الثلاثاء، ديسمبر 16، 2008

شعبولا وبوش والجزمه


خلاص مالكش لازمة يا بوش يابن اللذينا تستاهل الف جزمة عاللي انت عملته فينا

وجه اليوم يا واطي ووشك اتفضح وشافوك الناس مطاطي من جزمتين شبح

الجزمة كانت مفاجأة كمان زي الزيارة والدنيا بحالها فرحت والناس فضلت سهارى

يا قلوب كتير حزينة قومي يلا ابتسمي شوفي بوش وهو خايف والجزمة بتترمي

بصراحة ماقدرش اغشك واقولك زعلت عليك يا ريتها جت في وشك وخزقت عينيك

صدام اللي انت دبحته في اول يوم العيد اهو ربك خد بتاره وفي نفس المواعيد

تحية عشان منتظر وتحية لجزمته فرحنا كتير في بوش في اخر خدمته

بجزمتين في وشك هاتسيب امريكا على نارك ويا عيني مش هاتلحق يا بوش تاخد بتارك

في ناس كتير بسببك في الدنيا متبهدلة بتقول يا ريتها كانت صاروخ او قنبلة

العالم كله شافك وبالسعادة حس الجزمة زي الكورة وداخلة في المقص

مليون شهيد واكتر في الجنة فرحانين ربك كبير وقادر يهد المتفرعنين

ضيعت شعوب كتيرة من هنا ومن هنا ومش خسارة فيك جزمة معفنة

وايييييييييييييييييييه

الاثنين، ديسمبر 15، 2008

جزمة فى الكلوب



الاثنين 15 ديسمبر كان بوش على موعد مع هدية الوداع فقد بدا عصره ب11 سبتمبر وانتهى فى 15 ديسمبر زى انهارده من كل سنه هنفتكر منتظر الذيدى الشاب العربى العراقى حينما وقف امام راس الارهاب فى العالم بكل قوته وجبروته محاطا بذبانيته من المنافقين والخونه العراقيين و من جيشه المتعجرف ليعلنها قوية وصريحه هذه هديتك وهذا مقامك يا بوش من الامة كلها ويباغته بجزمتين ارض جو

لتخرج من حناجرنا وقلوبنا عبارة واحده وجون وجون وجون هو صحيح بوش استخبى زى الفراخ وصحيح نور المالكى كان بيشتغلوا حارس مرمى لكن الرساله وصلت والاهانه رسخت والعالم كله شاهد وتابع شجاعة هذا الشاب .

اعتقد ان لو بوش كان انضرب بالنار كان اشرفله لكن لانه راجل خسيس فانضرب بالجزمه ، ومع الاعتذار لشبشب شجرة الدر اللى انضربت بيه لحد ممامت جت جزمة منتظر الذيدى لتحل محلك فى التاريخ وعلى الرغم ان الجزمه لم تقتل احدا ولكنها قتلت الغرور الامريكى دبحت بسكينه بارده تعجرف بوش وكرامته.

ولقد تسابق الخونه بدا من رئيسهم نور المالكى مرورا بالامن انتهاء ببعض الصحفيين والاعلام المأجورين لتقديم الاعتذار ولكنها لم تفلح حتى محاولة بوش للتقليل من الامر لم تفلح ولن تفلح.
ولن اجد كلمات اقولها لهذا الشاب سوى ( سلمة يمينك يا ذيدى يا رمز كل فتى عربى ) من مصر نحييك ومن قلوبنا نعتز بيك ومن اعماقنا نتمنى ان نفديك


ال ن ســــــــــــاج

من منتظر الزيدى للعم بوش عيد سعيد وهديتك جزمه


الاثنين 15 ديسمبر كان بوش على موعد مع هدية الوداع فقد بدا عصره ب11 سبتمبر وانتهى فى 15 ديسمبر زى انهارده من كل سنه هنفتكر منتظر الزيدى الشاب العربى العراقى حينما وقف امام راس الارهاب فى العالم بكل قوته وجبروته محاطا بذبانيته من المنافقين والخونه العراقيين و من جيشه المتعجرف ليعلنها قوية وصريحه هذه هديتك وهذا مقامك يا بوش من الامة كلها ويباغته بجزمتين ارض جو

لتخرج من حناجرنا وقلوبنا عبارة واحده وجون وجون وجون هو صحيح بوش استخبى زى الفراخ وصحيح نور المالكى كان بيشتغلوا حارس مرمى لكن الرساله وصلت والاهانه رسخت والعالم كله شاهد وتابع شجاعة هذا الشاب .

اعتقد ان لو بوش كان انضرب بالنار كان اشرفله لكن لانه راجل خسيس فانضرب بالجزمه ، ومع الاعتذار لشبشب شجرة الدر اللى انضربت بيه لحد ممامت جت جزمة منتظر الذيدى لتحل محلك فى التاريخ وعلى الرغم ان الجزمه لم تقتل احدا ولكنها قتلت الغرور الامريكى دبحت بسكينه بارده تعجرف بوش وكرامته.

ولقد تسابق الخونه بدا من رئيسهم نور المالكى مرورا بالامن انتهاء ببعض الصحفيين والاعلام المأجورين لتقديم الاعتذار ولكنها لم تفلح حتى محاولة بوش للتقليل من الامر لم تفلح ولن تفلح.
ولن اجد كلمات اقولها لهذا الشاب سوى ( سلمة يمينك يا ذيدى يا رمز كل فتى عربى ) من مصر نحييك ومن قلوبنا نعتز بيك ومن اعماقنا نتمنى ان نفديك
ال ن ســــــــــــاج

الخميس، ديسمبر 11، 2008

اخبار بلدن اليومين اللى فاتو-11 ديسمبر 2008

تحرۥش... تحرۥش... تحرۥش
=================

50 حالة تحرش في وسط البلد بس أول يوم العيد دول اللي تمسكوا يعنى لو قلنا الكروديات اللي بيتمسكوا 20% يبقى كام حالة حصلت ؟؟؟؟ وخلى بالكم ده في وسط البلد بس يعنى لا قولنا المشمهندسين ولا حلوان ولا مدينة نصر – مدينة نصر دى مدينة نصر دى عايزه عداد الكتروني لوحده عشان يعد الحالات.

ومازلنا مع سمة العصر ولغة حوار هذا الجيل مع التحرش ضبط 137 حالة فى وسط البلد بردة بس تانى يوم العيد واضح إن مفيش فايده

سؤال العيد : متى يتدخل الرئيس مبارك لحل أزمة الطبيبين في السعودية؟؟؟؟؟

السعودية أهدت لمصر عبارتين واحده اسمها الرياض والتانيه اسمها القاهرة هديه للشعب المصري ولنقل الحجاج والمعتمرين ودول اتعملوا على احدث صاحية واتكلفوا 90 مليون دولار والأسبوع اللي فاتت سافر الريس وقام بتدشين العبارتين مع العاهل السعودي طبعا تحيه واجبه مننا للمملكة على الهدية القيمة دى ومقبولة وعقبال المعتقلين.

إسرائيل عملت تصرف غريب من وجهة نظر الناس المحترمة لكن مش غريب أبدا على الصهاينة عملت أيه بقى عملت مزاد وباعت الهدايا اللي كانت بتيجى للحكومات الإسرائيلية من شخصيات عربيه وبعض الهدايا شالت أسامي الناس اللي أهدوها طبعا عشان ميتفضحوش وفى ناس مفضوحين أصلا فماشالوش اسأميهم .

أشهر ناشر مصري في النص قرن اللي فات في ذمة الله الحاج محمد مدبولى نسأل الله له المغفرة .

الأمن بتاعنا الهمام مازال يشارك في حصار غزه ويمنع القافلة الثالثة ويتعدى على المعارضين والصحفيين وسلملى على أحكام القضاء والحق الدستوري والنخوة العربية.

شاب كان بيحلم بالسفر قام واحد سمسار قاله هسفرك يا غالى بس تعالى نعملك شوية تحاليل وفحوصات خدوا مستشفى شهير بالدقي الولا نام وصحي لاقاهم واخدين الكليه بتاعته على طريقة فيلم الحقووووناااا للفنان نور الشريف مافيا تجارة الأعضاء شغاله زى السلاموا عليكم .

سمعنا من فترة إن شيخ مشايخ الطرق الصوفية مات الله يرحمه وسمعنا إنهم انتخبوا واحد وبعدين رجعوا في كلامهم والموضوع كبر وقضايا وتوكيلات وحملات وحاجة تكسف انا مش فاهم الناس بقت ميته على الدنيا وفرحانه بالمسميات أوى كده ليه وبعدين دول المفروض عالم بتوع آخره ودين ولا أنا غلطان ولا مش فاهم ولا أيه ؟؟ ولا هى كلها وشوش بلاستك .

رجال دين بيقولولك الحج الفاخر تجارة وليس عبادة وأنا متفق تماما بس أنا بشوف رجال دين بيحجوا فاخر برده .

الدبلوماسيين المصريون من أسوأ المخالفين لقواعد المرور فى لندن وده اكيد طبعا الناس اللى تربت على مرور القاهرة ومبدأ البوز بيز ااكيد هيبقوا مخالفين في أي مكان في العالم .

خبر خلانى افتكر أفلام زمان لما كانت جدتك تديك قرش وتقولك روح جيب حلبسه يا توفيق ورجع بيا الزمن لأيام الشلن والبريزة والريال والربع جنيا المخروم اللي كان صيحه لانى عرفت انه تم طرح 115 مليون جنيه من العملات المعدنية فئة الجنيه والنص جنيه آه الجنيه بقى عمله معدنيه بقى زى القرش بتاع ستى وستك .

عادة انا مش بحب أخوض في حوارات الحوادث والقضايا لانى بشوف انها حالات فرديه ممكن الناس تحب ترغى فيها وودور عليها لكن الأخبار بتبقى غير دقيقة والحقيقة بتبقى على غير المتداول وعشان كده مكتبتش عن مقتل البنتين بتوع الشيخ زايد .

وانهاردة بكتب عشان احط خبر واحد( الطب الشرعى يكشف عن عذرية نادين وعدم وجود اى اثار لتعاطى المخدرات )) وأقول إنا لله وإنا إليه راجعون وأتمنى أن يكون ظلم البنت والخوض في عرضها وشرفها وعرض وشرف أهلها في ميزان حسناتها .

