اخبار بلدنا فى 10- ابريل
· من المستفيد مما حدث فى المحلة؟؟؟؟ ومن المسئول عما حدث؟؟؟ ومين اللى هيحاسب على المشاريب؟؟؟؟ ومفتكرش ان فى كلام يتقال بس كل واحد يفكر مع نفسة فى 3 أسئله دول يمكن نتعلم منهم حاجة.
· اضراب 6 ابريل بين الفشل والنجاح جرايد الحكومة بتقول انه فاشل والجرايد الخاصة تؤكد نجاحه والناس ميفرقش معاها فشل ولا نجح لأن اللى فكروا فيه مفكروش فية عشان الناس ولا اللى عارضوه عارضوه عشان الناس كل يغنى على ليلاه مش اكتر اللهم احسن ختامنا جميعا وارحم احمد مبارك طفل اتقتل برصاص طائش من جنود الامن المركزى فى المحلة اثناء مشاهدتة لاحداث المحلة المأساوية من شرفة منزلة وبقول للطرفين دم احمد يبقى فى رقبة مين ؟؟؟
· مؤلف كتاب ( عشان متضربش على قفاك )) يتقدم ببلاغ للنائب العام ضد وزير الداخلية لمصاردة كتابة من المكتبات – دة عقيد شرطة متقاعد الف كتاب بيشرح للمواطن حقوقة الدستورية اللى ميتنزلش عنها فى اى قسم شرطة وكمان بيتعرض لبعض الاساليب الغلط التى تتبع فى اماكن التحقيقات والتى بسببها احال نفسة على المعاش وطبعا دة كتاب خطر عشان بيفتح عين المواطن فى البوليس ولان المواطن عينة لازم تبقى مكسورة ويقول ياباشا ويابيه فى اى قسم كان لازم كتاب زى دة يختفى .
· محافظة القاهرة منعت سيارات النصف نقل من المرور داخل شوارع العاصمة قبل العاشرة مساء عشان كدة السواقين معتصمين قدام المحافظة وبيهددوا باغلاق وسط البلد وانا بقولهم كان غيركم اشطر قفل وسط ابلد يحتاج لقرار سيادى كما انه بمثابة اعلان الحرب على مصر فانا بقترح عليهم كفاية شارع مدام نوال فى العجوزة ويبقى زى الفل وهو يبقى بعيد عن محافظة القاهرة اصلا .
· وزير التضامن الاجتماعى يضبط عمليات لتهريب الدقيق فى جولة الفجر – هو طبعا الدكتور على مصيلحى دايما ينال نصيب الاسد من الانتقادات بس جولاته المفاجئة فى الفجر دى حركة تستحق الثناء والتقدير ونتمنى دايما كدة ياسيادة الوزير تروشهم وتنطلهم فى كل وقت معلش بقى هنقول اية ناس متجيش غير بالعين الحمراء.
· فى مشروع للبتروكيماويات هيتعمل فى دمياط المشروع دة باستثمارات كندية وطبعا كل الناس كانت خايفة من اثارة السلبية على البيئة وعلى السياحة فى دمياط وراس البر ودة كله ووصل للريس وبعد التاكد تمااما من فائدة المشروع وان اثارة الجانبيه ضعيفة للغاية كلف الريس رئيس الوزراء بالتوجه لدمياط لازالة تلك المخاوف وقال كلمة فيها الخلاصة الحقيقة (( اذا كان فى مشكلة فى المشروع دة فهى عدم تواصل الوزراء والمسئولين مع الجماهير )) ياريت الناس تشوف شغلها بقى ومش كل حاجة لازم الريس يقول اما براوة ياسيادة الرئيس .
· خبر جامد لكل المعنسين واللى مش لاقيين حته يسكنوا فيها زى حلاتى واللى قدموا فى مشروع ابنى بيتك اللى انا مش منهم اية بقى الخبر ان وزارة الاسكان هتبتدى تسلم فى نص الشهر دة 12 الف قطعة وهتتسلم بالمرافق وهتدى 15 الف على 3 دفعات عشان البناء بس كنت اتمنى ال15 يتهزوا شوية عشان يتناسبوا مع الحديد والاسمنت الذى هز عرش مصر بس مش مشكلة المهم ان فى حاجة حلوة بتحصل ولسة فى تانى كتير وضد رغبة بعض الخبثاء انا احب انننا نشوف الحاجات الحلوة اللى بتحصل عشان نقدر نتحمل الوحش اللى موجود.
· طبعا فى قرار جمهورى طلع بالغاء وتخفيض الجمارك على السلع الغذائية وبعض الادوية ومواد البناء وحديد التسليح واتمنى انه يكون لية اثر فى خفض الاسعار وتكون بمثابة فتح انطلاقة بلغة اصحاب ورش الموبيليا والناس حالهم يبقى احسن لان مش معقول اطالب شخص بتنمية وهو مش لاقى ياكل ولا راضى بعيشته.
· انتخابات المحليات ؟؟؟ هل هى عنوان للقمع اما للتزوير ام لسفك دماء الديمقراطية حقيقى شىء مخجل وغباء سياسى غير مبرر اصل انت لما تزور وتمنع وتقمع يبقى بتضحك على نفسك بس لأن محدش بيعرف يضحك على الناس .
· طبعا سمعنا عن تصدير الغاز للبلد الدى اللى بيقولوا عليها اسرائيل اللى قاعدة مؤقتا فى فلسطين المحتلة وكل واحد قال اللى فى نفسة بس الحقيقة الغموض حاليا يسيطر على الصفقة لان التصدير كان المفروض يبتدى الشهر اللى فات ومبتداش وعلى الرغم ان الخبر المعلن هو اصلاحات فنية فى الخط الا انى بحلم كدة انى اصحى الصبح الاقى سيادة الرئيس لاغى الصفقه يااااااااه دة انا هوزع شربات على كل اللى بيشتغلوا معايا بس قولوا يارب.
