اخبار بلدنا 6 مارس
العااادىى
رفع اسعار الاسمدة 100 % ومنافذ البيع طبقت الزيادة رسميا ورئيس لجنة الزراعة فى مجلس الشعب يؤكد انه لايعلم شىء عن قرار الوزارة وفوجىء به --- بلدنا 40 % منها فلاحين يعنى شغلتهم الزراعة ومن شغلهم بياكلوا وبيأكلوا 60% الباقيين لما نرفع سعر الاسمدة وهى اصلا مرفوعه خلقه يبقى بنرفع سعر التكلفة على الفلاح وبالتالى بنرفع سعر المحاصيل بنفس النسبة يبقى كلة بيترفع والاجور ثابته يعنى ممكن نوصل للمرحلة اللى المرتب يدوب يجيب طبق سلطة بس فاخر عشان محدش يبقى متشائم .
سعر الحديد اصبح 6 الالاف جنية للطن --- اننا نتكلم عن الحديد واسباب ارتفاع سعرة والجنان اللى بيحصل والكف اللى طالع نازل على قفا الشعب من محتكر الحديد الاول والحكومة والسلطه واقفين على الحياد عملا بالمثل القائل ياداخل بين البصلة وقشرتها .... والباقى انتوا عارفية اصبح كلام لا قيمة له وكلام مستهلك انا رئى انننا نرجع نبنى البيوت زى اجدادنا القدماء حجارة ولا طوب لبن دة حتى صحى خالص وتبقى حاجة اوريجينال على رئى الممثله اياها بس المصيبة ان بعد مالفكرة تنتشر يطلع واحد يحتكرها بردة ومش بعيد اطالب انا كمان بحق الملكية الفكرية مهى سلطة بقى .
سقوط 116 شهيد من المدنيين فى غزة والحكومات العربية بتشجب وتندد وتطالب - يااحلاوه .
رايس تحمل حماس مسئولية محرقة غزة وتعلن الافراج عن 100 مليون من المعونة المصرية—هو الخبر كدة والنعمه انا مش شرير وربطهم ببعض لا واللة الست جليبرتو ربطتهم ببعض من نفسها ودة طبعا مبدأ واضح اطعم الفم تستحى العين ومفيش مانع ان مصر تشجب وتندد وتتزمر دة حتى صحى عشان المدام وهى حامل بس اكتر من كدة هنملص ودانها والمعونة والمدمرة اللى واقفة قدام لبنان والقوات الامريكية اللى محاوطة الناس من كل ناحية خصوصا الخليج تحس انه بقى مستعمرة اهلا ومرحبا بالديمقراطية الامريكية وبشرق اوسط جديد وكمان ماما اسرائيل مبقتش ماما امريكا.
القبض على 90 من قيادات الاخوان فى الساعات الاولى لفتح الترشيح لانتخابات المحليات.... شىء متوقع دة حتى 90 قليل .
اليابان تعرض مساعدة مصر فى السيطرة على انفلونزا الطيور وتبدا المكافحة من الجيزة—طبعا دة خبر يبشر انننا ممكن نسيطر على الموضوع دة اذا اتباعنا السيستم اليابانى وسمعنا الكلام ومظهرش ابوالعريف والاستاذ فهلوى والسيد روتين ومودموازيل قول ياباسط وسابوا الناس تشتغل واخر ضحايا الوباء كانت سوزان رحمها الله وطفل صغير والبقية تأتى.
اللى مش عاادى
خطيب الحرم المكى يدعوا ((اللهم ياعزيز ياقهار خفض على المسلمين الاسعار )) واضم صوتى لصوتة واقول (( اللهم يا مللك الملوك زلزل الارض من تحت اليهود)) (( اللهم يا معز يا مذل اعصف بكل من اراد بالغلابه الذل )) (( اللهم يا قوى يا جبار اقهر كل ظالم وجبار)) (( اللهم يا رب العباد خلصنا من المحتكرين الا وغاد )) وكفاية كدة دول لو اتقبلوا بلدنا وامتنا هتبقى أخر حلاوه.
بعد تزايد الضحايا فى الفترة الاخيرة فتوى من الشيخ يوسف البدرى تعتبر قتلى طوابير الخبز فى مصر شهداء— طب دول اللى ماتوا طب اللى بيموتوا كل يوم وهما عايشين نعتبرهم اية الراجل اللى مش قادر يلبى طلبات عيالة الام اللى دايخة فى صرف المعاش الاطفال اللى مش عارفين يعيشوا اطفال- اصحاب كلمة الحق اللى بيتهانوا الشباب اللى مش عارف يلاقى نقطة يبتدى منها الصفر اللى مش عارف الاقيه عشان ابنى نفسى يبقوا اية حد يقولى.
منع اسعاف عامل بمطار القاهرة لحين التعهد باصلاح الرخام المكسور—عامل كان واقف على سقالة مرتفعة بيشتغل وقع من على السقالة على غرفة رخام ادشدشت بدل منلحق الراجل وننقذة ونودية المستشفى يقوم عبقرى زمانة المسئول فى مطار القاهرة يرفض نقلة للعلاج الا لما يتعهد رؤوساء العامل باصلاح ما تلف من الرخام وترك الرجل يعتصره الالام ملقى حتى تم الامر وتعهدوا باصلاح الرخام الذى استغرق نصف ساعة--- للدرجة دى هنا على بعض للدرجة دى مبقاش فى رحمة للدرجة دى بقينا زى الحيوانات انا اسف ياريتنا زى الحيونات كنا رحمنا بعض للدرجة دى لوح الرخام بقى اهم من حياة بنى ادم – ولادك رايحين بيكى على فين يابلدى.
وزير التضامن الاجتماعى يعترف المواطن لم يشعر بخدمات الحكومة--- حد يدينى عقلة ياجدعان اعتراف صريح بالفشل ومش اول اعتراف من نوعة دة تقريبا كل الوزراء بما فيهم رئيسهم اعترفوا ان الناس مش حاسة باللى هما بيعملوه—يبقى الناس دىى قاعده ليه – مفيش كلام غير النداء الشهير قاعدين ليه ماتقوموا تروحواااا ياريت يروحوا بقى تعبنا .
الغاز يتكلف 2.65 دولار للمليون وحدة حرارية ونحن نصدرة لاسرائيل ب1.50 دولار--- شوفتوا الحلاوة لا بجد مش قادر هموت والله دة احنا مش بس بنصدرة لاسرائيل ودة فى حد ذاته مصيبة لا وكمان بنصدرة مدعم بندعم لاسرائيل الغاز بندعم لاسرائيل الوقود اللى بيضربونا بيه بندعم لاسرائيل الغاز من قوت الشعب بندعم لاسرائيل الغاز وعمالين نرفع الدعم عن المصريين يا خررررررررررررررابى اعذرونى يااخونا مش قادر هتشل والله ياااااارب يطلع خبر غلط بس دة نائب مقدمة استجواب فى مجلس الشعب حد يقولى على دواء ضد الشلل هتنقط .
