعادة تقييم الاراضى فى توشكى بواسطة خبرات اجنبية ومحلية – طبعا دة قرار رهيب ويجب ان يسجل ف التاريخ لانننا اتعودنا ان الحكومة مبتغلطش وهما فاهميين كل حاجة والباقى تلاميذ بس طبعا قرار زى دة بيحمل عنوان رحم الله امرىء عرف قدر نفسة نتمنى انه يتنفذ ونتمنى ان توشكى تفيد بلدنا ويبقى فيها خير مهو كله فى مصلحتنا قرار موفق ياسيادة رئيس الوزراء وياريت دايما كده ندى العيش لخبازه وانتوا تساعدوهم اما براوه.
ملازم اول اسمه محمد عاشور معاون مباحث فى القناطر خرج لعمله مثل كل شخص ولكنه ليس مثل اى شخص تعددت الاقوال انه كان فى مطاردة احد تجار المخدارت واطلق علية التاجر ارصاص وقتلة ومقولة اخرى ان المرشد الذى يستخدمه لمعرفة اخبار تجار المخدرات هو من خانه واطلق علية الرصاص اى كان هو شاب ضحى بنفسه فداء لهذا الوطن اى كان هو شاب استشهد قبل زفافه بشهر من اجل ان يحيا كل فرد فينا امن على نفسة وابناءه من تجار السموم اى كان فهذا هو الوجه الحقيقى لوزارة الداخلية هؤلاء هم حمات الوطن الحقيقيين هؤلاء هم اخوانننا وابنائنا الابطال رحم الله محمد عشور وان كنت اعزى اهلة واعزى وزارة الداخلية واعزى شعب مصر فانا اعزى نفس قبل كل هذا فانى افتخر ان هذا الفتى من بلدى رحمك الله يااخى رحمك اللة يا بن مصر ارجو الدعاء لفقيد الامه محمد عاشور.
أما عجايب
غضب البرلمان المصرى لصدور تقرير من البرلمان الاروبى ينتقد حقوق الانسان فى مصر ووصل الامر برئيس مجلس الشعب والنواب بالتهديد بمقاطعة البرلمان الاوروبى واطلقوا السهام النارية وكأن الحرب قد قامت وصمتوا عن اساءة حثالة اوروبا لسيد المرسلين لم ارى احدا يطالب بمقاطعة الاتحاد الاوربى لانه يساند الدنمارك لم ارى احد يرفع شماعة لم ارى سوى شعارات وكلمات رنانه لا ترتقى لحجم الاهانه وزير الخارجية الذى ينفرد باصدارة لتصريحات نارية فى حق الاشقاء قبل الاعداء استدعى سفير الدنمارك ليسجل احتجاج مصر على تلك الاهانه المتعمده و المقصودة ولم اراه يعطينى تصريح واحد حتى وان كان اجوف يبرد نارى – 17 جريدة تعيد اصدار الرسوم المسيئة للرسول دفعة واحدة ونحن كالنساء نعوى ونبكى ونشجب وننددد عمل منظم لاهانة سيدنا رسول الله ونحن مغيبين اى رجال نحن معذرتا اى نساء نحن لايدعى احدا منا حبه للرسول فهذا كذب من فينا فكر وقلبة انفطر على اهانة حبيبة من منا حاول حتى بالمقاطعه مرة اخرى يعبر عن حبة من منا جعل هذا الامر قضيتة اقولها بكل ثقه لااااااااااااااا احدددددددددد لك الله ياامة تنازعت على الشهوات والمطامع وغرتها الدنيا ومتاعها وغيبت عقولها واسودت قلوبها .
عناوين جذابه
البورصجية اشتكوا من كتر اشاعاتك والمشرحة مش ناقصة قتله.
يحبون اللا عبين ويكرهون الحكومه بدرجة 75 مليون على مقياس ارقص يا حضرى.
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
ارتفاع اسعار الارز بعد انهيار وقف التصدير.. من قبل قد اشدت هنا بقرار وزارة التجارة والصناعة بوقف تصدير الارز نظرا لانننا نصدر مياة وليس ارز لانه يستهلك كمية مياة كبيرة فى زراعته ومنع التصدير يحد من زراعتة وفى نفس الوقت يقلل من سعرة ولكن للاسف القرار انهار بس بسبب انهى زلزال محدش عارف وسقط عمدا من حسابات الحكومة اية السبب محدش عارف حتى الشيخ مرجان ابو سر باتع والعالم ببواطن الامور فشل فى فتح المندل لمعرفة من يقف خلف ذلك الانهيار ورجع الارز ينافس الطماطم فى الجنان .