· مجلس الشورى يوافق على قانون يغرم المحتكر 50 مليون طبعا انا معرفش نص القانون ولا انا محلل قانونى بس يارب يارب يطلع مفهوش ثغرات تنسفة من اساسة زى غيره عشان امسك الفار اللى قاعد يلعب فى عبى دة ويطلع نأبه على شونه.
· ناس كتير بتحب مصر ومش هقول بتدعى لان المفروض نثق فى بعض وبيطلعوا يقولوا كلام حلو وبيعملوا جمعيات وحاجات ومحتاجات بس انا بتمنى من كل رجل اعمال يحب مصر يعمل زى السيد /حسن راتب ومنغير منقول هو مين هو مواطن مصرى من رجال الاقتصاد الوطنيين اللى عايشين واقع ومشاكل بلدهم الراجل دة لاقى ان فى المرحلة دى فى ازمة مخابز وعيش راح مفكر وأنشأ مخابز توزع العيش بالمجان فى مناطق مختلفه دة فعلا مثال لرجل الاعمال اللى بيدعم الاقتصاد المصرى وبيعمل للناس وياريت نحتذى بيه انا مش بعمل دعاية لحد ولا اعرفه بس يشرفنى ان فى بلدى رجل اعمال زيه هو ومن على شاكلته .
· كان فى فيلم بحبة اسمه بطل من ورق معرفش جه فى دماغى اول معرفت موضوع اسراء عبدالفتاح فهى بطله من فيس بوك وليس من ورق البنت اللى طالبت بالاضراب ففوجئت ب70 الف بنى ادم بيأيدوها وحصل الاضراب فعلا وبدون الدخول فى تفاصيل وتبرئة ساحتها من عدمه وعلى الرغم من موقفى الرافض تماما لتلك الفكرة واقصد فكرة الاضراب اللى انننى ضد ان نحاسب شخص على مجرد فكرة انا نضيع مستقبل بنى ادم لمجرد فكرة مش من المنطق او العدل احملها المسئولية عما حدث فى المحلة او فى اى مكان فى مصر اسراء فتاه حرة فى بلد المفروض انها حره وفتاه ارادت ان تكون شخص موجود وليس مجرد شخص عايش فهى تفكر فى هموم بلدها فمثل تلك الفتاه يجب ان تناقش وليس ان تحاسب وبدلا من ان نلقى التهم ونحاول ان نجد كبش فداء يجب ان نعرف لما انضم لها اكثر من 70 الف ولما تحمس لها الملايين فى اعماقهم هذه كلمة حق كان يجب ان تقال وتسجيل موقف ايمانا منى بحرية التعبير التنموى فكلنا نحب مصر وكلنا عاشق لها ولكن كلا منا على طريقته .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
=======================
· اضراب 6 ابريل بين الفشل والنجاح جرايد الحكومة بتقول انه فاشل والجرايد الخاصة تؤكد نجاحه والناس ميفرقش معاها فشل ولا نجح لأن اللى فكروا فيه مفكروش فية عشان الناس ولا اللى عارضوه عارضوه عشان الناس كل يغنى على ليلاه مش اكتر اللهم احسن ختامنا جميعا وارحم احمد مبارك طفل اتقتل برصاص طائش من جنود الامن المركزى فى المحلة اثناء مشاهدتة لاحداث المحلة المأساوية من شرفة منزلة وبقول للطرفين دم احمد يبقى فى رقبة مين ؟؟؟
· مؤلف كتاب ( عشان متضربش على قفاك )) يتقدم ببلاغ للنائب العام ضد وزير الداخلية لمصاردة كتابة من المكتبات – دة عقيد شرطة متقاعد الف كتاب بيشرح للمواطن حقوقة الدستورية اللى ميتنزلش عنها فى اى قسم شرطة وكمان بيتعرض لبعض الاساليب الغلط التى تتبع فى اماكن التحقيقات والتى بسببها احال نفسة على المعاش وطبعا دة كتاب خطر عشان بيفتح عين المواطن فى البوليس ولان المواطن عينة لازم تبقى مكسورة ويقول ياباشا ويابيه فى اى قسم كان لازم كتاب زى دة يختفى .
· محافظة القاهرة منعت سيارات النصف نقل من المرور داخل شوارع العاصمة قبل العاشرة مساء عشان كدة السواقين معتصمين قدام المحافظة وبيهددوا باغلاق وسط البلد وانا بقولهم كان غيركم اشطر قفل وسط ابلد يحتاج لقرار سيادى كما انه بمثابة اعلان الحرب على مصر فانا بقترح عليهم كفاية شارع مدام نوال فى العجوزة ويبقى زى الفل وهو يبقى بعيد عن محافظة القاهرة اصلا .
· وزير التضامن الاجتماعى يضبط عمليات لتهريب الدقيق فى جولة الفجر – هو طبعا الدكتور على مصيلحى دايما ينال نصيب الاسد من الانتقادات بس جولاته المفاجئة فى الفجر دى حركة تستحق الثناء والتقدير ونتمنى دايما كدة ياسيادة الوزير تروشهم وتنطلهم فى كل وقت معلش بقى هنقول اية ناس متجيش غير بالعين الحمراء.
· فى مشروع للبتروكيماويات هيتعمل فى دمياط المشروع دة باستثمارات كندية وطبعا كل الناس كانت خايفة من اثارة السلبية على البيئة وعلى السياحة فى دمياط وراس البر ودة كله ووصل للريس وبعد التاكد تمااما من فائدة المشروع وان اثارة الجانبيه ضعيفة للغاية كلف الريس رئيس الوزراء بالتوجه لدمياط لازالة تلك المخاوف وقال كلمة فيها الخلاصة الحقيقة (( اذا كان فى مشكلة فى المشروع دة فهى عدم تواصل الوزراء والمسئولين مع الجماهير )) ياريت الناس تشوف شغلها بقى ومش كل حاجة لازم الريس يقول اما براوة ياسيادة الرئيس .