الرئيس يتدخل لحل مشكلة الحضرى—طبعا ناس كتير شايفة ان الخبر ساخر واحنا ورانا بلاوى كتير غير الحضرى ولية الريس يتدخل وكل واحد قال اللى يعجبة بالاضافة للمنافقين اللى مدحوا الخطوة بصورة زائدة عن اللزوم --- وانا رئى ان الحضرى شىء ليس له قيمة انسانية او خلقية ولكن قيمتة فى مجال عملة والرئيس هو رئيس كل الدولة ومن حقة يتدخل فى كل الامور ويحاول حلها بالسر والعلن وليس هناك مايضر من تدخلة فى الازمة وليست المكالمة التى اعطى فيها اوامرة بالتدخل هى ما ستجير على حق باقى القضايا ولكنننا تعودنا على النقد والتصيد وخلاص .
أما براوة
وزير التضامن 100 مليون جنية مصرى قروض حسنة من بنك ناصر لمحدودى الدخل بدون فوائد – دة خبر حلو الحقيقة ولو مظبوط ومفيش فوايد وقروض ميسرة فعلا وميكنش فيها ااااننننه يبقى اما براوة ياسيادة الوزير وبحبح ايدك كمان خليهم مليار دة الغلابة كتير اوى.
خطة قومية لتشغيل الشباب خلال خمس سنوات – الخبر دة صادر عن وزيرة القوى العاملة ولوانى مبقتش اصدقها وتاريخها معنا مش اد كدة بس لو فعلا تفاصيل الخبر مظبوطة وفى تاهيل للكوادر وتشغيل العمالة فى اوروبا وكندا والتعاقد مع الشركات العالمية اللتى تمتلك مشاريع فى الشرق الاوسط للحصول على العمالة من مصر يبقى مجهود ممتاز واقولك بالفم المليان اما براوة وتستحقى صقفة كمان لان مفيش اغلى ولا اهم من لقمة العيش والاستقرار فى الدخل.
الثقافة تحتفل بانتهاء المرحلة الثانية من المتحف الكبير—حاجة مشرفة وصرح عملاق فعلا وسط كل الخراب اللى موجود فى البلد مجهود ممتاز للوزارة والقائمين على العمل ونتمنى ميطلعش منهم واحد بينهب زى اخينا اياه اما براوة لوزارة الثقافة والخبر دة ناقص حتة صغيرة شلتها عمدا ان الوزارة بتدعوا المصريين للتبرع الحقيقة دعوه مش فى محلها الناس عايزة اللى يتبرع ليها مش اللى ياخد منها او لوحدث والناس هتقطع من قوتها وتتبرع هتتبرع لمستشفى لجامع لكنيسة لحاجة ليها قيمة عند البسطاء لان المتاحف دى ميزة ورفاهية واولوية من واوليات ناس عايشة فى مستوى ارقى بكثير مما يعيش فية شعبنا اطلب من النص % اياهم يتبرعوا مش من الشعب.
مستشفيات شمال سيناء اعلنت حالة الطوارىء لاستقبال ضحايا محرقة غزة وفتح المعبر لمرر الضحايا- اما براوة ياريس واما براوة للسيد وزير الصحة اللى مسخر كل اللامكانيات للغرض دة ونتمنى يكون دة تكفير عن الصمت العاجز من بلدنا تجاة اخونا فى غزة رحم الله الشهداء وصبر الاحياء وخسف بالاوغاد الأعتياء.
أما عجايب
زقزوق ضعف الامه الاسلامية مسؤل عن اعادة نشر الرسوم المسيئة للرسول—صدقت صدقت صدقت من زمان مسمعتش تصريح صادر عن وزير الاوقاف اصدقة او اوافقه الرئى ----- احنا منسواش بصلة عشان كدة الاساءة نازلة ترف على دينا ونبينا واحنا كل اللى نقدر علية نطلع مظاهرة نشجب ونندد ونطالب بمقاطعة وشوية بحوار وشوية نحرق وبتاع وفى الاخر بيحصل حاجتين ياانخبط راسنا فى الحيط يانشرب من البحر عارفين ياااصحابى مفيش ذل اكتر من كدة لينا ااانا نبقى لاشىء فى وسط العالم يااخونا امتنا بتعيش اتعس لحظات حياتها والبركة فينا فرطنا فى الدين وفرطنا فى وحدتنا وفرطنا فى اخواانننا ففرط فينا ديننا فالدين عزة وكرامة وحينما فرطنا فية تركنا ففقدنا قيمتنا أما عجايب علينا نبقى السبب فى المصيبة وبندور على شماعات عشان نعلق عليها فشلنا .. نقول ازاى ينشروا طب مهما لازم ينشروا هما كفره ومش عارفين واحنا رعاع ولانملك ردع لمن يعتدى علينا ولسنا سفراء جيدين لدينننا تركناه للكتب ولكبار السن ونسينا ان الدين للحياة وان الدين معاملة أوعى تفتكروا ان اللى نشروا دول هيتحاسبوا واحنا لا هههههههه ابدا دة احنا قبليهم—على فكرة انا بضحك ضحك البكاء وليس السخرية.
عناوين جذابة
7 خطوات وضمير استك لتزوير انتخابات المحليات من المنبع.
هل هؤلاء العرب وزراء أعلام أم وزراء أعتام.
باظت وخربت وجابت جاز وصحف الدنيا لا تكفى لنشر اكاذيبهم .
كم دخلة فشلت بسبب ارتفاع حديد الدخيلة.
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
========================
رفع اسعار الاسمدة 100 % ومنافذ البيع طبقت الزيادة رسميا ورئيس لجنة الزراعة فى مجلس الشعب يؤكد انه لايعلم شىء عن قرار الوزارة وفوجىء به --- بلدنا 40 % منها فلاحين يعنى شغلتهم الزراعة ومن شغلهم بياكلوا وبيأكلوا 60% الباقيين لما نرفع سعر الاسمدة وهى اصلا مرفوعه خلقه يبقى بنرفع سعر التكلفة على الفلاح وبالتالى بنرفع سعر المحاصيل بنفس النسبة يبقى كلة بيترفع والاجور ثابته يعنى ممكن نوصل للمرحلة اللى المرتب يدوب يجيب طبق سلطة بس فاخر عشان محدش يبقى متشائم .