اعتقال الاخوان المسلمين مستمر قبل خوض انتخابات المحليات . ياعبنى الدنيا مقلوبة دلوقتى كل من هو له علاقة بالاخوان من قريب او بعيد فى كل مكان فى بلدنا المحروسة بيتمسك وطبعا دة بعد ماعلنوا خوضهم لانتخابات المجالس المحلية واصبح الاخوان وونتد والسجون مرشقه بيهم وسلملى بقى على اللعب النظيف وفروسية الميدان وحرية التعبير وخالتى نزيهه وحرة حاجة تكسف لما منبقاش قادرين ننافس حد نقوم نرميه فى المعتقل وبعدين نسأل الشعب متعاطف مع جماعه محظوره ازاى .
دراسة لتطبيق نظام الساعات المعتمد بالثانوية العامه 2010 واضافة درجات اعمال السنه... طبعا كلنا عارفين صفر المونديال مهو كان بتاع 2010 بردة جميل اوى بلدنا دى كل وزير يجى يجيب نظام ثانوية عامة جديد لا واية ويقلك هو دة المنقذ هو دة الحل والعيال هتتخرج اية عباقرة وعلماء وكله هيخش الطب والهندسة وكله هيفرح ونرفع عن كاهل الاسرة اعباء البتنجان والدروس الخصوصية هنحاصرها وانا اقولهم ماهو باين بدليل حتة اعمال السنه دى عشان يبقى كل مدرس بيدرس فى فصل ضمن ال60 عيل اللى قدامه واخدين دروس عنده وهو مساعده من الوزارة بدل العيال ميقعدوا يدوروا على مدرسين ومدرسين تشتغل وتانيين متشتغلش يبقى فى عداله فى الدروس- انا اسف مجبر اكرر مقولة سعد باشا مفيش فايده.
مواطنون ضد الغلاء تجار الزيوت استغلوا بطولة الامم الافريقية لرفع اسعار الزيوت مرتين—واشمعنى الزيت يعنى هيفضل رخيص دة حتى يبقى فال وحش وبعدين بقية السلع هتبصله بنظرة دونية على اعتبار انه اقل منهم ورخيص لازم يتجنن هو كمان وبعدين التجار ناصحين بردة زودوا السعر والشعب مبسوط والناس بتهيص والمنتخب بيكسب وهما يدفعوا والمنتخب ياخد ملايين وفى قرى مفيهاش نقطة مياه والمنتخب يتكرم ويتسجل اساميهم فى التاريخ والعلماء فى معهد البحوث مش لاقيين حد يسمعهم والبحوث بتاكلها الفئران يا جماعه يسعدنى ابشركم بمستقبل زاهر زاهر زاهر مع تحيات سمير زاهر رئيس الاتحاد
اللى مش عاادى
رغم قرار وزير التضامن الاجتماعى مكاتب التموين ترفض شهادات الميلاد الورقية - طبعا احنا عارفين الفكرة العبقرية بتاعت الحكومة الالكترونية اللى هتدخل بينا القرن ال28 بعمل بطاقات تموين لكل مواطن بعياله وبتاع مع انى مش فاهم منين الدعم هيتلغى ومنين احنا بنتفرم اصلا فى جنون الاسعار ومنين هنرجع لنظام البطاقات التموينية بتاع الاشتراكية والخمسينات ماعلينا بلاش نتكلم فى السياسة المهم عشان تسجل عيالك فىبطايق التموين لازم شهادة ميلا د مميكنه ونظرا للهبل اللى حصل والطوابير الرهية وحالات الاغماء قرر وزير التضامن قبول الشهادات الورقية القديمة لكن مكاتب التموين رفضت ازااى معرفش .
نائب 17 % من طلبة الجامعات متزوجون عرفيا – طب وكام مش متجوزين عرفيا وكام مقضينها ودى وكام بينادوا بالفجور وتبقى العملية سلطة وكام محرومين ومش قادرين ينطقوا وكام بينتحروا وكام نسبة العنوسة وكام وكام ياسيادة النائب الشباب والبنات فى بلدنا على حافةالانهيار ومش عارفين نلوم مين ولا مين هما ضحية اعلام سافل بيحرك الغرائز ولا ضحية اوضاع اقتصادية سيئة ولا ضحية تعليم فاشل ولا ضحية تربية قديمة قدم الاهرامات مأسااااااه.
واشنطن تعلن عدم رضائها عن جهود مصر لوقف تهريب السلاح على الحدود مع غزة – طبعا زى ماانا ذكرت قبل كده ان البجاحة سعرها على نظرا لان الصهاينه محتكرنها ويظهر ان الامريكان بينافسوهم دلوقتى بس هنعمل اية قدرنا من لايملك قوت يومه لا يملك حرية قراره ولك الله يا مصر .