· خبر جامد لكل المعنسين واللى مش لاقيين حته يسكنوا فيها زى حلاتى واللى قدموا فى مشروع ابنى بيتك اللى انا مش منهم اية بقى الخبر ان وزارة الاسكان هتبتدى تسلم فى نص الشهر دة 12 الف قطعة وهتتسلم بالمرافق وهتدى 15 الف على 3 دفعات عشان البناء بس كنت اتمنى ال15 يتهزوا شوية عشان يتناسبوا مع الحديد والاسمنت الذى هز عرش مصر بس مش مشكلة المهم ان فى حاجة حلوة بتحصل ولسة فى تانى كتير وضد رغبة بعض الخبثاء انا احب انننا نشوف الحاجات الحلوة اللى بتحصل عشان نقدر نتحمل الوحش اللى موجود.
· طبعا فى قرار جمهورى طلع بالغاء وتخفيض الجمارك على السلع الغذائية وبعض الادوية ومواد البناء وحديد التسليح واتمنى انه يكون لية اثر فى خفض الاسعار وتكون بمثابة فتح انطلاقة بلغة اصحاب ورش الموبيليا والناس حالهم يبقى احسن لان مش معقول اطالب شخص بتنمية وهو مش لاقى ياكل ولا راضى بعيشته.
· انتخابات المحليات ؟؟؟ هل هى عنوان للقمع اما للتزوير ام لسفك دماء الديمقراطية حقيقى شىء مخجل وغباء سياسى غير مبرر اصل انت لما تزور وتمنع وتقمع يبقى بتضحك على نفسك بس لأن محدش بيعرف يضحك على الناس .
· طبعا سمعنا عن تصدير الغاز للبلد الدى اللى بيقولوا عليها اسرائيل اللى قاعدة مؤقتا فى فلسطين المحتلة وكل واحد قال اللى فى نفسة بس الحقيقة الغموض حاليا يسيطر على الصفقة لان التصدير كان المفروض يبتدى الشهر اللى فات ومبتداش وعلى الرغم ان الخبر المعلن هو اصلاحات فنية فى الخط الا انى بحلم كدة انى اصحى الصبح الاقى سيادة الرئيس لاغى الصفقه يااااااااه دة انا هوزع شربات على كل اللى بيشتغلوا معايا بس قولوا يارب.
· مجلس الشورى يوافق على قانون يغرم المحتكر 50 مليون طبعا انا معرفش نص القانون ولا انا محلل قانونى بس يارب يارب يطلع مفهوش ثغرات تنسفة من اساسة زى غيره عشان امسك الفار اللى قاعد يلعب فى عبى دة ويطلع نأبه على شونه.
· ناس كتير بتحب مصر ومش هقول بتدعى لان المفروض نثق فى بعض وبيطلعوا يقولوا كلام حلو وبيعملوا جمعيات وحاجات ومحتاجات بس انا بتمنى من كل رجل اعمال يحب مصر يعمل زى السيد /حسن راتب ومنغير منقول هو مين هو مواطن مصرى من رجال الاقتصاد الوطنيين اللى عايشين واقع ومشاكل بلدهم الراجل دة لاقى ان فى المرحلة دى فى ازمة مخابز وعيش راح مفكر وأنشأ مخابز توزع العيش بالمجان فى مناطق مختلفه دة فعلا مثال لرجل الاعمال اللى بيدعم الاقتصاد المصرى وبيعمل للناس وياريت نحتذى بيه انا مش بعمل دعاية لحد ولا اعرفه بس يشرفنى ان فى بلدى رجل اعمال زيه هو ومن على شاكلته .
· كان فى فيلم بحبة اسمه بطل من ورق معرفش جه فى دماغى اول معرفت موضوع اسراء عبدالفتاح فهى بطله من فيس بوك وليس من ورق البنت اللى طالبت بالاضراب ففوجئت ب70 الف بنى ادم بيأيدوها وحصل الاضراب فعلا وبدون الدخول فى تفاصيل وتبرئة ساحتها من عدمه وعلى الرغم من موقفى الرافض تماما لتلك الفكرة واقصد فكرة الاضراب اللى انننى ضد ان نحاسب شخص على مجرد فكرة انا نضيع مستقبل بنى ادم لمجرد فكرة مش من المنطق او العدل احملها المسئولية عما حدث فى المحلة او فى اى مكان فى مصر اسراء فتاه حرة فى بلد المفروض انها حره وفتاه ارادت ان تكون شخص موجود وليس مجرد شخص عايش فهى تفكر فى هموم بلدها فمثل تلك الفتاه يجب ان تناقش وليس ان تحاسب وبدلا من ان نلقى التهم ونحاول ان نجد كبش فداء يجب ان نعرف لما انضم لها اكثر من 70 الف ولما تحمس لها الملايين فى اعماقهم هذه كلمة حق كان يجب ان تقال وتسجيل موقف ايمانا منى بحرية التعبير التنموى فكلنا نحب مصر وكلنا عاشق لها ولكن كلا منا على طريقته .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
=======================
اخبار بلدنا 17-ابريل
· ما يقع الا الشاطر طبعا دة تعبير دارج فى مجتمعنا ويمكن المهندس خيرت الشاطر عضو جماعة الاخوان سمعه كتير بس اكيد مكنش يعرف انه سيكون عنوان يعبر عن حالته الان فقد تم الحكم فى قضية الاخوان بسجن 25 بنى ادم مدد تتراوح بين 3 الى 10 سنوات وبراءة 15 اخرون واحد يقولى مفيش تعليق على احكام القضاء ياسيد اقوله عفوا انا لن أعلق على الحكم لان الدعوى باطلة والمحاكمة باطلة ودة مش كلامى دة كلام القضاء الادارى لان القضاء العسكرى لا ينظر دعاوى المدنيين وخلص الكلام .