طبعا كنت أتعرضت لموضوع النقد الغير الموضوعي لشيخ الأزهر الأسبوع اللي فاتت واللي مازلت مقتنع بيه لكن يظهر إن شيخ الأزهر أعصابه بتنفلت بسرعه عشان كده صرح تصريحات أدب الحوار مع او عن العلماء يجعلني أقول له عفوا مولانا الإمام هذا تصريح لا يصدر عن شيخ للأزهر وهسبكوا مع الحوار


· عفوا مولانا الإمام هذا الكلام لا يصدر عن شيخ للأزهر
http://www.almasry-alyoum.com/article2.aspx?ArticleID=189426&IssueID=1247


======================
وأيضا مع بعض التقارير المهمة
· كوسه...كوسه
http://www.almasry-alyoum.com/article2.aspx?ArticleID=189198&IssueID=1245

· حكاوي المصريون العائدون من بانكوك
http://www.almasry-alyoum.com/article2.aspx?ArticleID=189573&IssueID=1248

· زينب لسه عندها أمل ( لمن لا يعرفون معنى الرضا والقناعة)ء
http://www.almasry-alyoum.com/article2.aspx?ArticleID=189838&IssueID=1250

هذا النقد لأنفسنا قبل أن يكون لغيرنا وهو لمسئولين وليس لأشخاص فلا يزايد احد على حب مصر فكلنا نحبها وكم نتمنى أن تكون كل أخبارنا بعنوان أما براوه وكم نحن حريصون على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.
وأخيرا وليس أخرا مصر هـــ تفضل غاليه علينا .
ال ن ســـــــــــــاج

الخميس، ديسمبر 04، 2008

اخبار بلدنا اليومين اللى فاتوا- 04 ديسمبر 2008

من المحاصر غزه أم إرادة الشعب المصري ؟؟؟

· (( حصار غزه )) هل هو حصار لشعب أعزل شقيق ام حصار لإرادة الشعب المصررى؟؟ - الكلمه دى إدانه لمصر قبل ما تكون إدانه للصهاينه معنى كلمة حصار ان مفيش منفذ يعنى الصهاينه من ناحية ومصر من ناحيه ولا حد يقولى انت غلطان !!!!

· لما تكون قطعه عربيه مفيهاش اكل ومفيهاش مياه ومفيهاش وقود ومفيهاش كهرباء ومفيهاش ضحكه شعب كامل لا يستطيع الابتسام واحنا بنتفرج لتصفية حسابات سياسيه واسقاط قوى معينه يبقى احنا مهرجين ومش هرغى فى حوار ان التاريخ لن يغفر ولن يسامح ده كله كلام مالوش قيمه عند البعض لكن الله لن يغفر ولن يسامح واعتقد ان المبررات السخيفه والكلام الاستهلاكى مش هينفع قدام ربنا هتضحكوا على مين ؟؟ .

· مصر من اسوان لاسكندريه خرجت فى مظاهرات تندد بالحصار فهل من مستمع ؟؟؟ ولا البلد دى بتاعت مين بالظبط .

· شيخ الازهر سافر لمؤتمر دولى للحوار حاجة تبع الاممم المتحده فى نيويورك فجاءه لاقى فى وشه واحد بيسلم عليه راح مسلم طلع بعد كده انه رئيس الصهاينه قامت الدنيا ومقعدتش على شيخ الازهر بصوره افقدت فكرة النقد موضوعيتها الحقيقه لان اى واحد فى الموقف ده بالصوره دى هيسلم .

· شيخ الازهر قال انه فوجىء بالشخص بيسلم وانا معاه ومصدقه وقال انه اصلا ميعرفش دة مين وميعرفش انه شيمون بيريز انا بقى فى دى مش معاك واسعه شويه والفار اياه اللى بيلعب فى عبى مصدقش لكن بالنسبه للهجوم على شيخ الازهر بالصورة دى شىء مخجل الحقيقه فى اوضاع كتير فى حياتنا تستاهل الهجوم بضراوه اكتر من الموضوع ده وبلاش نبقى طبالين فى زفه .

· مرشد الاخوان صرح وقال ان الاخوان معندهمش مانع ان جمال مبارك يترشح للرئاسه بشرط ان يغادر والده السلطه اولا - مش فاهم الحقيقه ايه مغزى التصريح ده فى التوقيت ده لان تفكيرى محدود الحقيقه بس الايام مفيش اقرب منها ومسيرنا نعرف ده تصريح عادى ولا ورااه إإإنه .

· لجنة الدفاع والامن القومى فى مجلس الشعب سافرت سيناء وقعدت مع البدو هب اللجنه مشيت من هنا الامن قام واخد الاهالى وقبض عليهم وكيل لجنة الدفاع امين راضى قدم احتجاج والراجل شايف ان دى اهانه للمجلس ولــ اللجنه وبتفقد البرلمان مصداقيته مع المواطنين انا مش عارف مين اللى بياخد القرارات العجيبه دى وكل ما نتقدم خطوه لقدام نرجع عشره لورا.

· طبعا كلنا نسمع عن مؤسسة روزاليوسف رئيس تحرير الجريده يظهر انه شخص قليل الادراك وده لفظ مهذب -عشان يجامل السلطه قام كاتب مقال بيخوض فيه فى عفة سيده وشرفها لمجرد انها زوجة رجل معارض وهى السيدة جميله اسماعيل زوجة ايمن نور افتكر ان عقوبة قذف المحصنات لو بنطبق القوانين السماويه مش الوضعيه كانت تخلى امثال هذا المنافق يفكر الف مره قبل ان يكتب تلك التفاهات .

· فى مؤتمر للحركات التحرريه كان هيعقد فى نيويورك قاموا وجهوا دعوه لواحد من الداعيين لاضراب 6 ابريل الراجل وافق وراح المطار وخلص اجرءاته وفوجىء بعد كده بمنعه من السفر ليه منعرفش طبعا ليه معروفه بس ااقصد ايه السند القانونى طبعا مفيش وسلملى على الدستور وسيادة القانون .

· كاتب امريكى بجح بجريدة اسمها وول ستريت جورنال ودى جريده امريكاوى دعا المجتمع الغربى لنبذ الصحفيين المصريين عشان بيكرهوا اليهود ومفتريين وشريرين وبيخترعوا اكاذيب عن اليهود على الرغم ان اليهود دول حلويين خالص وكمال خالص شوفتوش انكت من كده يااخونا هو الضغط جالنا من قليل .

· فى منطقه اسمها طوسون فى اسكندريه طردوا الاهالى منها ليه بقى عشان يضموها لنادى يعنى ناس بقت فى الشارع عشان حتة نادى كبر ولا صغر مجرد شىء ترفيهى ثانوى لكن بما انننا ناس منعرفش ايه اولوياتنا وبما اننا فى مصر يبقى ليه نستغرب وحلال على نادى الاتحاد ونائب الشعب محمد مصيلحى حتة الارض .

· وزير الصحة راح زيارة مفاجئة لمستشفى حلوان فوجىء بوكيل وزارة الصحه بالمحافظة بيستقبله قاله اتفضل امشى وروح شوف شغلك وبلغ المحافظ ان القمامه حوالين المستشفى فضيحه وبعد جوله كافىء فيها ناس وعاقب ناس انا بحى الوزير ده واما براوه .

· نقيب مرور محترم رفض رشوه شهريه وبصفه منتظمه ااضعاف مرتبه فى مقابل ان يقوم بتسهيل حركة سيارات تابعه لمؤسسة نقل جماعى اما براوه وده مش غريب على الناس اللى بضحى بحياتها عشانا مش هضحى بشوية فلوس الغريب هو العكس على فكرة محافظ القاهرة كرم النقيب .


هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم نتمنى ان تكون كل اخبارنا بعنوان اما براوه وكم نحن حريصون على الارتقاء بلغة الحوار والنقد حتى نكون موضوعييون فأختلافنا هدفه التكامل وليس التضاد.

واخيرا وليس أخرا مصر هتفضل غاليه علينا .

السبت، نوفمبر 29، 2008

الجزء السادس مين اللى سرق بحسن ؟؟؟

-6-

حينما دلف الرائد سعد النمر الى الغرفة واغلق الباب خلفه والتفت ليرى مستقبليه فوجىء بما لم يكن يتوقعه مما جعل جسدة ينتصب بقوة ويرفع يده مؤديا التحيه العسكريه وهو يقول : ( تمام ياافندم)

فقد كان يجلس فى الغرفه خمسة اشخاص يعرف منهم سعد أربعه والاخير لم يره من قبل الا ان هيئته ونظراته تدل على انه شخصيه مهمه فقد كان فى الغرفه وزير الداخليه ومدير مباحث امن الدوله ومدير مباحث مكافحة المخدرات واللواء عزمى صادق مساعد وزير الداخليه ومدير الامن العام .

بادره وزير الداخليه فى جديه وحزم قائلا : (( اتفضل يا سعد ))

فاقترب سعد من الحاضرين فقال رئيس مباحث امن الدوله قائلا : (( سمعتك فى الوزارة ياسعد هى اللى رشحتك للمهمه دى ))

فاجاب سعد وهو مازال فى حالة استنفار جسدى وذهنى : (( ده شرف كبير ليا ياافندم ))

فقال له الرجل الذى لا يعرفه وقد كان يجلس فى طرف الغرفه وهو يتحرك نحوه ويمد يده ليصافحه : (( نسيم عبدالقادر من المخابرات العامه ))

فصافحة سعد فى شىء من الدهشه وهو يقول : (( اهلا ياافندم ))

وهنا اقترب الجميع من طاولة فى منتصف الغرفه وجلسوا وقال اللواء عزمى مخاطبا سعد: (( المهمه اللى انت هتكلف بيها خطيره وعلى قدر كبير من السريه واظن واضح ليك مدى اهميتها لدرجة ان السيد وزير الداخليه بنفسه موجود معانا ))

فأومأ سعد برأسه علامة الاستيعاب فاكمل عزمى : (( العمليه دى عملية مشتركة بين الداخليه والمخابرات لانها بتتم داخل مصر وخارجها فلازم تتعاون تماما مع العقيد نسيم عبدالقادر عشان نجاح المهمه ))

وهنا قال نسيم مخاطبا سعد : (( تسمع طبعا عن المافيا يا سيادة الرائد ))

فقال سعد فى دعابه : (( اه طبعا وشوفتهم فى افلام السيما الامريكانى )) قالها وهو يبتسم الا ان صرامة الوجوه من حوله جعلته يشعر بالحرج .