الجبلى يكتشف مستشفى مجهز ومغلق منذ 6 سنوات من خلال جولة مفاجئة فى الجيزة – طبعا دة خبر عادى جدا الاهمال فى بلدنا رهيب وبعدين شالو الدوا جابو شاهين الدو قال مانتوش لاعبين وزير بيروح ووزير بيجى وكله بيتوه فى النص بس طبعا دة تصرف غير عادى من الوزير وعلى الرغم ان سيادة الزير ازماته كتير ومشاكل كتير مع الاطباء والصيادله بس دة عشان راجل بيشتغل وان كنا نختلف معه الا انه رجل مناسب فى مكان مناسب ونتمنى ياسيادة الوزير دايما كده تحياتى لحضرتك.
أما براوه
الحكومة تدرس اعادة تقييم الاراضى فى توشكى بواسطة خبرات اجنبية ومحلية – طبعا دة قرار رهيب ويجب ان يسجل ف التاريخ لانننا اتعودنا ان الحكومة مبتغلطش وهما فاهميين كل حاجة والباقى تلاميذ بس طبعا قرار زى دة بيحمل عنوان رحم الله امرىء عرف قدر نفسة نتمنى انه يتنفذ ونتمنى ان توشكى تفيد بلدنا ويبقى فيها خير مهو كله فى مصلحتنا قرار موفق ياسيادة رئيس الوزراء وياريت دايما كده ندى العيش لخبازه وانتوا تساعدوهم اما براوه.
ملازم اول اسمه محمد عاشور معاون مباحث فى القناطر خرج لعمله مثل كل شخص ولكنه ليس مثل اى شخص تعددت الاقوال انه كان فى مطاردة احد تجار المخدارت واطلق علية التاجر ارصاص وقتلة ومقولة اخرى ان المرشد الذى يستخدمه لمعرفة اخبار تجار المخدرات هو من خانه واطلق علية الرصاص اى كان هو شاب ضحى بنفسه فداء لهذا الوطن اى كان هو شاب استشهد قبل زفافه بشهر من اجل ان يحيا كل فرد فينا امن على نفسة وابناءه من تجار السموم اى كان فهذا هو الوجه الحقيقى لوزارة الداخلية هؤلاء هم حمات الوطن الحقيقيين هؤلاء هم اخوانننا وابنائنا الابطال رحم الله محمد عشور وان كنت اعزى اهلة واعزى وزارة الداخلية واعزى شعب مصر فانا اعزى نفس قبل كل هذا فانى افتخر ان هذا الفتى من بلدى رحمك الله يااخى رحمك اللة يا بن مصر ارجو الدعاء لفقيد الامه محمد عاشور.
أما عجايب
غضب البرلمان المصرى لصدور تقرير من البرلمان الاروبى ينتقد حقوق الانسان فى مصر ووصل الامر برئيس مجلس الشعب والنواب بالتهديد بمقاطعة البرلمان الاوروبى واطلقوا السهام النارية وكأن الحرب قد قامت وصمتوا عن اساءة حثالة اوروبا لسيد المرسلين لم ارى احدا يطالب بمقاطعة الاتحاد الاوربى لانه يساند الدنمارك لم ارى احد يرفع شماعة لم ارى سوى شعارات وكلمات رنانه لا ترتقى لحجم الاهانه وزير الخارجية الذى ينفرد باصدارة لتصريحات نارية فى حق الاشقاء قبل الاعداء استدعى سفير الدنمارك ليسجل احتجاج مصر على تلك الاهانه المتعمده و المقصودة ولم اراه يعطينى تصريح واحد حتى وان كان اجوف يبرد نارى – 17 جريدة تعيد اصدار الرسوم المسيئة للرسول دفعة واحدة ونحن كالنساء نعوى ونبكى ونشجب وننددد عمل منظم لاهانة سيدنا رسول الله ونحن مغيبين اى رجال نحن معذرتا اى نساء نحن لايدعى احدا منا حبه للرسول فهذا كذب من فينا فكر وقلبة انفطر على اهانة حبيبة من منا حاول حتى بالمقاطعه مرة اخرى يعبر عن حبة من منا جعل هذا الامر قضيتة اقولها بكل ثقه لااااااااااااااا احدددددددددد لك الله ياامة تنازعت على الشهوات والمطامع وغرتها الدنيا ومتاعها وغيبت عقولها واسودت قلوبها .
عناوين جذابه
البورصجية اشتكوا من كتر اشاعاتك والمشرحة مش ناقصة قتله.
يحبون اللا عبين ويكرهون الحكومه بدرجة 75 مليون على مقياس ارقص يا حضرى.