· الحكم فى قضية اكياس الدم الملوثه المعروفة بقضية هايدلينا بالبراءه لجميع المتهمين واحد خبيث وشرير يقولى اية دة يعنى هايدلينا ياخدوا براءة والاخوان ياخدوا سجن وال2 فى نفس اليوم اقولة خليك فى حالك يا اخ وربى عيالك وبما ان القضاء اعطى براءه اذن هؤلاء مواطنين شرفاء بس هى كل الحكاية امال الحدوته اللى بقالها سنه وحيثيات النيابة دى كانت اية بالظبط ولا اقولكم بلاش نتكلم فى السياسة .
· اساتذه- حقوقيون- مراسلون-مصورون-مدونون – بتعه بتاعت الخضار عم على بتاع الكشك وغيرهم وغيرهم هم اصحاب البلاغات التى تقدمت للنائب العام بعد احتجازهم فى المحله على ايدى قوات الامن .
· كلمه ورد غطاها ((منظمة العفو الدوليه الاحكام التى صدرت ضد الاخوان انحراف فى العداله ))
· كوم امبو دى مدينة فى اسوان وناس صعايدة جدعان نائب مجلس الشعب عن دائرتهم قدم مثال يحتذى بيه لما يجب ان يكون علية نائب الشعب الحكاية فى سوق خضار المحافظ قرر نقلة مفيش مشكلة بس هينقلوا فى منطقة جبلية تبعد عن المدينة 42 ك دة على اساس يروحوا يعمروا الصحراء باين المهم النائب بتاعهم قدم استجواب فى المجلس اترفض فالنائب موقفش يتفرج وقال عملت اللى عليا الراجل راح اعتصم مع اهالى دائرته حتى يتم ايجاد حل تلك المشكلة تحياتى للنائب المحترم محمد العمده واهالى كوم امبو.
· ((دم مراتك بخمس الاف جنية وترخيص تاكسى )) دة مش عنوان استهلاكى وفرقعه وخلاص دى قصة راجل من الدقهلية ماتت مراته فى طابور العيش المواطن حامد محمود خليل زوج المرحومه امال الدسوقى فوجىء بعضو مجلس محلى جايبلة رسالة من الكبير بتاع المحافظة بيقولوا هتاخد خمس الاف جنية وترخيص تاكسى وعظم الله اجرك فى مراتك وبلاش شوشرة ومتقولش انها ماتت فى طابور العيش وبتاع - اعذرونى لانى بتكلم على المتغطى وبدون اسامى اصل اليومين دول ممكن الاقى نفسى اروج لاشائعات هدامة وألوث سمعة رجال شرفاء والاقى نفسى رد سجون .
· مصر تنجح فى انتاج لقاح للدواجن مضاد لانفلونزا الطيور افضل من المستورد والبركة فى مركز بحوث الامصال واللقاحات التابع لوزارة الزراعه وعقبال منلاقى علاج على البشر تحيات كل مصرى لمن ساهم فى هذا الانجاز ودائما فى تقدم .
· من الاخبار العادية اليومين دول انك تسمع ان بتاع عشرتلاف تلميذ اتسمموا بسبب الوجبات المدرسية وانك تسمع عن ضبط كميات من الاغذية الفاسدة فى كبرى المطاعم والمحال التجارية وانك تسمع عن لحوم الحمير والكلاب والقطط اللى بنكلها على انها كباب وكفته والمصيبة ان بيبقى طعمها حلو بس كل دة واحنا مش عارفين ومش بعيد المرحلة الجديدة ناكل بقى الضفاديع والسحالى على فكرة دة مش خبر ساخر ولا كوميدى دى كرثة احنا بنعشها بس انا خايف نصحى فى يوم نلاقى نفسنا مضطرين ناكل الحيوانات دى برضانا وتحت مظلة الحكومة .
· حديد عز يتبرع بطن حديد مجانى للحاجزين فى مشروع ابنى بيتك --- وهبقى محترم وكويس وهقول شكرا لعمو عز وربك عالم باللى فى القلوب .
· المغربى يؤجل تسليم بعض اراضى ابنى بيتك للحاجزين بناء على طلبهم – الناس تستغرب بس اذا عرف السبب بطل العجب الناس اللى طلبت التاجيل معهاش فلوس تبنى بيتها دلوقتى والبركة فى اسعار الحديد والاسمنت وسلملى على عموو وطن الحديد المجانى.
· وزارة العدل رفضت تحمل تكاليف زراعة كبد لقاضى بطنطا واصدقائة واهل الخير جمعوا تبرعات 600 الف لعلاجة واجراء العملية فى الصين.. من يوم ممشى سيادة المستشار فاروق سيف النصر وزير العدل الاسبق ومشاكل القضاة طفت على السطح ومفيش وزير جه وعرف يملى مكانه دة واقع يجب ان نعترف بيه اصل صفة القيادة دى بتبقى حاجة ربانى كده ازاى وزارة العدل تسمح لنفسها انها تقصر مع رجل قضاء مصالح وامور الناس بين اديه دة المفروض اعلى راتب فى الدولة تبقى لرجل القضاء لان مالوش دخل تانى ولازم ميبقاش لية دخل تانى وعلاجه وعلاج عياله يبقى واجب عشان نزاهة القضاء اللى بنحكى عنها ولا ايه يااخونا انا اللى فاهم غلط .
· برنامج الغذا العالمى بيقولك 55% من المصريين يعانون من نقص الحديد بسبب الفقر وسوء التغذيه والمقصود الحديد اللى فى الدم مش الحديد التانى بتاع عزو باشا ويظهر ان انكتب على الجيل دة تبقى اساساتة ضعيفة وحديده قليل عشان مع اول هزه يقع .