سعر الحديد اصبح 6 الالاف جنية للطن --- اننا نتكلم عن الحديد واسباب ارتفاع سعرة والجنان اللى بيحصل والكف اللى طالع نازل على قفا الشعب من محتكر الحديد الاول والحكومة والسلطه واقفين على الحياد عملا بالمثل القائل ياداخل بين البصلة وقشرتها .... والباقى انتوا عارفية اصبح كلام لا قيمة له وكلام مستهلك انا رئى انننا نرجع نبنى البيوت زى اجدادنا القدماء حجارة ولا طوب لبن دة حتى صحى خالص وتبقى حاجة اوريجينال على رئى الممثله اياها بس المصيبة ان بعد مالفكرة تنتشر يطلع واحد يحتكرها بردة ومش بعيد اطالب انا كمان بحق الملكية الفكرية مهى سلطة بقى .
سقوط 116 شهيد من المدنيين فى غزة والحكومات العربية بتشجب وتندد وتطالب - يااحلاوه .
رايس تحمل حماس مسئولية محرقة غزة وتعلن الافراج عن 100 مليون من المعونة المصرية—هو الخبر كدة والنعمه انا مش شرير وربطهم ببعض لا واللة الست جليبرتو ربطتهم ببعض من نفسها ودة طبعا مبدأ واضح اطعم الفم تستحى العين ومفيش مانع ان مصر تشجب وتندد وتتزمر دة حتى صحى عشان المدام وهى حامل بس اكتر من كدة هنملص ودانها والمعونة والمدمرة اللى واقفة قدام لبنان والقوات الامريكية اللى محاوطة الناس من كل ناحية خصوصا الخليج تحس انه بقى مستعمرة اهلا ومرحبا بالديمقراطية الامريكية وبشرق اوسط جديد وكمان ماما اسرائيل مبقتش ماما امريكا.
القبض على 90 من قيادات الاخوان فى الساعات الاولى لفتح الترشيح لانتخابات المحليات.... شىء متوقع دة حتى 90 قليل .
اليابان تعرض مساعدة مصر فى السيطرة على انفلونزا الطيور وتبدا المكافحة من الجيزة—طبعا دة خبر يبشر انننا ممكن نسيطر على الموضوع دة اذا اتباعنا السيستم اليابانى وسمعنا الكلام ومظهرش ابوالعريف والاستاذ فهلوى والسيد روتين ومودموازيل قول ياباسط وسابوا الناس تشتغل واخر ضحايا الوباء كانت سوزان رحمها الله وطفل صغير والبقية تأتى.
اللى مش عاادى
خطيب الحرم المكى يدعوا ((اللهم ياعزيز ياقهار خفض على المسلمين الاسعار )) واضم صوتى لصوتة واقول (( اللهم يا مللك الملوك زلزل الارض من تحت اليهود)) (( اللهم يا معز يا مذل اعصف بكل من اراد بالغلابه الذل )) (( اللهم يا قوى يا جبار اقهر كل ظالم وجبار)) (( اللهم يا رب العباد خلصنا من المحتكرين الا وغاد )) وكفاية كدة دول لو اتقبلوا بلدنا وامتنا هتبقى أخر حلاوه.
بعد تزايد الضحايا فى الفترة الاخيرة فتوى من الشيخ يوسف البدرى تعتبر قتلى طوابير الخبز فى مصر شهداء— طب دول اللى ماتوا طب اللى بيموتوا كل يوم وهما عايشين نعتبرهم اية الراجل اللى مش قادر يلبى طلبات عيالة الام اللى دايخة فى صرف المعاش الاطفال اللى مش عارفين يعيشوا اطفال- اصحاب كلمة الحق اللى بيتهانوا الشباب اللى مش عارف يلاقى نقطة يبتدى منها الصفر اللى مش عارف الاقيه عشان ابنى نفسى يبقوا اية حد يقولى.
منع اسعاف عامل بمطار القاهرة لحين التعهد باصلاح الرخام المكسور—عامل كان واقف على سقالة مرتفعة بيشتغل وقع من على السقالة على غرفة رخام ادشدشت بدل منلحق الراجل وننقذة ونودية المستشفى يقوم عبقرى زمانة المسئول فى مطار القاهرة يرفض نقلة للعلاج الا لما يتعهد رؤوساء العامل باصلاح ما تلف من الرخام وترك الرجل يعتصره الالام ملقى حتى تم الامر وتعهدوا باصلاح الرخام الذى استغرق نصف ساعة--- للدرجة دى هنا على بعض للدرجة دى مبقاش فى رحمة للدرجة دى بقينا زى الحيوانات انا اسف ياريتنا زى الحيونات كنا رحمنا بعض للدرجة دى لوح الرخام بقى اهم من حياة بنى ادم – ولادك رايحين بيكى على فين يابلدى.
وزير التضامن الاجتماعى يعترف المواطن لم يشعر بخدمات الحكومة--- حد يدينى عقلة ياجدعان اعتراف صريح بالفشل ومش اول اعتراف من نوعة دة تقريبا كل الوزراء بما فيهم رئيسهم اعترفوا ان الناس مش حاسة باللى هما بيعملوه—يبقى الناس دىى قاعده ليه – مفيش كلام غير النداء الشهير قاعدين ليه ماتقوموا تروحواااا ياريت يروحوا بقى تعبنا .
الغاز يتكلف 2.65 دولار للمليون وحدة حرارية ونحن نصدرة لاسرائيل ب1.50 دولار--- شوفتوا الحلاوة لا بجد مش قادر هموت والله دة احنا مش بس بنصدرة لاسرائيل ودة فى حد ذاته مصيبة لا وكمان بنصدرة مدعم بندعم لاسرائيل الغاز بندعم لاسرائيل الوقود اللى بيضربونا بيه بندعم لاسرائيل الغاز من قوت الشعب بندعم لاسرائيل الغاز وعمالين نرفع الدعم عن المصريين يا خررررررررررررررابى اعذرونى يااخونا مش قادر هتشل والله ياااااارب يطلع خبر غلط بس دة نائب مقدمة استجواب فى مجلس الشعب حد يقولى على دواء ضد الشلل هتنقط .