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
=====================
اخبار بلدنا 28 فبراير
العااادىىى
الاخوان يعلنون مشاركتهم فى انتخابات المحليات رسميا ويتخلون عن شعار الاسلام هو الحل ... طبعا دة حق الاخوان وتخليهم عن الشعار بيخلينى اتسائل طب اية سر تمسكهم به فى الاول ؟؟؟؟ على العموم يعنى المتوقع انهم هيخسروا نتيجة للتزوير والاعتقالات وقفل اللجان والبلاوى اللى كلنا عارفنها ولو فى حد عاقل يسيبهم يشتغلوا سياسة براحتهم لو مفلسيبن فكريا وسياسيا الشعب اللى هيوقعهم ولو ناجحين كله فى خدمة مصر .
اسعار الاسمنت تقفز الى 440 جنيه للطن ومخاوف من استمرار الزيادة—طبعا هتستمر الزيادة مدام البلد اتسابت للهليبة والمحتكرين ورجال الاعمال واصحاب المصالح بقم هما المسئولين بقى هما المتحكمين فى القوانين دة مش بعيد يبيعوا الهوا والنيل والشارع ويخدوا علينا كارته .
عائشة تعلن زيادة اجور العمال فى مؤتمر العمال العربى وتتراجع بعد الانتهاء من كلمتها—الحدوته يا ولاد ان وزيرة القوى العاملة اتمنظرت فى مؤتمر العمال العربى وصرحت ان الحكومة اصدرت قرار برفع الاجور واول مخلصت كلمتها فوجىء الصحفيين والاعلاميين بان مستشارها الاعلامى يوزع عليهم كلمة الوزيرة للنشر غير التى قيلت فى المؤتمر بحيث تم تعديل فقرت اصدر قانون الى البحث واعداد قانون ودة طبعا بعد محطت الحكومة فى مزنق وزيادة فى البجاحة قال اية بتقول مقلتش طب مالمؤتمر موجود وكلمتك موجودة ياسيادة الوزيرة بس هنقول اية حكومة ديجيتال وكله على الميل وبالانترنت دة مش بعيد االوزرا تكون اخبارهم من وسائل الاعلام زيهم زى الشعب هو دة عصر التكنوفوبيا ..
المعونة الامريكية تتراجع عن دعم ازالة الالغام فى مصر وانباء عن مساهمات المانية وايطالية --- زمان كنت بسمع من افسد شىء علية اصلاحة يعنى مين اللى زرع الالغام فى ارضنا اصلا الالمان والانجليز والصهاينة يبقى مين اللى شيلها بالعقل كدة هما دول تقولى يابنى محدش هيشيل حاجة انت بتحلم اقولك لا يشيلوا غصب عنهم بس لو شافوا حسم من دولة بتحترم نفسها وحقوقها لو لاقوا قطع علاقات فى حالة عدم ازالة الالغام لو فى حكومة واحدة محترمة شكلت لجنة من لجان كتير ملهاش شغلة تثير الموضوع فى الامم المتحدة ومتسكتش عنه احنا مش هنقعد نشحت ودة يتمنظر علينا ودة يتصدق ودة يرميلنا شوية فلوس هى دى اللى مسألة امن قومى مش ملاحقة الصحفيين ونشطاء حقوق الانساء واسكات كلمة الحق بدعوى الامن القومى حاجة تجيب الضغط وانا لسة صغير اللة ينتقم منكم .
اللى مش عاادى
مليار جنية تبرعات والمحصلة 180 سرير – دة فى ايجاز وصف مستشفى 57 بتاعت سرطان الاطفال يقولك دة فندق مش مستشفى يقولك دة انت فى اروبا يقولك دى حاجة تشرف يقولك دة الدكاترة والممرضات مدربين ولا بتوع انجلترا كل دة جميل ويفرح بس اية المحصلة 180 سرير يعنى ولا شىء قدام طوابير الاطفال المريضة اللى مش لاقية مكان يعنى ولا شىء قدام اطفال بيترفض علاجهم وبيتركوا فريسة للمرض قال اية اصلهم تلقوا علاج فى مكان قبل كدة المحصلة مشروع لا يعبر عن هدفة الاساسى معالجة الاطفال واحترام الام الاسر مشروع اصبح كقطعة ديكور فنية نتباهى بيها فقط لكن كم من الالام نستطيع معالجتها فى هذا الصرح لللاسف الفتات بأى عقل وبأى منطق صحيح شعب اقرع ونزهى.