· 5000 فدان قمح تلفت بسبب نقص المياة و700 فدان بارت بسبب مياة الصرف الصحى -- ربنا يستر اصل مقدمناش غير ندعى بالستر زى الولايا احسن نجوع ولانشحت وفى ناس تقولى هو احنا لسة هنشحت مبلدنا عماله تشحت بقالها كتير وانا مش عارف احمل مين المسئولية لان اللى بيحصل دة مش وليد صدفة دى تراكمات سنين وهرجع لنفس الكلمة ربنا يستر.
· اكد روؤساء ست شركات بترول كبرى عالميه تعمل فى مصر انها ستضخ مزيد من الاستثمارات فى مجال البحث عن البترول والغاز بعد ان نجحت فى تحقيق العديد من الاكتشافات فى الفترة الماضة – دة خبر جميل وحلو جدا بس منين الخبراء بيتكلموا ان مصر هتواجه كارثة فى خلال 10 سنوات نظرل لضعف احتياطى البترول ومنين المستثمرين فرحانين بالاكتشافات انا مبقتش عارف اصدق مين ومبقتش عارف الفلوس بتروح فين وكمان مش عارف اسعار البنزين رايحة على فين و مش هتكلم عن الزيوت والا ابقى شرير وعايز انكد على الناس.
· سيادة وزير النقل يتعاقد مع 10 خبراء طلاينه لتدريب قيادات السكك الحديدية على تتطويرها واعادة هيكلتها – يعنى حاجة زى جوزية المدير الفنى بتاع الاهلى مهو هما دخلوا نظام الاحتراف فى الوزارات وانا مش ضد دة بالعكس دة شىء كويس انننا بندور مين نجح فين وفى اية ونجيبة يعلمنا مهو العلم نور بس ياريت ندقق فى اختيار الكوادر اللى هندريها عشان يبقوا لاعيبه محترفين على حق ويجيبوا الدورى والكاس مينزلوش دورى المظاليم .
· الخبر دة للعالم الكييفه يعنى اصحاب الكيف راجل صياد من مركز البرلس بيصطاد فى البرلس مستنى بقى يصطاد سمك لكن الشبكة بتاعته يظهر صاحبة مزاج اصطادت طربة حشيش قام الصياد اللى مبيقدرش النعمه راح مسلمها للبوليس فننوه لكل اصحاب الغرز بضرورة التوجه للبرلس عشان الخير هناك كتير واحد يقولى هى البرلس دى فين يابوالكابتن اقولة فى كفر الشيخ ياغالى وياريت الموضوع يبقى سرى بدل ممكافحة المخدرات تعملكوا كمين وتمسكوا وانتوا بتصطادوا وطبعا النصيحة دى من منطلق مكافحة الادمان .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
=======================
· الحكم فى قضية اكياس الدم الملوثه المعروفة بقضية هايدلينا بالبراءه لجميع المتهمين واحد خبيث وشرير يقولى اية دة يعنى هايدلينا ياخدوا براءة والاخوان ياخدوا سجن وال2 فى نفس اليوم اقولة خليك فى حالك يا اخ وربى عيالك وبما ان القضاء اعطى براءه اذن هؤلاء مواطنين شرفاء بس هى كل الحكاية امال الحدوته اللى بقالها سنه وحيثيات النيابة دى كانت اية بالظبط ولا اقولكم بلاش نتكلم فى السياسة .
· اساتذه- حقوقيون- مراسلون-مصورون-مدونون – بتعه بتاعت الخضار عم على بتاع الكشك وغيرهم وغيرهم هم اصحاب البلاغات التى تقدمت للنائب العام بعد احتجازهم فى المحله على ايدى قوات الامن .
· كلمه ورد غطاها ((منظمة العفو الدوليه الاحكام التى صدرت ضد الاخوان انحراف فى العداله ))
· كوم امبو دى مدينة فى اسوان وناس صعايدة جدعان نائب مجلس الشعب عن دائرتهم قدم مثال يحتذى بيه لما يجب ان يكون علية نائب الشعب الحكاية فى سوق خضار المحافظ قرر نقلة مفيش مشكلة بس هينقلوا فى منطقة جبلية تبعد عن المدينة 42 ك دة على اساس يروحوا يعمروا الصحراء باين المهم النائب بتاعهم قدم استجواب فى المجلس اترفض فالنائب موقفش يتفرج وقال عملت اللى عليا الراجل راح اعتصم مع اهالى دائرته حتى يتم ايجاد حل تلك المشكلة تحياتى للنائب المحترم محمد العمده واهالى كوم امبو.
· ((دم مراتك بخمس الاف جنية وترخيص تاكسى )) دة مش عنوان استهلاكى وفرقعه وخلاص دى قصة راجل من الدقهلية ماتت مراته فى طابور العيش المواطن حامد محمود خليل زوج المرحومه امال الدسوقى فوجىء بعضو مجلس محلى جايبلة رسالة من الكبير بتاع المحافظة بيقولوا هتاخد خمس الاف جنية وترخيص تاكسى وعظم الله اجرك فى مراتك وبلاش شوشرة ومتقولش انها ماتت فى طابور العيش وبتاع - اعذرونى لانى بتكلم على المتغطى وبدون اسامى اصل اليومين دول ممكن الاقى نفسى اروج لاشائعات هدامة وألوث سمعة رجال شرفاء والاقى نفسى رد سجون .
· مصر تنجح فى انتاج لقاح للدواجن مضاد لانفلونزا الطيور افضل من المستورد والبركة فى مركز بحوث الامصال واللقاحات التابع لوزارة الزراعه وعقبال منلاقى علاج على البشر تحيات كل مصرى لمن ساهم فى هذا الانجاز ودائما فى تقدم .
· من الاخبار العادية اليومين دول انك تسمع ان بتاع عشرتلاف تلميذ اتسمموا بسبب الوجبات المدرسية وانك تسمع عن ضبط كميات من الاغذية الفاسدة فى كبرى المطاعم والمحال التجارية وانك تسمع عن لحوم الحمير والكلاب والقطط اللى بنكلها على انها كباب وكفته والمصيبة ان بيبقى طعمها حلو بس كل دة واحنا مش عارفين ومش بعيد المرحلة الجديدة ناكل بقى الضفاديع والسحالى على فكرة دة مش خبر ساخر ولا كوميدى دى كرثة احنا بنعشها بس انا خايف نصحى فى يوم نلاقى نفسنا مضطرين ناكل الحيوانات دى برضانا وتحت مظلة الحكومة .