الرئيس يتدخل لحل مشكلة الحضرى—طبعا ناس كتير شايفة ان الخبر ساخر واحنا ورانا بلاوى كتير غير الحضرى ولية الريس يتدخل وكل واحد قال اللى يعجبة بالاضافة للمنافقين اللى مدحوا الخطوة بصورة زائدة عن اللزوم --- وانا رئى ان الحضرى شىء ليس له قيمة انسانية او خلقية ولكن قيمتة فى مجال عملة والرئيس هو رئيس كل الدولة ومن حقة يتدخل فى كل الامور ويحاول حلها بالسر والعلن وليس هناك مايضر من تدخلة فى الازمة وليست المكالمة التى اعطى فيها اوامرة بالتدخل هى ما ستجير على حق باقى القضايا ولكنننا تعودنا على النقد والتصيد وخلاص .
أما براوة
وزير التضامن 100 مليون جنية مصرى قروض حسنة من بنك ناصر لمحدودى الدخل بدون فوائد – دة خبر حلو الحقيقة ولو مظبوط ومفيش فوايد وقروض ميسرة فعلا وميكنش فيها ااااننننه يبقى اما براوة ياسيادة الوزير وبحبح ايدك كمان خليهم مليار دة الغلابة كتير اوى.
خطة قومية لتشغيل الشباب خلال خمس سنوات – الخبر دة صادر عن وزيرة القوى العاملة ولوانى مبقتش اصدقها وتاريخها معنا مش اد كدة بس لو فعلا تفاصيل الخبر مظبوطة وفى تاهيل للكوادر وتشغيل العمالة فى اوروبا وكندا والتعاقد مع الشركات العالمية اللتى تمتلك مشاريع فى الشرق الاوسط للحصول على العمالة من مصر يبقى مجهود ممتاز واقولك بالفم المليان اما براوة وتستحقى صقفة كمان لان مفيش اغلى ولا اهم من لقمة العيش والاستقرار فى الدخل.
الثقافة تحتفل بانتهاء المرحلة الثانية من المتحف الكبير—حاجة مشرفة وصرح عملاق فعلا وسط كل الخراب اللى موجود فى البلد مجهود ممتاز للوزارة والقائمين على العمل ونتمنى ميطلعش منهم واحد بينهب زى اخينا اياه اما براوة لوزارة الثقافة والخبر دة ناقص حتة صغيرة شلتها عمدا ان الوزارة بتدعوا المصريين للتبرع الحقيقة دعوه مش فى محلها الناس عايزة اللى يتبرع ليها مش اللى ياخد منها او لوحدث والناس هتقطع من قوتها وتتبرع هتتبرع لمستشفى لجامع لكنيسة لحاجة ليها قيمة عند البسطاء لان المتاحف دى ميزة ورفاهية واولوية من واوليات ناس عايشة فى مستوى ارقى بكثير مما يعيش فية شعبنا اطلب من النص % اياهم يتبرعوا مش من الشعب.
مستشفيات شمال سيناء اعلنت حالة الطوارىء لاستقبال ضحايا محرقة غزة وفتح المعبر لمرر الضحايا- اما براوة ياريس واما براوة للسيد وزير الصحة اللى مسخر كل اللامكانيات للغرض دة ونتمنى يكون دة تكفير عن الصمت العاجز من بلدنا تجاة اخونا فى غزة رحم الله الشهداء وصبر الاحياء وخسف بالاوغاد الأعتياء.
أما عجايب
زقزوق ضعف الامه الاسلامية مسؤل عن اعادة نشر الرسوم المسيئة للرسول—صدقت صدقت صدقت من زمان مسمعتش تصريح صادر عن وزير الاوقاف اصدقة او اوافقه الرئى ----- احنا منسواش بصلة عشان كدة الاساءة نازلة ترف على دينا ونبينا واحنا كل اللى نقدر علية نطلع مظاهرة نشجب ونندد ونطالب بمقاطعة وشوية بحوار وشوية نحرق وبتاع وفى الاخر بيحصل حاجتين ياانخبط راسنا فى الحيط يانشرب من البحر عارفين ياااصحابى مفيش ذل اكتر من كدة لينا ااانا نبقى لاشىء فى وسط العالم يااخونا امتنا بتعيش اتعس لحظات حياتها والبركة فينا فرطنا فى الدين وفرطنا فى وحدتنا وفرطنا فى اخواانننا ففرط فينا ديننا فالدين عزة وكرامة وحينما فرطنا فية تركنا ففقدنا قيمتنا أما عجايب علينا نبقى السبب فى المصيبة وبندور على شماعات عشان نعلق عليها فشلنا .. نقول ازاى ينشروا طب مهما لازم ينشروا هما كفره ومش عارفين واحنا رعاع ولانملك ردع لمن يعتدى علينا ولسنا سفراء جيدين لدينننا تركناه للكتب ولكبار السن ونسينا ان الدين للحياة وان الدين معاملة أوعى تفتكروا ان اللى نشروا دول هيتحاسبوا واحنا لا هههههههه ابدا دة احنا قبليهم—على فكرة انا بضحك ضحك البكاء وليس السخرية.
عناوين جذابة
7 خطوات وضمير استك لتزوير انتخابات المحليات من المنبع.
هل هؤلاء العرب وزراء أعلام أم وزراء أعتام.
باظت وخربت وجابت جاز وصحف الدنيا لا تكفى لنشر اكاذيبهم .
كم دخلة فشلت بسبب ارتفاع حديد الدخيلة.
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد كما تعلمت من عميد المقال والنقد العربى مجدى مهنا .
واخيرا وليس أخرا مصر هتفضل غالية عليا.
النساج
========================
اخبار بلدنا 16-مارس
v العاااادي
· (( الحكومة مصره على الاستمرار في تنمية الصعيد)) التصريح دة صدر عن سيادة الوزير رشيد محمد رشيد وإحنا كمان مصرين يا سيادة الوزير بس هو مين اللي معارض عشان الحكومة تصر أصل أنا مش فاهم وعندي نصيحة لو كانت تنمية الصعيد هتبقى زى تنمية القاهرة الكبرى كده يبقى الحكومة توفر مجهودها الجبار .
· قناة العربية عملت استطلاع لرأى المصريين حول محاكمة الإخوان العسكرية وكانت نتيجة الاستطلاع 67% يرون أنها محاكمه ظالمة و 15% شايفين إنها صحيحة وبقيت ال100 واضح أنهم مش بيتكلموا في السياسة وطبعا طبعا أنا من اللي مبيتكلموش في السياسة.
· عجوز من الأقصر تقول لنواب الشعب أنا وعيالي مكلناش لحمه من 3 شهور وطبعا طبعا أكيد النواب لو عملوا استجواب هيكون رد الحكومة إن اللحمة بتجيب نقرص وان هذه السيدة العجوز لا تدرى حجم المشاكل الصحية التي ستتعرض لها لو كلت لحمة وطبعا ده من منطلق حرص الحكومة على صحة عيالها المواطنين .