فقال نسيم فى هدوء: (( بس المرة دى مش هتشوفها فى السيما يا سعد المرة دى هتشوفهم بجد--- وفى الحقيقه مش لازم الخير ينتصر على الشر وكمان فى الحقيقة الغلطه .. ))



فقاطعه سعد : (( الغلطه بعمرى ))

فقال مدير مباحث امن الدوله : (( لا ياسيادة الرائد الغلطة بمستقبل مصر وأمنها بحياة الاف الابرياء ))

فأكمل نسيم : (( من حوالى سنه احد عملائنا فى الخارج اخبرنا عن عمليه اسمها سقوط القيصر هتتنفذ فى مصر ، العمليه دى عبارة عن مخطط كامل لتدمير مصر وهى عمليه غير عاديه فهى عملية طويلة الاجل مش محدد بزمن معين وبتتم بهدوء شديد وبحركات محسوبه ))

وسكت قليلا ليرى رد فعل سعد الذى كانت ملامحه تنم عن الانتباه الشديد فقال سعد وقد فطن لما يريده نسيم : (( يعنى نقدر نقول انها مخدرات على دعاره على ارهاب على فتنه طائفيه على تحرش جنسى على زرع جواسيس على تدمير المجتمع كله ))

فقال مدير مكافحة المخدرات بهدوء: (( بالظبط ))

فاكمل نسيم : (( وبعد جهد غير عادى قدرنا نوصل للجهات اللى ورا الموضوع وقدرنا نوصل للجهة اللى هتنفذ ))

فقاطعه سعد: (( معنى كده ان الممول للعمليه دى دوله وهتنفذها بايد المافيا عشان المسؤليه ؟؟؟))

فقال وزير الداخليه : (( مش دولة واحده دول 3 ورصدوا ميزانيات مفتوحه لسقوط القيصر او بمعنى ادق لسقوط مصر ولكن كالعادة بأدين قتله ومأجورين ومنظمات إجراميه عشان تبعد عنهم الشبهه تماما وكمان المسؤليه قدام المجتمع الدولى ))

فأومأ سعد براسه علامة الفهم فاكمل نسيم : (( باختصار يا سعد المافيا بدات عمليتها فى مصر من حوالى 6 شهور وكانت البدايه هى تجنيد كل اتباعهم فى مصر للعمليه دى))

واكمل : (( وزى معرفنا المهمه هتتم على مراحل الاولى نشر السموم والمخدرات فى المجتمع لتدمير العنصر البشرى وسهولة السيطرة عليه ومع انتشار الادمان هينهار الاقتصاد ويمكن السيطره على اعداد ضخمه لتنفيذ عمليات ارهابيه بايدى مصريه وزرع الفتنه الطائفيه وازدياد التحرش وعمليات السرقه بالاكراه بمعنى ادق مصر تصبح دوله غير امنه ))

فقال سعد : (( يعنى دمر اقتصاد داخلى ودمر السياحه ودمر القيم والاخلاق ودمر الانتماء ودمر الناس نفسهم يا نهار اسود دى مش هتبقى بلد ))

فقال الوزير : (( دمر القيصر عايزين يفقدوا مصر زعامتها ووزنها عايزين نسقط ونبقى اتباع ))

وهنا قال مدير المكافحه : (( فى الفترة اللى فاتت رصدنا دخول انواع جديدة من المخدرات وبكميات كبيرة وكان الغريب هى ان الانواع دى كانت اسعارها رخيصه جدا وبدا التجار والموزعين فى نشرها فى كل حته من اسوان لاسكندريه طبعا هما لسه تحت السيطرة وبيتحركوا بهدوء عشان كده احنا سايبنهم عشان نقدر نلم كل الفران فى مصيدة واحده ))

فقال سعد : (( طبعا مفهوم سيادتك ومفهوم ليه ابتدوا بالمخدرات عشان يسيطروا على العقول الاول وبعدين يبتدوا ينفذوا كل اللى هما عايزينه ))

فاجابه نسيم : (( بالظبط ))

فقال عزمى : (( ومن فترة جالنا شخص مديرية الامن وطلب مقابلة سيادة الوزير ورفض انه يتكلم مع اى حد وبالفعل قابله وكانت لدية معلومات عن الشبكة اللى جت مصر ))

فقال سعد متسائلا : (( عملية بالحجم ده مفتكرش ابدا ان هيبقى فيها هفوات الراجل ده عرف منين ؟؟))

فابتسم عزمى وهو يقول: (( لانه كان واحد منهم ))

ثم اكمل : (( ده رجل اعمال مصرى كان شغال فى غسيل الاموال ولان سكة ابوزيد كلها مسالك حاولوا يسيطروا عليه زى مسيطروا على غيرة من ضعاف النفوس بالتهديد بفضح نشاطه وفعلا فى البداية تجاوب لكن لما عرف المطلوب منه حس ان الموضوع رهيب وبدون تفسيرات منطقيه لاقى نفسة جاى وبيعترف بكل حاجه ))


فقال سعد : (( ممكن الواحد يغلط وممكن يقع مره لكن فى ناس مهما خدتهم الدنيا مش ممكن يدمروا بلدهم يدمروا نفسهم ممكن لكن مصر لا ))

فقال الوزير بهدوء: (( بالظبط ياا سعد ))

فاكمل مدير مباحث امن الدوله : (( وبالتنسيق مع المخابرات تم الاتفاق على الاستفادة منه للحصول منه على كل الخطط والمعلومات اللى هتتاح ليه وكمان الافراد اللى هيتعامل معاهم لان دول اللى هيعرفونا افراد الشبكة بالكامل وكان كل شىء على مايرام لحد من كام يوم ))

فقال سعد متسائلا : (( متقولوش ان ادهم اللى اتقتل فى مدينة نصر هو الشخص المقصود ))

فقال نسيم فى اسى : (( للاسف هو-- والمشكلة اننا لحد دلوقتى مش عارفين ازاى اتكشف وايه سبب قتله لانه لو كان انكشف كل خططنا هتبوظ لاننا هنفقد عنصر المفاجاه وممكن كل فراد الشبكة تتغير وساعتها هنبتدى من الصفر ))

فقال سعد مفكرا : (( طب ايه المطلوب منى ؟؟))

فقال نسيم : (( القضية هتتقفل مؤقتا وتقيد ضد مجهول وانت هتشتغل بواب ))

فقال سعد : (( ياريت توضحلى اكتر ))

فقال نسيم : (( هتشتغل بواب للعمارة اللى انقتل فيها ادهم وهتكون انت وحلقة الوصل اللى كان بيتعامل معاها ادهم عشان يوصلنا المعلومات فريق تحاولوا كشف سبب القتل بصورة غير رسميه لان ده مهم لينا جدا ))

فقال سعد مفكرا : (( يعنى انا مهمتى هى ليه الراجل ده اتقتل ومين اللى قتله ))

فقال نسيم : (( بالظبط بس لازم بصورة غير رسميه عشان يطمنوا ))

فقال سعد موافقا : (( طب مين الشخص اللى هيتعاون معايا او حلقة الوصل زى مبتقولوا ))

فجذب نسيم شنطة جليدة وفتحها واخرج ملف وقدمه الى سعد قائلا : (( هنا هتلاقى كل التفاصيل وطريقة التعارف وكل المعلومات اللى تهمك فى المرحلة دى ))


وهنا وقف وزير الداخليه فوقف الجميع واقترب من سعد وهو يصافحه ويشد على يديه : (( بالتوفيق المهمه دى مش مهمه جنائيه يا سعد المهمه دى فيها كرامة مصر ))

قالها وغادر الغرفه وخلفة الجميع الا سعد ونسيم الذى قال : (( حضرتك هتفضل هنا لحد متقرا كل كلمة فى الملف دة وبعد كده هنتناقش فى بالكامل )) ثم نظر فى ساعته وقال قدامك لحد الصبح لاننا ورانا واجب عزاء.

فقال سعد مندهشا : (( عزاء !!!))

فقال نسيم : (( فى المنصورة )) قالها وهو يغادر الغرفه ويغلق الباب خلفه فظل سعد ينظر الى الباب فترة ثم حرك رأسه بلا معنى وفتح الملف ليجد صورة ادهم القتيل وصورة اخرى مكتوب تحتها حلقة الوصل .

وقد كانت الصورة لشخص معروف لدينا جميعا .

******************************************

فى ظهر اليوم التالى كانت مدينة المنصورة قد خرجت على بكرة ابيها لتوديع شهداء الواجب وكان فى مقدمة المشيعين المحافظ ومندوب عن رئيس الجمهورية ووزير الداخليه واغلب القيادات الامنيه فى محافظة الدقهليه التى عاصمتها مدينة المنصورة وكان مشهد النعوش وهى محموله على الاعناق ملفوفه بعلم مصر مشهد تقشعر له الابدان وتدمى له القلوب وتزرف له العيون اخر قطراتها من الدمع فقد جف ونضب من هول الصدمه وكثرة البكاء

وكان فى مقدمة النعوش نعش الشهيد على السمرى ومن خلفه نعوش جنود الدفاع المدنى الذين استشهدوا اثناء محاولتهم انقاذ الضحايا المحبوسين داخل القطار .

وظلت النعوش تسير ومن خلفها الاف المشيعين حتى وصلت لمثواها الاخير ووقف بحسن واخوته ووالد الشهيد واقاربه امام المدفن واستقبلوا النعش ودلفوا به للداخل بعد جهد شاق من كثرة تدافع المشيعين مممن يريدون حملة ووداعه وهبط بحسن داخل المقبرة ونحى العلم ورفع الغطاء وكان جسد الشهيد مسجى فى كفنه الابيض فشهقت النفوس وارتفع البكاء ورفع الاهل الجسد الطاهر وتساقطت قطرات الدمع كالحمم ووالده يقبله فى كل ارجائة لا يعرف راسه يقبل ام قدمه وبجهد بالغ وعلى اصوات لا اله الا الله استلم بحسن الجسد هو ورجل دين صالح يعرفه بحسن لدفنه على السنه .

دقائق عصيبه مرت على بحسن وهو يوارى جسد زوج شقيقته وصديقه الثرى هو يجد نفسه فجاءه تحت الارض وسيترك عزيز لديه يدفن فى التراب ويكون طعام لدود الارض مااتفه الحياه فى تلك اللحظات وذلك الموقف ماا أسرع الزمن ومرت الدقائق ثقيله وتماسك بحسن ورفضت دموعه ان تكون هى كلمات الوداع لصديقه فاستجمع رباطة جأشه وهو يحل الكفن من على صديقه

وقال بنفس مطمئنه وراضيه بقضاء الله (( اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ومن عذاب النار ))

وماان انتهى حتى قبله وخرج واغلق القبر واحتضن والد على بشده ويبدوا انه لم يعد يحتمل وانهارت الدموع كالفيضان ولكنها للحظات وبعد ان دعا الحضور للشهيد وقف الاهل ليتلقوا واجب العزاء قى فقيد مصر

وتوافدت الجموع ووسط تلك الجموع الغفيرة اقترب شخصين يرتديان ملابس داكنه ويخفيان جزء كبيرا من وجهيهما خلف نضارت سوداء وحينما اقترب اولهما من بحسن قال له : (( عظم الله اجرك ))

فاجابه بحسن : (( غفر الله ذنبك ))

فاكمل الرجل : (( الشهيد عاش راجل ومات بطل ومصر هتفضل غاليه علينا ))

وهنا رفع بحسن بصره بسرعه فى وجه الرجل الذى شد على يده وهو يقول: (( مستنينك بره خد وقتك ))

ثم تبعه رفيقه بتقديم واجب العزاء وهو يتفرس فى وجه بحسن ، واكمل بحسن تلقى التعازى ولكن ذهنه كان شاردا فكلمة الرجل له : (( مصر هتفضل غاليه علينا )) دى وسيلة التعارف بين بحسن وبين اى احد من طرف المخابرات المصريه او الامن بوجه عام ، وبعد ان انتهى بحسن استاذن لحظات وخرج خارج المدفن ليجد الرجلين يقفان بجوار سيارة بيجو سوداء ذات نوافذ داكنه تقف بعيد نسبيا عن حركة المشيعيين .