تأجيل قضية اتهام ابنة الرئيس عبدالناصر للسادات بقتل والدها--- السيدة هدى عبدالناصر فى يوم من ذات الايام فى لحظة توهان ربما صرحت فى حديث صحفى ان الرئيس السادات عميل امريكى تم تجنيدة ودس السم لوالدها وقتلة قامت السيدة رقية السادات رفعت عليها قضية قام القضاء بتاعنا الجميل خالص اللى محدش عايز يتعرضله قال اية دة راجل ميت يعنى قضية السب والقذف فى حقة غير ذات موضوع بس راحت مدية تعويض 10000 جنية لرقية السادات قامت رقية السادات اتجنت ورفعت قضية تانى وهى دى اللى اتاجلت بصراحة حاجة تكسف وقلة قيمة سم اية وعميل امريكى اية بس يا هدى هانم واستفادتى اية من محاولى تشوية سمعة رمز من رموز هذا الوطن شئنا ام أبينا وبعدين القاضى اللى حكم بالحيثيات دى بيفتح المجال بقى ان اى واحد يموت يتشتم من غير ردع باى منطق العنوان الوحيد للخبر دة عيب كده.
ابو الغيط مصر تستعد لاعادة فتح سفارتها فى بغداد- ودم السفير بتاعنا فى رقبة مين ياسيادة الوزير مين اللى نيم الموضوع مين اللى قتل سفيرنا ياسيادة الوزير مين اللى رمل سيدة ويتم بنات فى عمر الزهور من حقنا نعرف ومن حقنا منقبلش بفتح السفارة قبل ميتحاسب اللى عمل كدة ولا احنا فالحين بس نقول احنا نقدر نعمل ونعمل فى اى حد يمس سيادتنا طب اهم جم قتلوا ابنننا ودبحوة وحطوا العار علينا كلنا عملنا اية ومحدش يقولى اسرار ومخابرات وقصص واهية لا من حقنا نعرف بلدنا ردت عملت اية من حقنا نعرف مين قتلة عشان نقبل عزاها ونفتح سفارة للدرجة دى دمنا بيهون علينا.
وفاة الدكتور صوفى ابو طالب—عالم من علمائنا القانونيين ورئيس مجلس الشعب السابق ورئيس الجمهوري 8 ايام فى الفترة المؤقتة بين مقتل الرئيس السادات وتولى الرئيس مبارك مات فى مطار ماليزيا اثناء توجهه ووفد الى جدة بعد انتهاء مؤتمر للازهر بماليزيا اتنرفز طق مات عشان اهمال وتسيب فى ادراة رحلة فيها رجل بقيمة هذا العالم وجهل فى تنظيم المؤتمرات وحجز الطيران على العموم تعددت الاسباب والموت واحد رحمة الله علية ونحسبة ان شاء الله فى الجنة.
حملة لمحاربة انتشار لبوس التركيز وكوكتيل الكله مع البنزين – دة مش خبر دعابة دى مصايب بتحصل فى بلدنا الشباب بيقولك قال اية فى اوساط المدمنين يعنى لبوس من بتاع البرد مع قهوه تعمل دماغ تركيز كده وتشم بنزين مع كلة اجدع فيتامين فى العالم يخليك اسد ونشيط ولا عمرو ذكى لا وكمان اية تضرب مسحوق الطباشير مع شوية عطور متنمش سنه لو عايز شوية وصفات بسم الله ماشاء الله تودى فى 60 نيلة الله الحقيقة الله على الافكار التطويرية لشباب المدمنيين المصريين هنفضل لحد امتى فى الغيبووووووووووووووبه.
أما براوة
محمود وائل طفل عمره 9 سنوات عبقرية مصرية استطاع تعلم اللغة الانجليزيه فى 3 شهور ويستطيع حفظ دروسة بمجرد القراءه ويقوم بالعمليات الرياضية المطولة بدون ورقة وقلم وتعدى كل اختبارات الذكاء ولذا قابلة سيادة وزير التعليم العالى واعلن انه يتبناه علميا واعلن انه يمكن ان يلتحق محمود بالجامعه بعد الاعدادية مباشرة اذا استطاع اجتياز برنامج علمى محدد ونتمنى ياسيادة الوزير الوزير اللى هيجى بعدك يساعد محمود زيك وينفذ كلامك وميعملش ودن من طين وودن من عجين براوة يا ابو حنفى واما براوة لسيادة الوزير واهتمامه بمحمود.
مفيد شهاب الحكومة نجحت فى تنمية سيناء وفشلت فى تعميرها—دة كان تصريح سيادة وزير شئون مجلسى الشعب والشورى ووضح سيادته خلال الكلمة الفرق بين التعمير والتنمية واكد ان كلاهما مهم ولا يستغنى عن الاخر وكان تصريح شجاع من سيادته ودة ظنننا فية دايما فهو رجل قانون وعلم قبل ان يكون وزير رئيس لجامعة القاهرة ووزير تعليم عالى وبحث علمى ورجل من هيئة الدفاع التى استعادت طابا وكانت تتحدث باسم مصر فى محكمة العدل الدولية بــ لاهاى تحية لبطل من ابطال الكلمة ونتمنى دايما كده كل متقدر تفلفص من الحكومة تقول اللى فى نفسك اما باروة يا دكتور مفيد.