· انتحار مواطن بسبب الغلاء--- والراجل اللي انتحر كان سايب ورقة بيقول فيها أنا والله مش كافر بس اعمل أية مفيش فايدة ومفيش حل – الحقيقة مش عارف ادعيلوا بالرحمة ولا اعمل أية والبركة فى سياسة الخصخصة والنص فى ال % والحكومة الديجيتال والأفكار البناءة اللي إحنا الشعب الشريرين الوحشين الجاحدين مش قادرين نفهمها عشان إحنا متخلفين .
· سكتات مرورية فى القاهرة والجيزة – زمان كان بيقولك اللى بنى مصر كان حلوانى وانا رأى انه كان فكهانى لانه الحقيقة خطط للمستقبل بثقافة البرقوق والمشمش وطبعا البركة فى الحكومات المتاعقبة اللى أقامت شبكات طرق الحقيقة تفرح وكل متتزنق...... لالا مش تقلع زى المسرحية تبنى كوبرى تفحتلها نفق اضيق من الانبوبة – دة بالاضافة للريادة المصرية فى اشارات المرور وخاصة عسكرى المرور اللى دخل المتحف فى كل دول العالم اللا فى مصر والحقيقة دى مش مشكلة دولة بس دى مشكلة شعب ماشى بمبدأ البوز بيز .
v اللى مش عاااادى
· حادث مرورى راح ضحيتة 23 بنى ادم دة غير الاصابات معظمهم من مجندى الامن المركزى وسيادة وزير الداخلية طالب بفتح تحقيق واصدر قرار بترقية أسماء الشهداء—دة تصرف طبيعى بس افتكر ان الولاد اللى ماتو ميفرقش معاهم لوحة شرف ولا رتبة زيادة ولا كام مالطوش اهاليهم هيخدوهم دول بنى ادمين ماااتوا واحد يقولى دة امر ربنا انت هتفكر يا سيد ---اقولة لا يا حبيبى مش هكفر بس دم الولاد دول فى رقبة مين لا حول ولا قوة الا باللة انا للة وانا الية راجعون.
· سيادة الرئيس فى اجتماعة الاخير برئيس الحكومة والوزراء المعنيين بأزمة الخبز قال اللى نفسنا نقولة بعد الدباجة وعرض الوزراء للأمر والمبررات وغيرة جبهالهم على بلاطة المشكلة مشكلة إدارة ورقابة ومحاسبة ثم أكمل سيادته وأنهى على هذا الأمر بقولة لن اسمح بالحجج والجيش والشرطة سينهيان أزمة رغيف الخبز دة طبعا بعد تفاصيل كتير بس افتكر بعد تصريح قوى زى دة صادر عن رئيس الجمهورية الحكومة هتقب وتغطس وتحل الموضوع ورحمة اللة على شهداء طوابير الخبز ومنهم لله اللى فى بالى.
· زيادة مرتبات ومكافئات أعضاء هيئة التدريس من أول يوليو—في الأول محدش هيزيد وبعدين قانون معجبش أساتذة الجامعة وخناقات ومشاكل وتصريحات وفى الأخر الوزير المسئول صرح أنهم هيزيدوا يعنى صورة بالكربون من كل مشكلة بتحصل نتيجة لمطالبات الناس بزيادة رواتبها طب مممن الأول نريح الناس ومنغير ميطلبوا خلاص عرفنا واقتنعنا ان بعض زيادات الأسعار الحالية زيادة عالمية على الكل يبقى الحكومة من نفسها ترفع الرواتب بدل العطلة والقيل والقال وهى تيجى بجميلة والشعب هيشيلهالكم ويفتكركم بالخير لما تبقوا حكومة سابقه عن قريب بأذن الله.
· السفينة بدر اختفت السفينة بدر لقيوها السفينة بدر فص ملح ودابت هى مين السفينة بدر حاجة يعنى ولا فى الاحلام--- يعنى اية ؟؟؟ سفينة ليها خط ملاحى معين وبعد كل التطور اللى احنا فية دة وأقمار صناعية ورادارات وحورات وفى الاخر سفينه مش عارفين عنها حاجة بقالنا قرن وعلى رأى احد نواب المستقلين لوزير النقل هى السفينة بدر دى ابره مش عارفين تلاقوها وكان رد السيد الوزير ومازال البحث مستمر – لا تعليق
· حامد يبيع كبده ويتاجر في أعضاءه لسرعة إنقاذ ابنه المريض وتوفير تكاليف جراحة مهمة له لكن ربنا اختار الطفل واسترد وديعته لكن حامد كان باع كبده خلاص لمافيا تجارة الأعضاء – دى حدوتة مواطن مصري سواق أتوبيس قصته متختلفش كتير عن ملايين القصص اللي بيعشها المواطن المصري رحمة الله على الطفل والبقاء لله في الرحمة والإنسانية وعظم الله أجركم في كرامة المواطن المصري .
v أما براوة
· شرف إمام سلامة دة اسم واحد حب يكون شخص مختلف عنده 31 سنه خريج كلية العلوم دفعة 99 من جامعة الأزهر قسم مايكرو بيولوجي ساب وظيفته الحكومية وقرر انه يشتغل حر واشتغل في مضمار عجيب جدا في الزبالة ايون في الزبالة وقام بجمع الزبالة من القرى ومن كل مكان ثم أعاد تدويرها وبيعها وظل على هذا الحال حتى وصل أن أصبح أشهر زبال في مصر ومكسبه السنوي مليون جنية وقام بتشغيل المئات من الشباب وادخل العلم في الزبالة فاكتسب احترامنا جميعا وكسر الحاجز النفسي الذي يجعلنا ننظر بنظرة دونيه لتلك المهن ومش عارف أقول حاجة ولا أوصف جرأته ونجاحه بغير أما براوة يا شرف .
v أما عجايب
مفتى الجمهورية ((الله يتولى الدفاع عن الرسول الكريم وليس مطلوب من المسلمين الدفاع عنه)) انا مش عارف بصراحة أقول أية ولا عارف سيادته كل شوية ينام ويصحى يطلعلنا بفتوى ولا برأي جديد بيجبهم منين دول مش عارف بس على كده أيام الهجرة والحروب والغزوات المسلمين اللي ماتوا وهما بيحموا الرسول راحوا فطيس مهو مكنش المفروض يحموه ربنا كان هيحمية ورباعيتة الشريفة التي كسرت أشاعه هتتكسر ازاى ما ربنا حاميه – وبالقياس يبقى احنا بقى الرسول يتشتم والدين يهان وإحنا نقول وإحنا مالنا ربنا هيحمى الرسول والدين وهيخسف بيهم الارض واحنا بنتفرج على الكفره الوحشيين ولما أموت بقى وربنا يسالنى مين رسولك اقولة محمد يقولى ومدافعتش عنه ليه فى العصر بتاعك أقول لرب العزة أصل المفتى قالي كده بجد أما عجايب .