اقترب بحسن منهما وصافحهما مرة اخرى فطلب منه اولهما الدخول الى السياره وركب الجميع السياره ودار الحديث التالى :

فقال نسيم وقد كان احد الرجلين: (( البقاء لله ياا بحسن ))

فقال بحسن : (( ونعم بالله ))

فرد نسيم : (( انا صقر ))

فتغيرت ملامح بحسن فقد كان الاسم يعنى بالنسبة له ظابط المخابرات المسؤل عن المهمه: (( اهلا ياافندم انا عارف انتوا جايين ليه عشان ادهم اتقتل ))

فقال سعد فى موده: (( لا يا بحسن احنا جايين نعزى فى الشهيد علي قبل اى حاجة دة بطل وزميل ونقف جنبك زى ماانت واقف جنب بلدك ))

فتاثر بحسن من صدق الكلمات وقال : (( دة مش غريب عليكم بس خلينا فى المهم دلوقتى ادهم اتقتل يعنى العملية باظطت ؟؟ ))

فقال نسيم : (( سيادة الرائد سعد هيشتغل بواب فى العمارة اياها واحنا منتظرين تتعاون معاه اكتر من اى وقت فات مش هفهمك يا بحسن لازم نعرف مين قتله واتقتل ليه والا كل حاجة هتبوظ ))

فقال بحسن : ( طب وعطوه البواب هيروح فين ؟؟))

فقال سعد : (( عطوه رجع بلدهم اشترى حتة ارض وراح يزرعها بقى من الاعيان ))

فقال بحسن : (( طب بالنسيه لعلياء والطفلين ؟؟))

فقال نسيم : (( افتكر انها لسه معرفتش الخبر لان طبعا مفيش جرايد بتطلعلها ولا حد يعرف مكانها المهمة دى عليك انت بقى يا بطل ))

فقال بحسن مفكرا : (( بس دى مهم صعبه اوى ياافندم ))

فقال نسيم : (( انت ادها يا بحسن اه وعلى فكرة احنا اسفين لسوء التفاهم اللى حصل بينك وبين والدك بسبب الموضوع دة دة خطا امنى مننا ومش هيتكرر تانى ))

ثم ااضاف باسما : (( بس ابوك معارفه كتير يااخى بس متقلقش فى الوقت المنااسب اكيد هنعرفه اد ايه ابنه لازم يفتخر بيه ))

فقال بحسن : (( لا متقلقش نفسك ياافندم بس عايزين ننقلها لبيت تانى لان ممكن ابويا يروحلها وتبقى مشكله ))

فقال نسيم : (( دة طبيعى انها هتتنقل عشان ترتيبات الامن وابوك حتى لو راح مش هيعرف يطلع ))

فأوما بحسن برأسه علامة الفهم فتبعه سعد قائلا : (( هستناك يا بحسن ان شاء الله فى مصر هتلاقينى شحاته البواب ))

فقال بحسن : (( ان شاء الله ياافندم بس بعد اذنكم مش هيكون قبل الثلاث ايام بتوع العزاء ))

فقال نسيم : (( طبعا مفهوم والبقاء لله مره تانيه ))

وهبط بحسن بعد ان ودعهما وانطلقت السيارة وحينما هبط منها وجد نشوى تقترب منه وهى ترتدى ملابس حداد وتظهر على وجهها علامات الحزن : (( البقاء لله يا بحسن ))

فرد بحسن وهو يحاول الفكاك من نظرات عينيها : (( ونعم بالله يا نشوى انتى لسه هنا انا افتكرتك سافرتى مع الصحفيين اللى سافروا ))

فقالت نشوى : (( ازاى بقى كنت لازم اعزى شريفه وطنط واهلك وكمان اعزيك ))

فقال بحسن بوجه خالى من اى تعبير : (( فيكى الخير ))

فقالت فى خجل: (( على العموم انا هسافر دلوقتى خلى بالك من نفسك ))

فاجاب مستفهما : (( هتسافرى ازاااى ؟؟))

فابتسمت : (( مهو انا كان لسه معايا العربيه وناس بيغطوا الجنازة هنسافر سوا ))

فقال : (( طيب ))

فهمت بالرحيل ثم التفتت وهى على بعد خطوات وقالت : (( بحسن ابقى خلينا نشوفك )) وانطلقت بخطوات اقرب للعدو دون ان تسمع اجابه

وياليتها التفت مرة اخرى للخلف لعلها كانت تلمح تلك النظرات المفعمه بالحنين ولكنها غادرت خوفا من ان تصطدم بجفاء اعتادت عليه منذ فترة .


****************************************
حينما ركبت نشوى السياره عائده الى القاهره اختارت مقعدا فى اخر السياره بعيدا عن النقاش الدائر حول الحادثه والضحايا فقد كانت لا تريد ان تتحدث فى شىء فما قابلته هنا اعاد لها حنين الماضى ونظرت من النافذه وشردت الى ماقبل خمسة اعوام حينما تعطلت سيارتها فى طريق النصر فى ساعة متاخره من الليل وفى جو ممطر شديد البروده ولم تجد اى شخص ممكن ان يساعدها فظلت تجلس فى سيارتها الى ان وجدت شاب يدق على زجاج السياره وهو يركب دراجه بخاريه من نوع (( فسبا ))

ففتحت الزجاج فسمعته يقول : (( العربيه عطلانه ولا ايه ؟؟؟))

فقالت فى لهفه : (( اه العجله ضربت ومش معايا استبن ومش عارفه اعمل ايه ؟؟))

فقال فى مرح: (( اعملى عبيطه وتعالى ورايا على الفسبا اروحك بيتكم ))

فنظرت باستهجان وهى تقول: (( لا شكرا اركب وراك بتاع ايه هو انا اعرفك ))

فرد الشاب : (( لا متعرفنيش ولما اهلك جابوكى الدنيا دى مكنتيش تعرفى حد كبرتى ماشاء الله وبقيتى عروسه وعرفتى اهلك وصحابك وزمايلك فى الكليه والمدرسه والنادى وطول ماانتى عايشه هتعرفى ناس جديده وتتعرفى عليهم ))

فنظرت اليه بااستغراب وقالت : (( ايوه بس مش اى حد اقابله فى الشارع اتعرف عليه كده ))

فاجابها : (( مهو لو متعرفتيش عليا هسيبك كده وامشى ومش هتلاقى حد يعبرك ))

فقالت فى عناد : (( طظ فيك امشى )) تبعتها باغلاق النافذه فى عناد طفولى .

فدق الشاب مره اخرى فلم تجيبه فظل يدق النافذه برفق فقالت فى غضب : (( عايز ايه ؟؟))

فقال فى رخامه: (( اعتبر اللى عملتيه ده انك مش عايزة تعرفينى ))

فتأففت بشده وقالت : (( ماشاء الله نبيه اوى ايوه مش عايزة اعرفك ))

فقال : (( اوك يبقى تكاليف تصليح الكاوتش واتعابى 20 جند يمشى معاكى ؟؟))

فقالت فى اندهاش : (( انت هتاخد منى فلوس ؟؟؟))

فقال فى اندهاش مصطنع : (( طبعا هو انا اعرفك ؟؟؟))

فقالت : (( اه انت بترودهالى بقى ))

فاجاب : (( ماشاء الله نبيها اوى ))

فابتسمت رغما عنها فقال لها مبتسما : (( انزلى بقى عشان ارفع العربيه واصلحلك الكاوتش فى اقرب بنزينه ))

وبالفعل قام الشاب بفك الاطار وذهب لاصلاحه وعاد وقام بتركيبه فقالت له فى امتنان وخجل: (( انا اسفه انى كنت رخمه معاك ))

فقال لها باسما : (( اهلا ا جو الحنيه ده معناه انك ناوية تضربى على ال20 جند ))

فابتسمت فاجابها : (( ولا يهمك ياافندم يلا روحى بقى زمان اهلك قالبين الدنيا عليكى )) قالها وهو يهم بركوب دراجته البخاريه .

فقالت على استحياء: (( هو انت اسمك ايه ؟؟))

فقال : (( اسمى بحسن ))

فقالت باستغراب : (( نعم بحسن يعنى ايه ده ؟؟ اول مرة اسمعه ))

فاجابها وهو ينوى الرحيل : (( لو اتقابلنا تانى هقولك معناه لكن لو مش اتقابلنا اكيد مش هتنسى الاسم )) وغادر دون ان يقول كلمة اخرى .