أما عجايب
فى محافظة فى بلدنا اسمها بنى سويف ليها محافظ اسمة اللواء احمد عابدين الراجل دة محترم عمل اية الراجل المحترم قام بمساعدة الحزب الوطنى فى انتقاء مرشحينة واستبعد البلاوى اللى كانت مترشحة على قائمة الحزب لانه اكتشف انهم حرامية ونصابين وبايععينن بانجو وطلب من باقى الاحزاب اللى عايز مساعدتة لاختيار مرشحينة ونقاء سيرتهم الذاتية هو مستعد الراجل دة فوجىء ان صحيفة الحزب الوطنى نشر خبر بيقول ان محافظ بنى سويف ادى الاخوان مليون جنية ولما سئل عن رئية فى الخب كان رده انه خبر باين انه اسفين من الحزب بينه وبين السلطات العليا وقال ان النواب دول نواب الشعب وبيطلبوا طلبات للاهالى مش لنفسهم وهو لازم يساعدهم ويشوف طلبات الناس ويلبيها بصرف النظر عن انتمائتهم السياسية لانه محافظ لكل الناس مش للحزب الوطنى دة راجل يشرفنى انه من بلدى ومسئول فى بلدى عرف يعنى اية مسئولية لكن ازاى مدام مش على مزاج الحزب لازم هيمشى وهى مسألة وقت أما عجايب.
· البعض هيدور بين الاخبار عن اى خبر عن عصام الحضرى لكنى ارى انه غير ذات قيمة فى مستقبل بلدنا ومش دة الخبر اللى نهتم ونقراه واعتذر لكل من يطلق علية لقب قدوه وزعلان اوى منه مفيش قدوه فى الوسط الرياضى غير محمد ابوتريكة القدوة مهارة وسلوك وهو الوحيد الذى جمع بينهما اما الباقى فهم لاعبين جيدين ولكنهم ليسوا قدوه لاحد.
عناوين جذابه
· عذرا يارسول الله ضعفنا وحكامنا سر استهزاء الرعاع بك وبدينننا.
· أستمرا شحاته ضروره قومية لتجميل وجه حكومة (( فاشلون الى الابد))
· هيا بنا نغمز أحدث برنامج سياسى بعد وثيقة القمع الفضائى
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
الاخوان يعلنون مشاركتهم فى انتخابات المحليات رسميا ويتخلون عن شعار الاسلام هو الحل ... طبعا دة حق الاخوان وتخليهم عن الشعار بيخلينى اتسائل طب اية سر تمسكهم به فى الاول ؟؟؟؟ على العموم يعنى المتوقع انهم هيخسروا نتيجة للتزوير والاعتقالات وقفل اللجان والبلاوى اللى كلنا عارفنها ولو فى حد عاقل يسيبهم يشتغلوا سياسة براحتهم لو مفلسيبن فكريا وسياسيا الشعب اللى هيوقعهم ولو ناجحين كله فى خدمة مصر .
اسعار الاسمنت تقفز الى 440 جنيه للطن ومخاوف من استمرار الزيادة—طبعا هتستمر الزيادة مدام البلد اتسابت للهليبة والمحتكرين ورجال الاعمال واصحاب المصالح بقم هما المسئولين بقى هما المتحكمين فى القوانين دة مش بعيد يبيعوا الهوا والنيل والشارع ويخدوا علينا كارته .
عائشة تعلن زيادة اجور العمال فى مؤتمر العمال العربى وتتراجع بعد الانتهاء من كلمتها—الحدوته يا ولاد ان وزيرة القوى العاملة اتمنظرت فى مؤتمر العمال العربى وصرحت ان الحكومة اصدرت قرار برفع الاجور واول مخلصت كلمتها فوجىء الصحفيين والاعلاميين بان مستشارها الاعلامى يوزع عليهم كلمة الوزيرة للنشر غير التى قيلت فى المؤتمر بحيث تم تعديل فقرت اصدر قانون الى البحث واعداد قانون ودة طبعا بعد محطت الحكومة فى مزنق وزيادة فى البجاحة قال اية بتقول مقلتش طب مالمؤتمر موجود وكلمتك موجودة ياسيادة الوزيرة بس هنقول اية حكومة ديجيتال وكله على الميل وبالانترنت دة مش بعيد االوزرا تكون اخبارهم من وسائل الاعلام زيهم زى الشعب هو دة عصر التكنوفوبيا ..