النســــــــــــــاج
=================
· (( الحكومة مصره على الاستمرار في تنمية الصعيد)) التصريح دة صدر عن سيادة الوزير رشيد محمد رشيد وإحنا كمان مصرين يا سيادة الوزير بس هو مين اللي معارض عشان الحكومة تصر أصل أنا مش فاهم وعندي نصيحة لو كانت تنمية الصعيد هتبقى زى تنمية القاهرة الكبرى كده يبقى الحكومة توفر مجهودها الجبار .
· قناة العربية عملت استطلاع لرأى المصريين حول محاكمة الإخوان العسكرية وكانت نتيجة الاستطلاع 67% يرون أنها محاكمه ظالمة و 15% شايفين إنها صحيحة وبقيت ال100 واضح أنهم مش بيتكلموا في السياسة وطبعا طبعا أنا من اللي مبيتكلموش في السياسة.
· عجوز من الأقصر تقول لنواب الشعب أنا وعيالي مكلناش لحمه من 3 شهور وطبعا طبعا أكيد النواب لو عملوا استجواب هيكون رد الحكومة إن اللحمة بتجيب نقرص وان هذه السيدة العجوز لا تدرى حجم المشاكل الصحية التي ستتعرض لها لو كلت لحمة وطبعا ده من منطلق حرص الحكومة على صحة عيالها المواطنين .
· انتحار مواطن بسبب الغلاء--- والراجل اللي انتحر كان سايب ورقة بيقول فيها أنا والله مش كافر بس اعمل أية مفيش فايدة ومفيش حل – الحقيقة مش عارف ادعيلوا بالرحمة ولا اعمل أية والبركة فى سياسة الخصخصة والنص فى ال % والحكومة الديجيتال والأفكار البناءة اللي إحنا الشعب الشريرين الوحشين الجاحدين مش قادرين نفهمها عشان إحنا متخلفين .
· سكتات مرورية فى القاهرة والجيزة – زمان كان بيقولك اللى بنى مصر كان حلوانى وانا رأى انه كان فكهانى لانه الحقيقة خطط للمستقبل بثقافة البرقوق والمشمش وطبعا البركة فى الحكومات المتاعقبة اللى أقامت شبكات طرق الحقيقة تفرح وكل متتزنق...... لالا مش تقلع زى المسرحية تبنى كوبرى تفحتلها نفق اضيق من الانبوبة – دة بالاضافة للريادة المصرية فى اشارات المرور وخاصة عسكرى المرور اللى دخل المتحف فى كل دول العالم اللا فى مصر والحقيقة دى مش مشكلة دولة بس دى مشكلة شعب ماشى بمبدأ البوز بيز .
v اللى مش عاااادى
· حادث مرورى راح ضحيتة 23 بنى ادم دة غير الاصابات معظمهم من مجندى الامن المركزى وسيادة وزير الداخلية طالب بفتح تحقيق واصدر قرار بترقية أسماء الشهداء—دة تصرف طبيعى بس افتكر ان الولاد اللى ماتو ميفرقش معاهم لوحة شرف ولا رتبة زيادة ولا كام مالطوش اهاليهم هيخدوهم دول بنى ادمين ماااتوا واحد يقولى دة امر ربنا انت هتفكر يا سيد ---اقولة لا يا حبيبى مش هكفر بس دم الولاد دول فى رقبة مين لا حول ولا قوة الا باللة انا للة وانا الية راجعون.
· سيادة الرئيس فى اجتماعة الاخير برئيس الحكومة والوزراء المعنيين بأزمة الخبز قال اللى نفسنا نقولة بعد الدباجة وعرض الوزراء للأمر والمبررات وغيرة جبهالهم على بلاطة المشكلة مشكلة إدارة ورقابة ومحاسبة ثم أكمل سيادته وأنهى على هذا الأمر بقولة لن اسمح بالحجج والجيش والشرطة سينهيان أزمة رغيف الخبز دة طبعا بعد تفاصيل كتير بس افتكر بعد تصريح قوى زى دة صادر عن رئيس الجمهورية الحكومة هتقب وتغطس وتحل الموضوع ورحمة اللة على شهداء طوابير الخبز ومنهم لله اللى فى بالى.
· زيادة مرتبات ومكافئات أعضاء هيئة التدريس من أول يوليو—في الأول محدش هيزيد وبعدين قانون معجبش أساتذة الجامعة وخناقات ومشاكل وتصريحات وفى الأخر الوزير المسئول صرح أنهم هيزيدوا يعنى صورة بالكربون من كل مشكلة بتحصل نتيجة لمطالبات الناس بزيادة رواتبها طب مممن الأول نريح الناس ومنغير ميطلبوا خلاص عرفنا واقتنعنا ان بعض زيادات الأسعار الحالية زيادة عالمية على الكل يبقى الحكومة من نفسها ترفع الرواتب بدل العطلة والقيل والقال وهى تيجى بجميلة والشعب هيشيلهالكم ويفتكركم بالخير لما تبقوا حكومة سابقه عن قريب بأذن الله.
· السفينة بدر اختفت السفينة بدر لقيوها السفينة بدر فص ملح ودابت هى مين السفينة بدر حاجة يعنى ولا فى الاحلام--- يعنى اية ؟؟؟ سفينة ليها خط ملاحى معين وبعد كل التطور اللى احنا فية دة وأقمار صناعية ورادارات وحورات وفى الاخر سفينه مش عارفين عنها حاجة بقالنا قرن وعلى رأى احد نواب المستقلين لوزير النقل هى السفينة بدر دى ابره مش عارفين تلاقوها وكان رد السيد الوزير ومازال البحث مستمر – لا تعليق
· حامد يبيع كبده ويتاجر في أعضاءه لسرعة إنقاذ ابنه المريض وتوفير تكاليف جراحة مهمة له لكن ربنا اختار الطفل واسترد وديعته لكن حامد كان باع كبده خلاص لمافيا تجارة الأعضاء – دى حدوتة مواطن مصري سواق أتوبيس قصته متختلفش كتير عن ملايين القصص اللي بيعشها المواطن المصري رحمة الله على الطفل والبقاء لله في الرحمة والإنسانية وعظم الله أجركم في كرامة المواطن المصري .