ومرت الايام والاسابيع والشهور وتلك الصدفه الغريبه مازالت تشغل بال نشوى الى ان كانت فى معرض الكتاب واثناء خروجها من أمسيه رائعه للشاعر عبدالرحمن الابنودى وجدت نفسها امام بحسن

فنظر اليها لحظات ثم قال : (( ايه ده انتى ماشية ورايا ولا ايه ؟؟؟))

فقالت بعد أن تغلبت على دهشتها بصعوبه : (( انت بتعمل ايه هنا ؟؟))

فقال فى مرح: (( كنت جاى اتسلطن واسمع الخال عبدالرحمان ))

فابتسمت وهى لا تخفى اندهاشها وقالت فجاءه : (( انت مين ؟؟))

فقال فى هدوء : (( انا بحسن ))

فقالت بلهفه وكانها تذكرت شىء : (( ايوه ادينا اتقابلنا تانى اهوه قولى بقى يعنى ايه بحسن ))

فقال : (( بشرط تخلينى اعزمك على مهلبيه من عند خالك المالكى))

فقالت موافقه : (( معنديش مانع ))

فقال : (( اه بس هنروح بالفسبا ))

فقالت فى عناد: (( اهو ده اللى مش ممكن ابدا هنروح بعربيتى الفسبا بتاعتك دى تبيع بيها ترمس ))

فقال فى امتعاض : (( عبيطه مش عارفه مصلحتك انتى تطولى تركبى ورايا على الفسبا ))

فقالت : (( لا مطولش عشان كده مش هركب ها هتركب معايا ولا بلاش ))

فقال بحسن : (( نو هنتقابل هناك انتى بجاميكا بتاعتك دى وانا بفسبتى حبيبتى ))

فابتسمت وانطلقا وبالفعل جلسا امام المحل المنشود يتناولان المهلبيه وقد لفت نظرها مدى تلذذ بحسن بها فقالت : (( انت شكلك بتحبها اوى ))

فقال موافقا : (( المهلبيه دى انجى بتاعتى يا على ))

فقالت فى عدم استيعاب: (( نعم ؟؟))

فقال : (( يعنى هى صحبتى وحبيبتى هى الجو ))

فقالت بتهكم : (( ربنا يخليكوا لبعض فعلا لايقيين اوى ))

ثم اكملت : (( قولى بقى يعنى ايه بحسن ؟؟))

فقال : (( بصى يا ستى ))

ودائما للحديث بقيه............... ال ن ســــــــــــــــــاج
***********************************

الخميس، نوفمبر 20، 2008

اخبار بلدن اليومين اللى فاتو-20 نوفمبر2008

اخبار بلدنا فى 20/11/2008
=======================
الاسبوع اللى فات كنت نوهت عن برنامج الحكومه الجديد للخصخصه على طريقة عايز حقى منغير مخوض فيه لانى مكنتش فاهم حاجة والاسبوع دة فهمت شويه البرنامج اسمه برنامج الملكيه الشعبيه وده تقدم كبير عرفنا العنوان .

اه نسيت اقولكم ان محدش غير الحكومه فاهم ولا حتى عاجبه موضوع برنامج الملكيه ده والجرايد كتبت والمعارضه كتبت وكله عمال يفتى واراء ووجهات نظر كتير لدرجة ان الفار اياه ابتدى يلعب فى عبى ان الموضوع وراه إنه على رأى القرد بتاع شومبنجو .

بس مخالفا لرأى الفأر ومع احترامى الكامل للقرد الشومبنجى وبعد كل اللى انطرح الأسبوع اللى فات ومخالفا لكل اللى مش عاجبه انا عاجبنى الموضوع جدا ويظهر ان الحدايه فى 2008 ممكن تحدف كتاكيت .

وزير التعليم يحذر الطالب والمعلم من الخروج على قرار منع العنف تفتكروا بقى حد سمع كلام سيادة الوزير ولا كان مجرد كلام جرايد ؟؟؟

3 وقائع ضرب فى 3 مدارس والحذاء الحريمى كان السلاح فى واقعتين والضرب كان بين مدرس ومدرسه ومدير وولية امر ومدرس ورئيس تعليم ابتدائى يعنى من جوه الوزارة يا معلم وده كان اول رد على سيادة الوزير .

مدرس فى مدينة ملوى بمحافظة المنيا قام بالرد العملى على الوزير مش بس ضرب تلميذ بعصاية مكنسه لا وكمان ضرب المدير بالكرسى فعلا فعلا ياسيادة الوزير تحذيرك جاب نتيجه والى اللقاء فى الحلقه القادمه من مسلسل تصريحات بنى خيبان .

امين الاعلام فى الحزب الوطنى الدكتور على الدين هلال يقول( المصريون لا يتقبلون التحول الديمقراطى والناس تريد الحكومه بابا وماما وانور وجدى ) الحقيقة خفة دم سعادته ملفته للنظر سكر .

ازمة فى بنزين 80 بصورة مستفزه وطبعا الحجج كتير بس فى ازمه وتعطيل مصالح كتير .

الحديد بعد ما قلنا عقل رجع اتجنن تانى والبركه فى الاشاعات المتفبركه اسعار الحديد ارتفعت بشكل مبالغ فى الاسبوع اللى فات والاسمنت مش لاقينه غير ان هو كمان سعره ارتفع .

فاكرين فى العيد لما حصل تحرش جماعى فى جامعة الدول العربيه بفتايات المهم صفصفت على 2 واحد راح الاحداث عشان سنه صغير والتانى اتحكم عليه بسنه سجن يلا عقبال مايصدر قانون منع التحرش اما براوه .

فاكرين وثيقة اللب الفضائى اللى عملولها مؤتمرات وزيطة وزنبليطه واضح انها فى طريقها لمفرمة الورق بسبب انتقادات الاعلام وتراجع العرب عن تأييدها ولا عزاء لمهندس هذه الوثيقه .

حكم فريد ونادر ومحترم هو صحيح مش هيتنفذ بس عشان ميبقاش ليهم حجه القضاء الادارى تصدير الغاز المصرى لاسرائيل بااااااااااااااااااطل باااااااااااااااااااااطل باااااااااااطل طبعا الحكومه استئنفت بس مش مهم بردددده باااااااااااطل .

طبعا كنا اشدنا الاسبوع اللى فات بتصرف الخارجيه المصريه مع دبلوماسيين الدول اللى مستهبله فيها وكانت النتيجه ان 80% من الدول الاوربيه تطلب الاعفاء المتبادل لـتأشيرات الدبلوماسيين مع مصر طبعا اما براوه وعقبال المواطن المصرى .

مفتى ومؤسس تنظيم الجهاد الدكتور سيد امام عمل مراجعات كتير لفكر الجماعه اللى اسسها طبعا الدكتور ايمن الظواهرى معجبوش قام مطلع كتاب اسمه التبرئه بيرد فيه قام الدكتور سيد مطلع كتاب اسمه التعريه بيكشف فيه اكاذيب الدكتور الظواهرى ودى حاجه لذيذه جدا لانها بتكشف الحقيقه وبتسقط الفكر المتطرف وتظهر الحقيقه امام من يعتنقون ذلك الفكر .

البورصه بنت ال.... ولا بلاش بقالها 4 ايام بتقع ولسان حال كل اللى اشتغل فيها وهو مش فاهم غلطه وندمان عليها .

القراصنه لحد وقت قريب كنا بنسمع عنهم فى السيما الامريكاوى لكن يظهر ان فيلم الحقيقه ابشع كتير من فيلم الخيال عمليات القرصنه مبهدله الدنيا المصيبه انهم فى طريق قناة السويس يعنى هيتخرب بيت اقتصادنا احنا اللى انا مش فاهمه فى عصر القمر الصناعى اللى بجيب بيه بيتنا وانا قاعد مكانى مش عارفين نضرب شوية قراصنه بضربة طيران ؟؟؟؟

ولا الحكايه فيها إنه وفى ناس من مصلحتهم الموضوع ده واقصد طبعا دول بره .

خبر طريف تم توثيق 150 عقد زواج عرفى مع ان الازواج فى سن الستين والخمسين وعندهم ابناء واحفاد والكلام دة تم فى وادى مندر فى شرم الشيخ لحفظ حقوق الاجيال القادمه وحقوق المواطنين لدى الدوله وطبعا معروف ان الزواج فى البدو بيتم بالعرف والاشهار وليس بالعقود الطريف ان الازواج الستنيين كانوا فى قمة الخجل اثناء تحرير العقود وشهم كان محمر يا عينى .

========================
رحيل صلاح الدين حافظ عاشق الحرية والصحافة
http://www.almasry-alyoum.com/article2.aspx?ArticleID=186919&IssueID=1228


استطلاع رأى مهم
http://www.almasry-alyoum.com/article2.aspx?ArticleID=187072&IssueID=1229

الانترنت في مصر
http://www.almasry-alyoum.com/article2.aspx?ArticleID=187076&IssueID=1229

مولد أبو حصيرة عربدة يهودية أم حرية دينية ؟
http://www.masrawy.com/News/Egypt/Politics/2008/november/19/7asseera.aspx

تعذيب المصرين في مصر لصالح واشنطن يا مشاء الله
http://www.almasry-alyoum.com/article2.aspx?ArticleID=187179&IssueID=1230

=================================

هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.

واخيرا وليس أخرا مصر هتفضل غالية عليا.

ال ن ســــــــــــــــــاج

الخميس، نوفمبر 13، 2008

اخبار بلدنا اليومين اللى فاتو-13 نوفمبر2008

اخبار بلدنا فى 13/11/2008

====================

· طبعا كلنا تابعنا قصة هايدلينا والقضاء اللى انتهت بحكم يقضى ببراءة جميع المتهمين زى احكام كتير بتصدر ببراءة الجميع وكان مفيش متهم لكن عشان فى نائب عام محترم الراجل نقض الحكم واخيرا تحقق له مااراد فقامت محكمة النقض بالغاء براءة هانى سرور واخرين وارسلت القضية للاستئناف لاعادة المحاكمه قدام الجنايات اماااااا براوه وعقبال العباره.

· لابسه عباية وحجاب محترم وقفاز وماشيه مع طفل وبردة تم التحرش بها دة ملخص ماحدث لفتاه فى اكتوبر عروسه جديدة ماشية مع بن اختها طفل 3 سنين جه عامل اهبل مشى وراها و على طريقة عبدالفتاح القصرى ياصفايح الذبدة السايحه يا جوز يالوز طبعا محدش عبره قام اتحرش بالبنت واهو اتمسك ولا هينفعوا عبدالفتاح ولا هيثم دبور وهيتنفخ ان شاء الله.

· بيقولوا فى نظام جديد للخصخه والحقيقه مفهمتش حاجة او محاولتش افهم لحد مالقانون يتقلوظ ويتوافق عليه من المجلس ونشوف اخر صوره بس هو المفيد انه على طريقة عايز حقى .

· كل ميطلع وزير الماليه يقولك بنستورد ب6 مليار قمح لحد محفظناها بس محدش قلنا انه بيستوردولنا علف حيوانى على انه قمح ودى الفضيحة التى ثبت تورط الحكومه والقطاع الخاص فيها لا غنى ولافقير بقى الكل اكل عيش حيوانى مصر بتتقدم بينا فعلا ربنا يوفقكم .

· مسلسل تعذيب التلاميذ فى المدارس وصل لدرجة ان مدرس يجبر تلميذه فى الصف الرابع بخلع بنطلونها ويسخر منها يعنى فى شوية معقدين بيدرسوا لاطفالنا فى المدارس.

· 3 مشاجرات فى مدارس القاهرة تنتهى باصابات لمعلمين وتلاميذ والسبب يبدا بسوء المعاملة مرورا برفض تلميذ جمع القمامه من الحوش واخيرا لخلاف على المجموعات المدرسيه مش عارف اقول ايه الحقيقه ولسه الوزير قاعد على كرسيه بيرغى فى الكادر واللى مكدرش التعليم يحتاج قياده قبل اى شىء اختاروا ناس الاول قبل متعملوا قوانين وتشريعات.