· حديد عز يتبرع بطن حديد مجانى للحاجزين فى مشروع ابنى بيتك --- وهبقى محترم وكويس وهقول شكرا لعمو عز وربك عالم باللى فى القلوب .
· المغربى يؤجل تسليم بعض اراضى ابنى بيتك للحاجزين بناء على طلبهم – الناس تستغرب بس اذا عرف السبب بطل العجب الناس اللى طلبت التاجيل معهاش فلوس تبنى بيتها دلوقتى والبركة فى اسعار الحديد والاسمنت وسلملى على عموو وطن الحديد المجانى.
· وزارة العدل رفضت تحمل تكاليف زراعة كبد لقاضى بطنطا واصدقائة واهل الخير جمعوا تبرعات 600 الف لعلاجة واجراء العملية فى الصين.. من يوم ممشى سيادة المستشار فاروق سيف النصر وزير العدل الاسبق ومشاكل القضاة طفت على السطح ومفيش وزير جه وعرف يملى مكانه دة واقع يجب ان نعترف بيه اصل صفة القيادة دى بتبقى حاجة ربانى كده ازاى وزارة العدل تسمح لنفسها انها تقصر مع رجل قضاء مصالح وامور الناس بين اديه دة المفروض اعلى راتب فى الدولة تبقى لرجل القضاء لان مالوش دخل تانى ولازم ميبقاش لية دخل تانى وعلاجه وعلاج عياله يبقى واجب عشان نزاهة القضاء اللى بنحكى عنها ولا ايه يااخونا انا اللى فاهم غلط .
· برنامج الغذا العالمى بيقولك 55% من المصريين يعانون من نقص الحديد بسبب الفقر وسوء التغذيه والمقصود الحديد اللى فى الدم مش الحديد التانى بتاع عزو باشا ويظهر ان انكتب على الجيل دة تبقى اساساتة ضعيفة وحديده قليل عشان مع اول هزه يقع .
· 5000 فدان قمح تلفت بسبب نقص المياة و700 فدان بارت بسبب مياة الصرف الصحى -- ربنا يستر اصل مقدمناش غير ندعى بالستر زى الولايا احسن نجوع ولانشحت وفى ناس تقولى هو احنا لسة هنشحت مبلدنا عماله تشحت بقالها كتير وانا مش عارف احمل مين المسئولية لان اللى بيحصل دة مش وليد صدفة دى تراكمات سنين وهرجع لنفس الكلمة ربنا يستر.
· اكد روؤساء ست شركات بترول كبرى عالميه تعمل فى مصر انها ستضخ مزيد من الاستثمارات فى مجال البحث عن البترول والغاز بعد ان نجحت فى تحقيق العديد من الاكتشافات فى الفترة الماضة – دة خبر جميل وحلو جدا بس منين الخبراء بيتكلموا ان مصر هتواجه كارثة فى خلال 10 سنوات نظرل لضعف احتياطى البترول ومنين المستثمرين فرحانين بالاكتشافات انا مبقتش عارف اصدق مين ومبقتش عارف الفلوس بتروح فين وكمان مش عارف اسعار البنزين رايحة على فين و مش هتكلم عن الزيوت والا ابقى شرير وعايز انكد على الناس.
· سيادة وزير النقل يتعاقد مع 10 خبراء طلاينه لتدريب قيادات السكك الحديدية على تتطويرها واعادة هيكلتها – يعنى حاجة زى جوزية المدير الفنى بتاع الاهلى مهو هما دخلوا نظام الاحتراف فى الوزارات وانا مش ضد دة بالعكس دة شىء كويس انننا بندور مين نجح فين وفى اية ونجيبة يعلمنا مهو العلم نور بس ياريت ندقق فى اختيار الكوادر اللى هندريها عشان يبقوا لاعيبه محترفين على حق ويجيبوا الدورى والكاس مينزلوش دورى المظاليم .
· الخبر دة للعالم الكييفه يعنى اصحاب الكيف راجل صياد من مركز البرلس بيصطاد فى البرلس مستنى بقى يصطاد سمك لكن الشبكة بتاعته يظهر صاحبة مزاج اصطادت طربة حشيش قام الصياد اللى مبيقدرش النعمه راح مسلمها للبوليس فننوه لكل اصحاب الغرز بضرورة التوجه للبرلس عشان الخير هناك كتير واحد يقولى هى البرلس دى فين يابوالكابتن اقولة فى كفر الشيخ ياغالى وياريت الموضوع يبقى سرى بدل ممكافحة المخدرات تعملكوا كمين وتمسكوا وانتوا بتصطادوا وطبعا النصيحة دى من منطلق مكافحة الادمان .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
=======================
اخبار بلدنا فى -24 ابريل
· طبعا احنا سمعنا عن مهزلة المحليات واللى حصل فى انتخابتها واللى تآمر فيها احزاب المعارضة قبل الحزب الوطنى على شرف ونزاهة هذه الامه واللى نسفوا من خلالها اى ذرة احترام لاى منهم وعشان تتخيلوا حجم المهزله احب اعرفكم انه تم اعلان فوز عضو وطنى فى محليات الدقهليه لم يرشح نفسه وطبعا ده فى ايام المحافظ المخلوع .
· زوج ضحية الخبز فى الدقهلية (( المحافظ يعاقبنى لاننى كشفت مساومته لى وخفض التعويض من 5000 الى 200 جنية )) – وانا بقوله احمد ربنا انك متحولتش لعميل وخاين والموضوع رسى على كده بس على العموم اهو ربنا خلص حق مراتك والناس منه وأهو روح على بيتهم .