v أما براوة
· شرف إمام سلامة دة اسم واحد حب يكون شخص مختلف عنده 31 سنه خريج كلية العلوم دفعة 99 من جامعة الأزهر قسم مايكرو بيولوجي ساب وظيفته الحكومية وقرر انه يشتغل حر واشتغل في مضمار عجيب جدا في الزبالة ايون في الزبالة وقام بجمع الزبالة من القرى ومن كل مكان ثم أعاد تدويرها وبيعها وظل على هذا الحال حتى وصل أن أصبح أشهر زبال في مصر ومكسبه السنوي مليون جنية وقام بتشغيل المئات من الشباب وادخل العلم في الزبالة فاكتسب احترامنا جميعا وكسر الحاجز النفسي الذي يجعلنا ننظر بنظرة دونيه لتلك المهن ومش عارف أقول حاجة ولا أوصف جرأته ونجاحه بغير أما براوة يا شرف .
v أما عجايب
مفتى الجمهورية ((الله يتولى الدفاع عن الرسول الكريم وليس مطلوب من المسلمين الدفاع عنه)) انا مش عارف بصراحة أقول أية ولا عارف سيادته كل شوية ينام ويصحى يطلعلنا بفتوى ولا برأي جديد بيجبهم منين دول مش عارف بس على كده أيام الهجرة والحروب والغزوات المسلمين اللي ماتوا وهما بيحموا الرسول راحوا فطيس مهو مكنش المفروض يحموه ربنا كان هيحمية ورباعيتة الشريفة التي كسرت أشاعه هتتكسر ازاى ما ربنا حاميه – وبالقياس يبقى احنا بقى الرسول يتشتم والدين يهان وإحنا نقول وإحنا مالنا ربنا هيحمى الرسول والدين وهيخسف بيهم الارض واحنا بنتفرج على الكفره الوحشيين ولما أموت بقى وربنا يسالنى مين رسولك اقولة محمد يقولى ومدافعتش عنه ليه فى العصر بتاعك أقول لرب العزة أصل المفتى قالي كده بجد أما عجايب .
النســــــــــــــاج
=================
اخبار بلدنا 27-مارس
طبعا يااخونا احنا عارفين ان الحديد غلب الطماطم وبدل مكنا بنقول مجنونه يا أوطة بقينا نقول جنان يا حديد وسعر الطن بقى 5600 جند حبة فوق حبة تحت مش مشكله وشبعنا تحليلات لاسباب الارتفاع مع ان السبب واضح ويسد عين السمس بس ماعلينا فى خبر جديد صادر عن حركة مواطنون ضد الغلاء بيقول ان فى شركات عالمية تعرض توريد حديد التسليح لمصر بسعر 3200 جنية للطن وانا متاكد انه صحيح لان اسعار الحديد فى بلدنا فلكية بس احب اقول بكل ثقة انه فى المشمش لو دخل سمسون اه سورى طن حديد واحد من بره .
فى خبر الحقيقة مفرح اول ما يتقرى بس لما تكملة تفهم انه مش ليك بيقول اية (انخفاض الاسعار العالمية للقمح والسكر)) وفى اخر الخبر مكتوب والسوق المصرى ينتظر يعنى حتى اللى كتب الخبر جه فى الاخر وتدارك المسأله لانه عارف اللى فيها ان اللى بيعلى فى بلدنا على رئى عبدالفتاح القصرى لاممكن ينزل الارض ابدااا.
السيد وزير التضامن الاجتماعى اعلن ان فى قروض عشان الشباب يتجوز بدون فوائد بقيمة 35 مليون جنية العام دة وافتكر انه خبر يهم كل شباب مصر اللى زى حلاتى ولو انى مش هفكر اروح اخد القرض ومش عارف لية بس اهو مش هروح بس دة ميمنعش انه خبر كويس وتصرف حميد من الحكومة بس ياسلام لو يبحبحوا اديهم شوية دة المعنسيين كتير .
تقول دراسة: انه تم احالة 54 الف مهندس بالاحياء الى النيابة خلال العامين بتهمة الفساد انا بكتب الخبر دة الحقيقة لان المهندسين دول مننا من الشعب يعنى من المواطنين يعنى المواطنين بينصبوا على المواطنين يعنى الشعب بيمص دم بعضة واى كانت الاسباب والمبررات اللى بتتقال عمرها متبقى سبب لانحراف وياريت بقى نصلح نفسنا بدل منقعد نهاجم فى الحكومة بس اذا كان الشعب بالدف ضارب يبقى لماذا لا ترقص الحكومات.
فى قرية اسمها كفر العلو دى قرية فى حلوان الحكومة راحت هدمت منازلهم وشردتهم فى الشوارع بحجة اقامة مشروع محطة مياة باى منطق احنا بنفكر عشان نحل مشكلة خلقنا مشكلة انقح من اللى قبلها عشان نبنى محطة ميه شردنا ناس فى الشوارع انا مش عارف اللى بياخد القرارات دى بيفكر بصباع رجلة الكبير ولا بمخة الحقيقة.
وافق الدكتور نضيف على تنفيذ برنامج لتحسين اوضاع الاطباء ماديا ومهنيا بالاشتراك بين نقابة الاطباء ووزارة الصحه طبعا دة خبر كويس ومش هقعد بقى اقول مكان من الاول لا كويس اوى انننا بنصلح أخطائنا وعقبال كل الفئات عشان تتناسب الاجور مع زيادة الاسعار وياريت القرار يدخل حيز التنفيذ وميتهوش فى زحمة الادراج والروتين .
هدد الدكتور فتحى سرور اللى هو رئيس مجلش الشعب بتأجيل جلسات المجلس لاجل غير مسمى ودة كان نتيجة لتاخر اعضاء الحزب الوطنى اللى هما الاغلبية عن الجلسات دة غير اللى مبيجوش اصلا وحذر بأنه سوف يعلن للشعب ان نواب الشعب لا يحضرون الجلسات طبعا الخبر دة مش عجيب ولا جديد دة معروف دة حتى الولا ميدو بن الجيران عارفه والبركة فى اللى بيدى صوته لواحد لايستحق عشان كيلو سكر ولا حته بخمسن وبتقولوا هو مجلس الشعب فين نسأل نفسنا الاول احنا فين.
عرض شيخ الازهر لقاء النائب الهولندى المعادى للاسلام والذى يروج لفيلم يسىء للاسلام والقرءان وذلك ليشرح له حقيقة الدين الاسلامى طبعا دة تصرف متسامح من شيخ الازهر ورغم اختلافى تماما مع افكار سيادته وفتاوية ولكن هذا تصرف يحمد عليه ويستحق الثناء وان كان لن يجدى بس المحاوله تضع هذا الهولندى فى مأزق على الاقل .