· مصادمات الحقيقه محزنه بين البدو فى سيناء والداخليه اسفرت عن مقتل 4 من البدو واصابات فى الشرطه وحرق وتلفيات كثيره لا تعليق لان اى كلام هيبقى من باب اللى ميعرفش بيقول عدس .

· اكتشوفوا هرم جديد فى سقارة عشان يبقى كده عندنا بتاع 119 هرم حجارة بس ياترى فى كام هرم بشرى نفكر كده مع بعض ؟؟

· د احمد فتحى سرور رئيس لمجلس الشعب للسنه 19 على التوالى منذ اغتيال رفعت المحجوب وحتى الان طبعا نبارك لاحمد بيه لكن هلى نبارك للشعب اللى هو رئيس مجلسه ؟؟

· على طريقة فيلم السفارة فى العمارة بس مع تغيير الاسم للسفير فى الجيم قاضى حرر بلاغ ضد السفير الاسرائيلى وحرسه بعد التضييق عليه فى محل مسكنه الحكاية ان الشاب السفير بيروح جولدن جيم اللى فى المعادى والجيم فى الدور ال8 والقاضى ساكن فى ال3 جه القاضى يخرج من باب العماره اتمنع—حد يقولى ليه؟؟؟ لحد السفير ميطلع عشان الامور خايف على نفسه احسن حد يعمل فيه حاجه وحشه.

· وزارة الصحه رفعت سعر 55 نوع دواء جديد وفى انواع وصلت الزيادة فيها لحد دلوقتى ل400% وبعدين ؟؟

· اعتراضات ووقفات احتجاجية مسانده فى كل مكان للطبيبين المحتجزين فى السعوديه .

· وزارة القوى العامله تحظر سفر الاطباء الى السعوديه بسبب ازمة الطبيبين والقرار جاى من فوق عشان للصبر حدود واما نشوف هترسى على ايه .

· مصر تمنع 3 دبلوماسيين اوروبيين من دخول اراضيها لعدم حصولهم على تأشيرات مسبقه من منطلق مبدا المعامله بالمثل ايون كده بقى بينوا كرامه احسن خلاص الحصى فى الارض بقى اغلى مننا .

=====================
هيكل يتحدث عن انتصار اوباما
http://www.almasry-alyoum.com/article2.aspx?ArticleID=185676&IssueID=1218

ومازال يتحدث
http://www.almasry-alyoum.com/article2.aspx?ArticleID=185680&IssueID=1218

موقف انسانى تجاه اسرة الشهيد الشماشرجى
http://www.almasry-alyoum.com/article2.aspx?ArticleID=185744&IssueID=1219

اسكول مصر
http://www.almasry-alyoum.com/article2.aspx?ArticleID=186289&IssueID=1223

حمدى قنديل ووثيقة البث
http://www.almasry-alyoum.com/article2.aspx?ArticleID=186245&IssueID=1223

==============================
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.

واخيرا وليس أخرا مصر هتفضل غالية عليا.

ال ن ســــــــــــــــــــــاج

الجزء الخامس..... مين اللى سرق بحسن ؟؟؟

-5-

حينما دلف بحسن داخل الشقه وجد امامه شخص لم يكن يتوقع وجوده فقد وجد شرف الذى ما ان رأه حتى قفز قائلا فى عصبيه واضحه : (( اية يا بحسن دوختنى عليك وبعدين انت جايب موبيل عشان ترميه فى الشقه ))

فنظر بحسن باندهاش ثم قال فى لهفه : (( ماما جرالها حاجة؟؟))

فاطرق شرف بوجهه فى الارض وهو يقول : (( لا بابا ))

فقفز بحسن ليقطع المسافه الفاصله بينهما وهو يمسك به بقوه قائلا : (( ماله؟؟؟؟))

فرد شرف: (( جتله ذبحه ودخل المستشفى))

فصمت بحسن برهه ليتمالك مشاعره ثم قال مخاطبا على الذى كان بصحبة شرف (( خلى بالك من البنات اى حاجة يعوزوها تجبهلهم ))

ثم اكمل وهو يخرج رزمه من النقود ويقول لسعاد : (( امسكى الفلوس دى خليها معاكى واى حاجة هتعوزيها على هيجبهالك متديلوش فلوس الفلوس دى عشان لو اخواتك احتاجوا حاجة ))

همت بالرد فقال بحزم : (( مش عايز كلام كتير دى فلوسكم وانتوا شايفين الظروف لولا كده مكنتش سبتكم خلوا بالكم من بعض ))

فقال عفاف : (( طب ابقى طمنا يااستاذ بحسن على والدك متنساش والنبى ))

فرد وهو يهم بالمغادره وخلفه شرف وعلى : (( ان شاء الله ))

وهبط الجميع لاسفل وقال بحسن مخاطبا على وهو يهم بركوب السيارة مع شرف: (( خلى بالك من الشغل يا على وخلى بالك من البنات انا عارفك راجل وادها والموردين لو جم ومحتاجين فلوس احكلهم على الظروف محدش هيتكلم معاك فى حاجة ولو فى حاجة ضرورى ابقى كلمنى على موبايل شرف ))

فقال على وهو يغلق الباب لبحسن : ( متفكرش يااستاذ المهم طمنى على صحة الحج كل حاجة هتمشى زى ماانت عايز بس امانه عليك متنفضش كلمنا طمنا ))

ثم قال بلهفه وكانه تذكر شىء مهم : (( على فكرة يااستاذ بحسن الاستاذ ادهم اتقتل )

قال على ذلك وكان شرف بدا يتحرك فواقفه بحسن بشده وهبط من السيارة وهو يقول فى استفهام مشوب بالحذر: (( الاستاذ ادهم مين ))

فقال على : (( اللى ساكن فى العمارة اللى فى وش الكشك الراجل اللى مكناش بنشوفه كتير ده ))

فاطلت من عينى بحسن نظرة تنم عن الغضب وتمتم قائلا : (( وبعدين بقى هى الدنيا بتدربك مرة واحده كده ليه ؟؟)

فقال على : ((( هو حضرتك قلت حاجة يااستاذ))

فقال بحسن وهو يعاود ركوب السيارة : (( لا مفيش )) ثم اكمل مخاطبا اخية : (( يلا بسرعه على المنصورة ))

وانطلق شرف فى اقصى سرعه واثناء الطريق عرف بحسن من شرف ما دار وسبب سقوط والده والغريب ان كل هذا لم يقلقه مما ااصاب شرف بالدهشة وقال

(( فى ايه يا بحسن انا حاسس ان الموضوع مش فارق معاك مين الست دى وايه الحكايه ؟؟))

فنظر بحسن نظرة طويله لاخيه ثم نظر امامه وهو يقول: (( ماما عاملة ايه واخواتك ؟؟))

فكرر شرف السؤال بنبره اعلى فقال بحسن فى هدوء: (( مالكش دعوه سوق وانت ساكت وفكر فى ابوك غير كده متسألش ))

ويبدوا ان الاجابه كانت اكثر من احتمال شرف فكبح دواسة الفرامل فى شدة ثم نظر الى بحسن وقال : (( انت ليه بتعمل كده دة انا اخوك واللى مرمى فى المستشفى دة بسببك ابوك طمنا يااخى قولنا اية الحكايه بلاش عشانى وعشان ابوك عشان امك اللى مش دريانه بحاجة من ساعة اللى حصل وعشان سمعتنا يااخى عشان اخواتك البنات عشان شكلنا قدام الناس ))


كان بحسن اثناء حديث شرف يمسك ورقة وقلم ويدون بعض الارقام وبعد ان انتهى اخيه نظر اليه نظره جانبيه وقال : (( خلصت اللى عندك ممكن تسوق بقى خلينا نوصل عشان نبقى جنب ابوك وامك اللى بتدينى محاضرة فى البر بيهم وانت مش فاهم حاجة ))

وصمت

فتحرك شرف وهو يتمتم بعبارات ساخطه وخيل له ان بحسن لن يتكلم مرة اخرى ولكنه فوجىء ببحسن يقول: (( انتوا مش بيعلموكم حاجة فى اكاديمية الشرطه اسمها المعلومة على قدر الحاجة ))

فقال شرف وهو ينظر امامه : (( تقريبا ))

فقال بحسن : (( يبقى ياريت تستفيد من اللى بيعلمهولك عشان ترتاح وتريحينى وكمان تكون ظابط شاطر ))

فهم شرف ليرد ولكن بحسن اشار اليه بيده علامة الصمت فلم يجد شرف امامة سوى القيادة باقصى سرعه

وفى اقل من ساعة ونصف كان الاثنين يدلفان الى المستشفى وهما لا يدريان سبب لكل ذلك الهرج والمرج ليس فى المستشفى فحسب بل فى المدينه كلها وفى تلك الزحمه لمحتهما شريفة التى جاءت مسرعه واحتضنت بحسن بشدة وهى تقول : (( وحشتنى يا حبيبى وحشتنى يا بحسن))

فاحاطها بحسن بدراعه فى حنيه شديد وهو يقول: (( وانتى كمان ياستى طمنينى بابا ازيه دلوقتى ))

فقالت فى اسى : (( الحمد لله ان شاء الله هيكون كويس – ابوك تعب اوى يا بحسن وانت قلبك بقى قاسى اوى وعلى طول كده تاعب قلوبنا عليك))

فاربت على كتفها وهو يتحرك معها ومع شرف لاعلى : (( انا يا شريفه ماشى بلاش نتكلم دلوقتى بعدين نبقى نشوف الحكاية دى))

فقال شرف ليغير دفة الحديث: (( هو فى ايه ياشريفه ايه الناس والحركة دى كلها))

فقالت فى سرعه وكانها تذكرت شىء: (( اه اسكتوا حصلت حادثة قطر كبيرة دة حتى على استدعوه ))

ومع انتهاء حديثها وصلا الى العناية المركزة وما ان راى بحسن والدته حتى هرول اليها واحتضنها بشدة واخذ يقبلها ويقبل يديها

وهى تبكى وتقول: ( ابوك هيروح مننا يا بحسن ))

فقال وهو يحتضنها بشده : (( ان شاء الله هيكون بخير ياحبيبتى دة ابويا لسه شباب انتوا بس اللى مخضوضين زياده ))

ثم وقف واحتضن شريف وشاهيناز وتابع مصافحة كل اقاربهم ثم جذب شريف من زراعه وهو يقول: (( تعالى ودينى للدكتور اللى ماسك الحاله ))


بعد مقابله قصيره علم بحسن حالة والده واطمن عليه واثناء ذلك وجد بحسن وشريف شرف يهرول اليهم وقد تغير لون وجهه وهو يصرخ بشدة : (( مصيبه مصيبه ))

**********************************

دلف الرائد سعد النمر رئيس مباحث مدينة نصر الى مكتب اللواء عزمى صادق مساعد وزير الداخليه الذى استقبله بود وهو يقول: (( ازيك يا سعد وعامل ايه فى المباحث))

فاجاب سعد فى تودد::::: ((تمام ياباشا بس الخدمه مع سعادتك فى المخدرات كان ليها طعم تانى))

فاجاب اللواء فى دعابه : ( تقصد ريحه تانيه ))

فقال سعد : (( اه ياباشا بس سعادتك بقى اتريقت ونقلتنى المباحث ))

فقال عزمى فى جديه : (( اسمع يا سعد انت معاك قضية قتيل مدينة نصر صح ))

فقال : (( تمام سعادتك ))

فقال عزمى فى استغراب: (( متقعد يابنى انت واقف ليه ؟؟ ))

فجلس سعد واكمل عزمى : (( انهارده بليل تلبس كاجوال وتغير فى شكلك ركب سكسوكه اعمل اى منظر كده – وبعدين هتروح العنوان ده )) قال الجمله الاخيره وهو يعطى ورقه مطويه لسعد.