· أهالى البحر الاحمر والدقهليه يحتفلون برحيل محافظيهم الف مبروك يااخونا وعقبال كل اللى كاتمين على نفسكم واللى مزعلنكم ومش شايفين مصالحكم وعلى العموم راية الظلم ساعه واهو محافظ الدقهلية لبس الجلبيه .
· اللى انا فهمته واستوعبته ويمكن اكون آمنت بيه ان دور الصحفيين والمفكرين والكتاب هو دور تنويرى ، تنويرى لمجتمعهم لشعوبهم وبالتالى اللى بيحمل شعلة النور لمجتمعه دة يجب انه بيتمتع بقدرة كبيرة على تحمل الاخر والفهم والتحليل والقدرة على النقاش لكن اللى حصل فى نقابة الصحفيين خلال الفترة الماضية وااللى دفع بنقيب الصحفيين بالبكاء مرتين اثناء اجتماع النقابة بسبب شتمه واتهامه بالخيانه ينسف كل هذه المعانى ويجعلنا نتسائل اهؤلاء صحفيون ام ماذا ؟
· اشتباكات بين الأمن وأهالى عزبة بالمنوفية بسبب انشاء نقطة شرطة على ملعب كرة قدم—طبعا تفاصيل الخبر تدل على الخلل الفادح فى تعامل الامن مع المواطنين كما تدل على ان اسهل شىء فى بلدنا حاليا توجيه التهم لاى بنى ادم حتى لو كان عمره 85 سنه ولا يستطيع الحركة وعندما يحاول نجلة المعاق حمايته يأخذونه معه والداخلية زعلانه اوى من الناس عشان بيهاجموها وانا بسال الداخلية ازاى يتحول الدور الرئيس للامن وهو حماية المواطن الى اعتقال المواطن.
· الحكومة تتراجع وتقرر ضم الصفط واطفيح الى محافظة حلوان والعياط والواحات الى 6 اكتوبر وانا عكس كل المنتقدين بقى اللى هيقعدوا يقولوا يعنى الموضوع مكنش مدروس والحكاية خلطبيطة ويستلموا الحكومه تريقة شايف ان التراجع دة من قبل حكومتنا وبقول حكومتنا لان التراجع جه بناء على طلب الناس ونواب الناس فلما يلبوا طلب الناس يبقى فعلا حكومة الناس وقرار يستحق الثناء لان الكمال لله وحده مش مهم نغلط المهم منكابرش فيه اما براوة للحكومه المصريه .
· دونى مشى أسكوبى جت (( ما أسخم من سيدى الا ستى )) يااهلا بالسفيرة الامريكانيه الجديده وباى باى لعمو بتاع الموالد والافراح والليالى الملاح .
· طبعا مصنع اجريوم هو حدث الساعه وكنت قد تناولت الخبر قبل ذلك لما السيد الرئيس طلب من السادة الوزراء توعية الناس باهمية المشروع وعدم صدق مخاوفهم بناء على كلام الوزراء المعنيين ان المصنع مالوش اى اضرار للبيئه وان المشكلة هى مشكلة تواصل مع الناس لكن الايام كل يوم بتثبت ان السادة المسؤلين والوزراء يحاولون خداع الشعب المصرى والرئيس بدليل كمية الانتقادات التى توجه للمشروع وهى انتقادات من علماء افذاذ لا يمكن تجاهلها واذا ثبت صدق كلامهم يجب على سيادة الرئيس محاسبة هؤلاء المسؤلين فورا لان الشعب المصرى مش رخيص عشان نبيعه لشوية كنديين .
· طبعا شم الفسيخ على الابواب وكيلو الفسيخ بقى ب48 جند والرنجه ب16 جند والملوحه ب35 جند والسردين ب16 جند زوروا محلات بحلقه السماك تجدوا مايسركم ووقت الكاش الغالى يبقى ببلاش .
· اثناء تواجد السيد رئيس الوزراء فى جامعة القاهرة وعقده مؤتمر مع طلبة الجامعه واثناء استغراق سيادته فى الحديث عن ذكرياته قاطعه احد الطلاب وقال بعض الكلمات الواقعيه الرنانه والتى لم تخلو من السخرية ولكن بها دعوه مباشرة للافراج عن شباب مصر اللى اتمسكوا فى الاضراب وبدون الخوض فى تفاصيل الرد اللى مكنش ليه علاقة بالسؤال بس فى حاجة قالها الدكتور نظيف نرفزتنى الحقيقة قال ( ان رغيف العيش اللى انتوا بتقفوا فى طوابير عشان تاخدوه وبتلاقوه فى الاخر فى غيركم مش لاقيه )) وانا مش فاهم المفروض يعنى نبوس ايد سيادتك عشان بنقف فى طابور لرغيف العيش ، وبعدين دة تصريح يقوله رئيس حكومة مصر عن ابسط حقوق المواطن سنة 2008 ردوا عليا يااخونا يمكن انا متحامل .
· استطلاع رأى اجرته احدى وحدات البحوث العربيه (( المصريون اقل الشعوب العربيه سعادة )) مين المسئول عن تحويل شعب كان يتمتع بخفة ظل وحيويه كانت مضرب الامثال لاقل الشعوب سعاده ؟؟؟؟
· استطلاع حكومى 1% من الشباب المصرى يعرف عدد الاحزاب وطبعا انا مش منهم ودى المعلومه الوحيده اللى متمناش انى اعرفها لانها معلومه كاذبه ولانهم لايمثلون الا انفسهم واطماعهم اما الشعب المصرى فهو بلا حزب وانا من هذا الشعب .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
ال ن ســـــــــــــــــــــاج
· زوج ضحية الخبز فى الدقهلية (( المحافظ يعاقبنى لاننى كشفت مساومته لى وخفض التعويض من 5000 الى 200 جنية )) – وانا بقوله احمد ربنا انك متحولتش لعميل وخاين والموضوع رسى على كده بس على العموم اهو ربنا خلص حق مراتك والناس منه وأهو روح على بيتهم .