ولازم يبقى فى خبر يحرق الدم
مقتل شخص واصابة اثنان من المصريين برصاص طاقم سفينة امريكية اثناء مرورها بقناة السويس – الحكاية ان فى سفينة تجارية تحمل معدات عسكرية امريكية داخلة القناة اللى هى فى مصر وكعادة مراكب البمبوطية بتقترب من السفن لبيع بعض المواد والهدايا للبحارة كتذكار يعنى ناس بتسترزق بعلم ادارة القناه احد اللنشات قرب من السفينة هب الدنيا اتقلبت وضرب نار وطلقات كاشفة فى السما وكأن حرب السويس التانية اشتغلت المهم فى الاخر واحد مصرى مات و2 اتصابوا الامريكان يقلولك احنا حذرنا ومسمعوش الكلام وشهود عيان يقلولك لا محصلش ودم الناس راح فطيس انا مش هتكلم كتير لو سفينة مصرية بتمر فى ميناء او قناة امريكية وواحد رفع شماعة مش بعيد السفينة باللى فيها يروح جوانتانمو لكن سفينة امريكية بتعدى فى مصر تضرب نار داخل مياة واراضى مصرية مش بعيد نطلع بيان نعتذر فية ياحرقة دمى عليكى يا مصر .
واخيرا وليس اخرا مصر هتفضل غاليه عليا
النساج
فى خبر الحقيقة مفرح اول ما يتقرى بس لما تكملة تفهم انه مش ليك بيقول اية (انخفاض الاسعار العالمية للقمح والسكر)) وفى اخر الخبر مكتوب والسوق المصرى ينتظر يعنى حتى اللى كتب الخبر جه فى الاخر وتدارك المسأله لانه عارف اللى فيها ان اللى بيعلى فى بلدنا على رئى عبدالفتاح القصرى لاممكن ينزل الارض ابدااا.
السيد وزير التضامن الاجتماعى اعلن ان فى قروض عشان الشباب يتجوز بدون فوائد بقيمة 35 مليون جنية العام دة وافتكر انه خبر يهم كل شباب مصر اللى زى حلاتى ولو انى مش هفكر اروح اخد القرض ومش عارف لية بس اهو مش هروح بس دة ميمنعش انه خبر كويس وتصرف حميد من الحكومة بس ياسلام لو يبحبحوا اديهم شوية دة المعنسيين كتير .
تقول دراسة: انه تم احالة 54 الف مهندس بالاحياء الى النيابة خلال العامين بتهمة الفساد انا بكتب الخبر دة الحقيقة لان المهندسين دول مننا من الشعب يعنى من المواطنين يعنى المواطنين بينصبوا على المواطنين يعنى الشعب بيمص دم بعضة واى كانت الاسباب والمبررات اللى بتتقال عمرها متبقى سبب لانحراف وياريت بقى نصلح نفسنا بدل منقعد نهاجم فى الحكومة بس اذا كان الشعب بالدف ضارب يبقى لماذا لا ترقص الحكومات.
فى قرية اسمها كفر العلو دى قرية فى حلوان الحكومة راحت هدمت منازلهم وشردتهم فى الشوارع بحجة اقامة مشروع محطة مياة باى منطق احنا بنفكر عشان نحل مشكلة خلقنا مشكلة انقح من اللى قبلها عشان نبنى محطة ميه شردنا ناس فى الشوارع انا مش عارف اللى بياخد القرارات دى بيفكر بصباع رجلة الكبير ولا بمخة الحقيقة.
وافق الدكتور نضيف على تنفيذ برنامج لتحسين اوضاع الاطباء ماديا ومهنيا بالاشتراك بين نقابة الاطباء ووزارة الصحه طبعا دة خبر كويس ومش هقعد بقى اقول مكان من الاول لا كويس اوى انننا بنصلح أخطائنا وعقبال كل الفئات عشان تتناسب الاجور مع زيادة الاسعار وياريت القرار يدخل حيز التنفيذ وميتهوش فى زحمة الادراج والروتين .
هدد الدكتور فتحى سرور اللى هو رئيس مجلش الشعب بتأجيل جلسات المجلس لاجل غير مسمى ودة كان نتيجة لتاخر اعضاء الحزب الوطنى اللى هما الاغلبية عن الجلسات دة غير اللى مبيجوش اصلا وحذر بأنه سوف يعلن للشعب ان نواب الشعب لا يحضرون الجلسات طبعا الخبر دة مش عجيب ولا جديد دة معروف دة حتى الولا ميدو بن الجيران عارفه والبركة فى اللى بيدى صوته لواحد لايستحق عشان كيلو سكر ولا حته بخمسن وبتقولوا هو مجلس الشعب فين نسأل نفسنا الاول احنا فين.
عرض شيخ الازهر لقاء النائب الهولندى المعادى للاسلام والذى يروج لفيلم يسىء للاسلام والقرءان وذلك ليشرح له حقيقة الدين الاسلامى طبعا دة تصرف متسامح من شيخ الازهر ورغم اختلافى تماما مع افكار سيادته وفتاوية ولكن هذا تصرف يحمد عليه ويستحق الثناء وان كان لن يجدى بس المحاوله تضع هذا الهولندى فى مأزق على الاقل .
ولازم يبقى فى خبر يحرق الدم
مقتل شخص واصابة اثنان من المصريين برصاص طاقم سفينة امريكية اثناء مرورها بقناة السويس – الحكاية ان فى سفينة تجارية تحمل معدات عسكرية امريكية داخلة القناة اللى هى فى مصر وكعادة مراكب البمبوطية بتقترب من السفن لبيع بعض المواد والهدايا للبحارة كتذكار يعنى ناس بتسترزق بعلم ادارة القناه احد اللنشات قرب من السفينة هب الدنيا اتقلبت وضرب نار وطلقات كاشفة فى السما وكأن حرب السويس التانية اشتغلت المهم فى الاخر واحد مصرى مات و2 اتصابوا الامريكان يقلولك احنا حذرنا ومسمعوش الكلام وشهود عيان يقلولك لا محصلش ودم الناس راح فطيس انا مش هتكلم كتير لو سفينة مصرية بتمر فى ميناء او قناة امريكية وواحد رفع شماعة مش بعيد السفينة باللى فيها يروح جوانتانمو لكن سفينة امريكية بتعدى فى مصر تضرب نار داخل مياة واراضى مصرية مش بعيد نطلع بيان نعتذر فية ياحرقة دمى عليكى يا مصر .
واخيرا وليس اخرا مصر هتفضل غاليه عليا
النساج
ليست هناك تعليقات:
إرسال تعليق