فقرا سعد الورقه بصوت مرتفع: (( فيلا نازك -- المعادى))

ثم نظر الى عزمى وقال : (( وبعدين سيادتك))

فقال عزمى : (( متنساش وانت رايح تبقى تاخد معاك هديه ورد من بتاع الفلانتين دبدوب ))

فقال سعد فى استنكار: (( ورد –دبدوب يانها ر اسود دة انا لو مراتى عرفت تدبحنى)) وتبعها بضحكه مرتفعه

فنظر اليه عزمى نظره خاويه على اثرها قال سعد: (( معاك سعادتك ناخد معانا ورد وبعدين))

فقال عزمى : (( هتفتحلك بنت اول متشوفها هتقولها الحلوه دى قامت تعجن فى الفجريه ))

فقال سعد فى تلقائيه : (( والديك بيدن كوكو كوكو فى البدريه))

فنهره عزمى: (( لا هى اللى هتقولك كده ))

فقال سعد : (( ياسلام ))

فقال عزمى فى حزم: (( سعد ))

فقال سعد فى تزمر: (( ياباشا انت عارفنى لما مبكنش فاهم ببقى غير مستقر وهتاخد منى لخبطة للصبح فهمنى سيادتك ايه الحكايه ))

فقال عزمى وكانه لم يسمع الجمله الاخيره : (( لما تقول والديك بيدن هتقولها هابى زلانطين داى ))

فهم بالكلام ولكن عزمى اكمل: ( هتقوم واخدة منك الهديه وحضناك وهتقفل الباب ))

فابتسم سعد: (( بجد ايون كده هو ده الشغل وبعدين سعادتك ))


فقال عزمى وهو يقف منهيا المقابله : (( الساعه 7 تكون بدق جرس الفيلا بالتوفيق يا سعد ومش عايزين غباء زى عملية القنطره ))

فقال سعد وهو يرفع يده بالتحيه : (( تمام سعادتك )) قالها وهو يغادر وتبدو على وجهه علامات التزمر فسعد النمر من اكفاء ظباط الداخليه خدم فى العديد من القطاعات وفى كل مكان اثبت كفاءه واكتسب صداقات رؤساءه للدرجة التى تجعلهم فى بعض الاحيان يرفعوا التكليف وهو من النوعيه خفيفة الظل والتى لا تستطيع العمل بدون دعابه ولكنه فى نفس الوقت شرس وقد سبب له ذلك بعض المشاكل فى بعض العمليات .
وفى الساعه السادسه دخل شاب محل ورد يبدوا من مظهره انه خنفس يرتدى بنطلون باجى وقميص هاواى ازراره مفتوحه لنصف صدرة ويرتدى نضارة شمس ويضع فق راسه قبعه قال مخاطبا العامل : (( انا عايز ورد ))

فرد العامل فى ادب جم : (( حضرتك تفضل نوعيه معينه ؟؟ ))

فقال فى لا مبالاه: ( ( هو الورد بقى انواع كمان ))

فقال العامل : ((( ايوه حضرتك انواعه كتير ولكل نوع مناسبه ولكل نوع معنى ومغزى))

فقال الشاب : (( اه طيب اصلى مشترتوش قبل كده بقولك ايه انا مصاحب جديد وعايز بوكيه يلوحها ))

فابتسم العامل: (( من عنيا حضرتك ))

واخذ العامل يعد بوكيه بتأنى شديد مما ااصاب سعد الذى كان متخفى بالملل فقال فى نفاذ صبر: (( ياعم انجز حد قالك انى رايح اقابل ملكة انجلترا ))

فابتسم الشاب باحراج وقال : ( حاضر حضرتك ))

وبعد دقائق كان البوكيه جاهز وقال العامل فى ادب: (( 150 جنيه حضرتك))

فنظر سعد للورد بين يديه باحتقار والى العامل وهو يقول: (( 150 جنيه فى شوية زرع مكنت روحت اى جنينه وخلصت-- الشغلانه دى جايه علينا بخسارة ))


ودفع سعد المبلغ على مضض وتمتم وهو خارجا من المحل قائلا : (( قال ومراتى كانت عايزانى كل اسبوع اجبلها بوكيه يا نهار اسود دة انا كنت شحت من نص الشهر ))

وفى الوقت المحدد كان سعد يدق جرس الفيلا وفتحت له فتاه فى منتصف العشرينات وما ان رأها سعد حتى انفرجت شفتيه وقال : (( يانهار اسود بقى دى تقوم تعجن امال اللى عندى فى البيت تعمل ايه ))

فقد كانت رائعة الحسن فقال وهو يغمز باحد عينيه ويحرك جسمه كالخنافس: (( الحلوه دى قامت تعجن فى الفجريه ))

فابتسمت الفتاه قائله : (( والديك بيدن كوكو فى البدريه ))

فقال وهو يهديها الورد : (( ب 150 جنيه والله ))

فقالت فى قلق : (( نعم ))

فقال وهو يتدارك الموقف : (( هابى زلانطين داااى))


فابتسمت وهى تحتضنه وتقول : (( يااا حبيبى يو ار سو كيوت ميرسى ))

واغلقت الباب وما انا اغلقت الباب حتى تبدلت ملا محها تمام وارادت انا تبتعد عن سعد ولكن سعد امسك فيها بشده فقالت وهى تهمس فى اذنه : (( الكاميرات مراقبه كل حاجة وسيادة الوزير هيشوف الشريط ))

فانتفض سعد وهو يقول مخاطبا الفراغ وتحدد عينيه المدربتين اماكن الكاميرات : (( تمثيل والله بسبك الدرو سيادتك))

فقالت له وهى تبتسم : (( اتفضل معايا ياسيادة الرائد ))

وتوقع سعد الصعود الا انها دخلت به لممر ضيق ومنة الى بهو الفيلا وفجاءه وجد نفسه فى مكان عجيب فقالت له اول غرفه على ايدك الشمال منتظرينك هناك .


فدق سعد على باب الغرفه عدة طرقات فأتاه صوت من الداخل يدعوه للدخول فدلف للغرفه واغلق خلفه الباب وكانت فى انتظاره مفاجاءه مذهله .

**************************

فجاءه وجدت نشوى نفسها وجها لوجه فى مقابلة بحسن وللحظات ظل الاثنين يحدقان فى بعضهما البعض وكانهم يعاودون الذكريات ولكن التهاب الموقف لم يسمح لهما بالشرود كثيرا فقال بحسن : (( ازيك))

فاجابت نشوى فى لا مبالاه: (( كويسه الحمد لله ))

فقال بحسن : (( طيب )) وتركها وغادر

فظلت فى مكانها فترة ثم تبعته قائله : (( ايه طيب دى وبعدين ازاى تسبنى وتمشى ))

فقال وهو يتحرك بين الحطام : (( نشوى مش نقصاكى خالص ومش ناقصه دلعك ))

فقالت نشوى فى عناد: (( انا بدلع ولا انتى اللى مش طايقلى كلمه من ساعة اللى حصل))

وهنا وقف بحسن وحد ق فيها طويلا واقترب مما سبب لها بعض الارتباك وقال وهو ينظر لعينيها مباشرة : (( انا جوز اختى مرمى تحت الانقاض مش عارفين حى ولا ميت يبقى انا مش طايق كل الناس مش مش طايقك انتى بس وبعدين انتى عارفانى خلقى ضيق فسبينى دلوقتى ))

وهنا تغيرت ملامحها وتحولت من التزمر الى ملامح اقرب للبكاء: (( جوز اختك مين شريفه ؟؟))

تحرك نحو شرف وشريف ويقول لهم : (( ها لسه مفيش جديد ))

فقال شرف : (( لا لسه اخر مرة شافوة لما دخل مع بتوع الدفاع المدنى ينقذ اطفال وناس كانت محصراهم النار ))

فقالت نشوى بدافع فضول الصحافة: (( هو بيشتغل ظابط ؟؟؟ ))

فقال شريف وهو ينظر اليها نظرة هادئه لا تتناسب مع الموقف : (( ايوه ))

ظلت عمليات الانقاذ على قدم وساق ومحاولة اخماد الحرائق مستمره التى كانت تلتهم كل شىء ليس الحديد والمقاعد الخشبيه وفقط بل انها تلتهم احلام الناس زهرة الشباب فهى كانت تلتهم قلوب اهالى الضحايا قبل كل ذلك وفى ساعة متاخرة تم اخماد كل الحرائق وبدا نقل الجثث التى كانت قد تفحمت تماما .

واستبد بالجميع القلق فلم يعد هناك احياء او مصابين جثث وفقط وانخرط شرف فى البكاء ووجدت نشوى دموعها تنساب على وجنتيها بدون وعى وقد نست ما قد جاءت من اجلة فقد اصبح الموضوع شخصى بالنسبة لها وكان بحسن يتحرك بثبات محاولا الوصول لزوج شقيقته وفجاءه جاءه بعض زملاء على وعلى ملامحهم تظهر الحقيقة جليه واقترب منه صديق يعرفه واحتضنه وهو يبكى يقول : (( على شهيد يا بحسن ))


فقال بحسن : (( عايز اشوفه هو فين ؟؟))

فاجابه ظابط فى ملابس مدنيه : (( بلاش يااستاذ بحسن الشهيد على جثته اتفحمت ))

فقال بحسن : (( عايز اشوفه ))

وامام اصراره جذبه احدهم الى سيارة اسعاف تقف بعيد وقال بلهجه آمره للعسكرى افتح الباب وقال لبحسن : (( انا لله وانا اليه راجعون – اتفضل شوفه )) وصافحه بشده ودلف بحسن وظل بالداخل لحظات ثم خرج من السياره ليجد شريف وشرف ونشوى فى مواجهته ولاول مرة يرى احد دموع بحسن وكانت تنساب فى غزارة .