المعونة الامريكية تتراجع عن دعم ازالة الالغام فى مصر وانباء عن مساهمات المانية وايطالية --- زمان كنت بسمع من افسد شىء علية اصلاحة يعنى مين اللى زرع الالغام فى ارضنا اصلا الالمان والانجليز والصهاينة يبقى مين اللى شيلها بالعقل كدة هما دول تقولى يابنى محدش هيشيل حاجة انت بتحلم اقولك لا يشيلوا غصب عنهم بس لو شافوا حسم من دولة بتحترم نفسها وحقوقها لو لاقوا قطع علاقات فى حالة عدم ازالة الالغام لو فى حكومة واحدة محترمة شكلت لجنة من لجان كتير ملهاش شغلة تثير الموضوع فى الامم المتحدة ومتسكتش عنه احنا مش هنقعد نشحت ودة يتمنظر علينا ودة يتصدق ودة يرميلنا شوية فلوس هى دى اللى مسألة امن قومى مش ملاحقة الصحفيين ونشطاء حقوق الانساء واسكات كلمة الحق بدعوى الامن القومى حاجة تجيب الضغط وانا لسة صغير اللة ينتقم منكم .
اللى مش عاادى
مليار جنية تبرعات والمحصلة 180 سرير – دة فى ايجاز وصف مستشفى 57 بتاعت سرطان الاطفال يقولك دة فندق مش مستشفى يقولك دة انت فى اروبا يقولك دى حاجة تشرف يقولك دة الدكاترة والممرضات مدربين ولا بتوع انجلترا كل دة جميل ويفرح بس اية المحصلة 180 سرير يعنى ولا شىء قدام طوابير الاطفال المريضة اللى مش لاقية مكان يعنى ولا شىء قدام اطفال بيترفض علاجهم وبيتركوا فريسة للمرض قال اية اصلهم تلقوا علاج فى مكان قبل كدة المحصلة مشروع لا يعبر عن هدفة الاساسى معالجة الاطفال واحترام الام الاسر مشروع اصبح كقطعة ديكور فنية نتباهى بيها فقط لكن كم من الالام نستطيع معالجتها فى هذا الصرح لللاسف الفتات بأى عقل وبأى منطق صحيح شعب اقرع ونزهى.
تأجيل قضية اتهام ابنة الرئيس عبدالناصر للسادات بقتل والدها--- السيدة هدى عبدالناصر فى يوم من ذات الايام فى لحظة توهان ربما صرحت فى حديث صحفى ان الرئيس السادات عميل امريكى تم تجنيدة ودس السم لوالدها وقتلة قامت السيدة رقية السادات رفعت عليها قضية قام القضاء بتاعنا الجميل خالص اللى محدش عايز يتعرضله قال اية دة راجل ميت يعنى قضية السب والقذف فى حقة غير ذات موضوع بس راحت مدية تعويض 10000 جنية لرقية السادات قامت رقية السادات اتجنت ورفعت قضية تانى وهى دى اللى اتاجلت بصراحة حاجة تكسف وقلة قيمة سم اية وعميل امريكى اية بس يا هدى هانم واستفادتى اية من محاولى تشوية سمعة رمز من رموز هذا الوطن شئنا ام أبينا وبعدين القاضى اللى حكم بالحيثيات دى بيفتح المجال بقى ان اى واحد يموت يتشتم من غير ردع باى منطق العنوان الوحيد للخبر دة عيب كده.
ابو الغيط مصر تستعد لاعادة فتح سفارتها فى بغداد- ودم السفير بتاعنا فى رقبة مين ياسيادة الوزير مين اللى نيم الموضوع مين اللى قتل سفيرنا ياسيادة الوزير مين اللى رمل سيدة ويتم بنات فى عمر الزهور من حقنا نعرف ومن حقنا منقبلش بفتح السفارة قبل ميتحاسب اللى عمل كدة ولا احنا فالحين بس نقول احنا نقدر نعمل ونعمل فى اى حد يمس سيادتنا طب اهم جم قتلوا ابنننا ودبحوة وحطوا العار علينا كلنا عملنا اية ومحدش يقولى اسرار ومخابرات وقصص واهية لا من حقنا نعرف بلدنا ردت عملت اية من حقنا نعرف مين قتلة عشان نقبل عزاها ونفتح سفارة للدرجة دى دمنا بيهون علينا.
وفاة الدكتور صوفى ابو طالب—عالم من علمائنا القانونيين ورئيس مجلس الشعب السابق ورئيس الجمهوري 8 ايام فى الفترة المؤقتة بين مقتل الرئيس السادات وتولى الرئيس مبارك مات فى مطار ماليزيا اثناء توجهه ووفد الى جدة بعد انتهاء مؤتمر للازهر بماليزيا اتنرفز طق مات عشان اهمال وتسيب فى ادراة رحلة فيها رجل بقيمة هذا العالم وجهل فى تنظيم المؤتمرات وحجز الطيران على العموم تعددت الاسباب والموت واحد رحمة الله علية ونحسبة ان شاء الله فى الجنة.