· أهالى البحر الاحمر والدقهليه يحتفلون برحيل محافظيهم الف مبروك يااخونا وعقبال كل اللى كاتمين على نفسكم واللى مزعلنكم ومش شايفين مصالحكم وعلى العموم راية الظلم ساعه واهو محافظ الدقهلية لبس الجلبيه .
· اللى انا فهمته واستوعبته ويمكن اكون آمنت بيه ان دور الصحفيين والمفكرين والكتاب هو دور تنويرى ، تنويرى لمجتمعهم لشعوبهم وبالتالى اللى بيحمل شعلة النور لمجتمعه دة يجب انه بيتمتع بقدرة كبيرة على تحمل الاخر والفهم والتحليل والقدرة على النقاش لكن اللى حصل فى نقابة الصحفيين خلال الفترة الماضية وااللى دفع بنقيب الصحفيين بالبكاء مرتين اثناء اجتماع النقابة بسبب شتمه واتهامه بالخيانه ينسف كل هذه المعانى ويجعلنا نتسائل اهؤلاء صحفيون ام ماذا ؟
· اشتباكات بين الأمن وأهالى عزبة بالمنوفية بسبب انشاء نقطة شرطة على ملعب كرة قدم—طبعا تفاصيل الخبر تدل على الخلل الفادح فى تعامل الامن مع المواطنين كما تدل على ان اسهل شىء فى بلدنا حاليا توجيه التهم لاى بنى ادم حتى لو كان عمره 85 سنه ولا يستطيع الحركة وعندما يحاول نجلة المعاق حمايته يأخذونه معه والداخلية زعلانه اوى من الناس عشان بيهاجموها وانا بسال الداخلية ازاى يتحول الدور الرئيس للامن وهو حماية المواطن الى اعتقال المواطن.
· الحكومة تتراجع وتقرر ضم الصفط واطفيح الى محافظة حلوان والعياط والواحات الى 6 اكتوبر وانا عكس كل المنتقدين بقى اللى هيقعدوا يقولوا يعنى الموضوع مكنش مدروس والحكاية خلطبيطة ويستلموا الحكومه تريقة شايف ان التراجع دة من قبل حكومتنا وبقول حكومتنا لان التراجع جه بناء على طلب الناس ونواب الناس فلما يلبوا طلب الناس يبقى فعلا حكومة الناس وقرار يستحق الثناء لان الكمال لله وحده مش مهم نغلط المهم منكابرش فيه اما براوة للحكومه المصريه .
· دونى مشى أسكوبى جت (( ما أسخم من سيدى الا ستى )) يااهلا بالسفيرة الامريكانيه الجديده وباى باى لعمو بتاع الموالد والافراح والليالى الملاح .
· طبعا مصنع اجريوم هو حدث الساعه وكنت قد تناولت الخبر قبل ذلك لما السيد الرئيس طلب من السادة الوزراء توعية الناس باهمية المشروع وعدم صدق مخاوفهم بناء على كلام الوزراء المعنيين ان المصنع مالوش اى اضرار للبيئه وان المشكلة هى مشكلة تواصل مع الناس لكن الايام كل يوم بتثبت ان السادة المسؤلين والوزراء يحاولون خداع الشعب المصرى والرئيس بدليل كمية الانتقادات التى توجه للمشروع وهى انتقادات من علماء افذاذ لا يمكن تجاهلها واذا ثبت صدق كلامهم يجب على سيادة الرئيس محاسبة هؤلاء المسؤلين فورا لان الشعب المصرى مش رخيص عشان نبيعه لشوية كنديين .
· طبعا شم الفسيخ على الابواب وكيلو الفسيخ بقى ب48 جند والرنجه ب16 جند والملوحه ب35 جند والسردين ب16 جند زوروا محلات بحلقه السماك تجدوا مايسركم ووقت الكاش الغالى يبقى ببلاش .
· اثناء تواجد السيد رئيس الوزراء فى جامعة القاهرة وعقده مؤتمر مع طلبة الجامعه واثناء استغراق سيادته فى الحديث عن ذكرياته قاطعه احد الطلاب وقال بعض الكلمات الواقعيه الرنانه والتى لم تخلو من السخرية ولكن بها دعوه مباشرة للافراج عن شباب مصر اللى اتمسكوا فى الاضراب وبدون الخوض فى تفاصيل الرد اللى مكنش ليه علاقة بالسؤال بس فى حاجة قالها الدكتور نظيف نرفزتنى الحقيقة قال ( ان رغيف العيش اللى انتوا بتقفوا فى طوابير عشان تاخدوه وبتلاقوه فى الاخر فى غيركم مش لاقيه )) وانا مش فاهم المفروض يعنى نبوس ايد سيادتك عشان بنقف فى طابور لرغيف العيش ، وبعدين دة تصريح يقوله رئيس حكومة مصر عن ابسط حقوق المواطن سنة 2008 ردوا عليا يااخونا يمكن انا متحامل .
· استطلاع رأى اجرته احدى وحدات البحوث العربيه (( المصريون اقل الشعوب العربيه سعادة )) مين المسئول عن تحويل شعب كان يتمتع بخفة ظل وحيويه كانت مضرب الامثال لاقل الشعوب سعاده ؟؟؟؟
· استطلاع حكومى 1% من الشباب المصرى يعرف عدد الاحزاب وطبعا انا مش منهم ودى المعلومه الوحيده اللى متمناش انى اعرفها لانها معلومه كاذبه ولانهم لايمثلون الا انفسهم واطماعهم اما الشعب المصرى فهو بلا حزب وانا من هذا الشعب .
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
واخيرا وليس أخرا مصر هتفضل غالية عليا.
ال ن ســـــــــــــــــــــاج
ليست هناك تعليقات:
إرسال تعليق