حملة لمحاربة انتشار لبوس التركيز وكوكتيل الكله مع البنزين – دة مش خبر دعابة دى مصايب بتحصل فى بلدنا الشباب بيقولك قال اية فى اوساط المدمنين يعنى لبوس من بتاع البرد مع قهوه تعمل دماغ تركيز كده وتشم بنزين مع كلة اجدع فيتامين فى العالم يخليك اسد ونشيط ولا عمرو ذكى لا وكمان اية تضرب مسحوق الطباشير مع شوية عطور متنمش سنه لو عايز شوية وصفات بسم الله ماشاء الله تودى فى 60 نيلة الله الحقيقة الله على الافكار التطويرية لشباب المدمنيين المصريين هنفضل لحد امتى فى الغيبووووووووووووووبه.
أما براوة
محمود وائل طفل عمره 9 سنوات عبقرية مصرية استطاع تعلم اللغة الانجليزيه فى 3 شهور ويستطيع حفظ دروسة بمجرد القراءه ويقوم بالعمليات الرياضية المطولة بدون ورقة وقلم وتعدى كل اختبارات الذكاء ولذا قابلة سيادة وزير التعليم العالى واعلن انه يتبناه علميا واعلن انه يمكن ان يلتحق محمود بالجامعه بعد الاعدادية مباشرة اذا استطاع اجتياز برنامج علمى محدد ونتمنى ياسيادة الوزير الوزير اللى هيجى بعدك يساعد محمود زيك وينفذ كلامك وميعملش ودن من طين وودن من عجين براوة يا ابو حنفى واما براوة لسيادة الوزير واهتمامه بمحمود.
مفيد شهاب الحكومة نجحت فى تنمية سيناء وفشلت فى تعميرها—دة كان تصريح سيادة وزير شئون مجلسى الشعب والشورى ووضح سيادته خلال الكلمة الفرق بين التعمير والتنمية واكد ان كلاهما مهم ولا يستغنى عن الاخر وكان تصريح شجاع من سيادته ودة ظنننا فية دايما فهو رجل قانون وعلم قبل ان يكون وزير رئيس لجامعة القاهرة ووزير تعليم عالى وبحث علمى ورجل من هيئة الدفاع التى استعادت طابا وكانت تتحدث باسم مصر فى محكمة العدل الدولية بــ لاهاى تحية لبطل من ابطال الكلمة ونتمنى دايما كده كل متقدر تفلفص من الحكومة تقول اللى فى نفسك اما باروة يا دكتور مفيد.
أما عجايب
فى محافظة فى بلدنا اسمها بنى سويف ليها محافظ اسمة اللواء احمد عابدين الراجل دة محترم عمل اية الراجل المحترم قام بمساعدة الحزب الوطنى فى انتقاء مرشحينة واستبعد البلاوى اللى كانت مترشحة على قائمة الحزب لانه اكتشف انهم حرامية ونصابين وبايععينن بانجو وطلب من باقى الاحزاب اللى عايز مساعدتة لاختيار مرشحينة ونقاء سيرتهم الذاتية هو مستعد الراجل دة فوجىء ان صحيفة الحزب الوطنى نشر خبر بيقول ان محافظ بنى سويف ادى الاخوان مليون جنية ولما سئل عن رئية فى الخب كان رده انه خبر باين انه اسفين من الحزب بينه وبين السلطات العليا وقال ان النواب دول نواب الشعب وبيطلبوا طلبات للاهالى مش لنفسهم وهو لازم يساعدهم ويشوف طلبات الناس ويلبيها بصرف النظر عن انتمائتهم السياسية لانه محافظ لكل الناس مش للحزب الوطنى دة راجل يشرفنى انه من بلدى ومسئول فى بلدى عرف يعنى اية مسئولية لكن ازاى مدام مش على مزاج الحزب لازم هيمشى وهى مسألة وقت أما عجايب.
· البعض هيدور بين الاخبار عن اى خبر عن عصام الحضرى لكنى ارى انه غير ذات قيمة فى مستقبل بلدنا ومش دة الخبر اللى نهتم ونقراه واعتذر لكل من يطلق علية لقب قدوه وزعلان اوى منه مفيش قدوه فى الوسط الرياضى غير محمد ابوتريكة القدوة مهارة وسلوك وهو الوحيد الذى جمع بينهما اما الباقى فهم لاعبين جيدين ولكنهم ليسوا قدوه لاحد.
عناوين جذابه
· عذرا يارسول الله ضعفنا وحكامنا سر استهزاء الرعاع بك وبدينننا.
· أستمرا شحاته ضروره قومية لتجميل وجه حكومة (( فاشلون الى الابد))
· هيا بنا نغمز أحدث برنامج سياسى بعد وثيقة القمع الفضائى
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
ليست هناك تعليقات:
إرسال تعليق