وهنا احتضن شرف وشريف بحسن بشده وانخرط الجميع فى بكاء شديد شاركهم فيه زملاء الشهيد من الظباط والعساكر وكل من شاهد بطولته وتضحيته بحياته من اجل انقاذ غيره ولكن نشوى لمم تتمالك نفسها وسقطت مغشيا عليها .

وبعد قليل توجه بحسن للمستشفى وقد فوجىء بعدد من القيادات الامنيه يصافحونه لتقديم واجب العزاء واقترب الحشد من اهل على ومن شريفه وقد كانوا جميعا فى الدور العلوى بجوار ووالد بحسن وحينما اقترب هذا الحشد ارتسمت على الوجوه علامات الحذر والقلق

ولكن شريفه ابتسمت او حاولت ذلك وقالت لبحسن : (( بابا فاق يا بحسن ))

فلم يجيب احد ووجدت لواء يقترب من والد على وهو يقول: (( الدنيا دى فيها ناس بتيجى وتمشى وتعيش مهما تعيش ومحدش يحس بيها وفى ناس بتبقى فى حياتنا زى الضيوف مش بيفضلوا معانا كتير بس على الرغم من كده اللى زيهم هما اللى بيعيشوا واحنا اللى بنموت – البقاء لله ولا تحسبن الذين قتلوا فى سبيل الله امواتا بل احياء عند ربهم يرزقون مصر كلها تقدم وجاب العزاء فى الشهيد على السمرى )) قالها وهو يشد على يد الرجل الذى اصابه الخبر بالذهول .

ولكن والدته واخوته اخرجوه من هذا الذهول فما ان سمعوا تلك الكلمات حتى فقدت والدته الوعى وصرخت اخته بهيستريه ولكن شريفه نظرت لبحسن وهى تقول: (( على ممتش يا بحسن ده اكيد انتوا غلطانين ))

فاقترب منها بحسن واحتضنها فقالت وهى على نفس الحاله: (( انت بتحضنى ليه على مممتش مممتش ممشتش)) قالت ذلك وهى تبعده عنها .

واااااااا سقطت .

ودائما للحديث بقيه............... ال ن ســــــــــــــــــاج

الخميس، نوفمبر 06، 2008

اخبار بلدن اليومين اللى فاتو-06نوفمبر2008

اخبار بلدنا اليومين اللى فاتو 06-11-2008
======================
· الاسبوع اللى فات كان فى مؤتمر الحزب الوطنى اللى هو الحزب الحاكم فى بلدنا والمفروض انه مؤتمر كشف حساب وطبعا المفروض حاجة وواقعنا حاجة تانى .

· ابرز حاجه فى المؤتمر الهجوم الشديد من اعضائه على المعارضه المصريه او مايسمون بالمعارضه وكان وجهة نظر الوطنيين ان المعارضيين شريرين ومتخلفين وعايزين يرجعوا بينا للعهد البائد .

· قام المعارضيين الاحرار مسكتوش والقوا تصريحات ناريه كلها تنصب فى بوطقة ان الحزب الوطنى مفلس وهو حزب ضايع وضعيف اخر حاجة وانه هو اللى جايب البلد لورا .

· ومابين دول ودول احترت واحتار دليلى ومش قادر اقول ال2حلوين ال2 طعمين على رئى الاغنيه اياها وكما قلنا من قبل كل يغنى على ليلاه واحنا الشعب ملناش علاقه لا بدول ولا بدول احنا مع رغيف العيش وكارت المحمول وفلوس المدارس والدروس الخصوصيه والبطاله الخ.......... .

· فقدت مصر عالم محترم وشيخ جليل ورجل فى زمن عز فيه الرجال هو فضيلة الدكتور / محمد المسير – اذا اردت ان تسمع رجل مقنع وواضح وصريح لا يجامل ولا ينافق ولا يغير حديثه فكان يجب ان تسمع هذا الرجل العجيب بقى انى قعدت ادور على خبر وفاته كتير بعد ان علمت بالصدفه من برنامج الطبعه الاول بخبر وفاته شوفتوا كده فى الدنيا رجل مثله نعلم بخبر وفاته صدفه هنقول ايه اخر الزمن انا لله وانا اليه راجعون رحمة الله عليك يا دكتور محمد.


· نهى رشدى كنا اتكلمنا عليها اللى بيسموها فتاة التحرش اللى حيينا شاجعتها وفى نفس الوقت كان فى كذا علامة استفهام على انسحاب محاميتها وانضمامها للخصم وكان رد نهى للمصر ى اليوم لست اسرائيليه وتصريحات المحامية جريمه ومش مهم عندنا اسرائليله ولا غيره لو السائق فعلا كان اتحرش بيها فعلا بس هى الفكرة هل هو اتحرش بيها فعلا ؟؟

· وحدة الغسل الكلوى بالمنصورة المياه انقطعت عنها 5 ايام ومحدش اتحرك رئيس المرز وصل خرطوم بكولدير فى الشارع عشان عمليات الغسيل متقفش !!! فى سؤال رفيع لو كانت المياه دى انقطعت ساعتين 3 عن فندق ولا قريه سيايحه ولا ملعب جولف ياترى كان ايه اللى هيحصل ؟؟؟

· نتيجة الكادر ظهرت للمعلمين وكانت النتيجة 85.9% طبعا الاعتراضات كتير والتظلمات كتير وأى كان موقفنا من الكادر ومن المعلمين ياريت الموقف دة يخلى المعلمين يحسوا بطلبة الثانويه العامه عشان كل ماالطلبه تقول الامتحان صعب النتيجه غلط يطلع المدرسين يقولوا مش صحيح وكان الحل انهم يتذوقوا من نفس الكاس بس مين يفهم ؟

· مسلسل التعذيب فى المدارس مازال مستمرا وكل يوم طفله تموت عيال تتعبط وكان مفيش حاجة حصلت بس كتر خيرة وزير التربيه والتعليم كلم اسرة الولد اللى مات فى اسكندريه على ايد المدرس وقال لاهله انا والوزارة اسفين وسنعوضكم لا تعلبييييييق .

· على الرغم ان الجمله الشهيره ( هى دى مصر يا عبله )) اللى اتقالت فى فيلم الصعود الى الهاوية اصبحت جملة للسخريه وليس للتعبير عن الانتماء وحب الوطن لكن ملقتش غيرها يعبر عن الخبر ده (( الاقباط الارثوذوكس يحتفلون ببدء الصلاه بكنيسة المعادى ومعهم المسلمون المساهمون فى بنائها )) .

· كل يوم اعتامات ومظاهرات ززقفات احتجاجية فى كل حته فى مصر من اسوان لاسكندريه من الطلبة والفلاحين من الممرضات والمدرسين من الاطباء والمستثمرين باختصار كل الفئات مش عاجبها حاجه ومش عاجبها حد بس لو فضلت الطريقة دى هى الطريقة الوحيدة للحصول على الحقوق فى بلدنا بعد شويه هتفقد مفعولها لازم يكون فى حل .

· كل يوم نسمع عن اغلاق مستشفيات وغرف عمليات ومنع استخدام انواع غاز معينه ومحدش بقى فاهم حاجة والجديد بقى بيع المستشفيات بس بيقولوا اطمنوا القصر العينى مش للبيع يعنى الصحة والتعليم بيتخصخصوا هو ايه اللى فضل من حقوق المواطن كده احسن عمال ادور مش لاقى .

· استراليا ترفض بيع الخرفان لمصر لسوء معاملاتها للحيوانات عالم رايقين اوى بجد .

· نظافة القاهرة تزيل 50 شجرة من اشجار العباسيه بحجة منع الاعمال المنافية للاداب بقى قص الشجر هيمنع الاعمال المنافية للاداب فى مكان اصلا بؤرة الحركة الجامعات والكتدرائيه ومسجد النور اااااااااااادينىىىى عقلللللللك.

· بعد فشل وزارة البيئة وزارة الزراعه تتبنى مسئولية القضاء على السحابة السوداء وانا شايف ان المسئوليه مش مسئوليه حكوميه بقدر مهى مسئولية شعبيه من الفلاحين والمحليات يااخونا كفايه تنبله بقى .

· محافظ القاهرة يحيل رئيس فرع هيئة النظافه بمدينة نصر للتحقيق بتهمة الاهمال والتقاعس عن اداء الواجب امااااااااا براوة معلش الخبر ده على مزاجى حيث انها منطقتى ملعبى وصباى الغاليه مدينة نصر .

· أوبامبوا مسك يااا رجاااله على رأى واحد صاحبى سودانى متفائل اوى بأوبامبوا بس هل ده تفائل بأوباما فعلا ولا فرحه بسقوط الطاغيه بوش يلا اهو هيترمى فى مزبلة التاريخ زى كل اللى زيه هو ده اللى مهما حاولوا انهم يزيفزه مش هيعرفوا ابدا .

=======================

· حمدى قنديل هؤلاء قادرون على حكم مصر
http://www.masrawy.com/News/Egypt/Politics/2008/november/5/hamedi-kandeel.aspx

· والله ونورت يا عبدالرحمان
http://www.almasry-alyoum.com/article2.aspx?ArticleID=185359&IssueID=1216

· الوطنى يرفع شعار لا للتغيير
http://www.almasry-alyoum.com/article2.aspx?ArticleID=185376


هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.

واخيرا وليس أخرا مصر هتفضل غالية عليا.


ال ن ســــــــــــــاج

الخميس، أكتوبر 30، 2008

اخبار بلدن اليومين اللى فاتو-30اكتوبر2008

اخبار بلدنا اليومين اللى فاتو -30 اكتوبر 2008

فى يوم تاريخى صدر حكم تاريخى فى قضيه غير عاديه اتحكم فى اول قضية تحرش جنسى على المتهم المدان ب3 سنين سجن طبعا حكم مشرف لكن التحية تستاهلها نهى رشدى صاحبة القضية اما براوة يا نهى وعقبال صدور تشريع وقانون رادع.

من حقنا نشيد بجراة الفتاه وبعدل القضاء بس لما المحامية بتاعتها تقرر استئناف القضيه لصالح المتهم بعد ادانته يبقى فى حاجة غلط وبعد البحث عرفنا ان نهى من عرب 48 وتحمل جواز سفر اسرائيلى وترى ان اسرائيل دوله محترمه وان هى متخصصة قضايا تحرش كل متروح بلد تاخد تعويض او تسجن حد ؟؟

لو الولد اتحرش يتسجن بغض النظر عن اختلافنا مع افكارها لكن لو الولد اتظلم والهانم عامله كمين يبقى اما براوة للمحاميه وربنا معاكى تصلحى اللى كان .

طن الحديد اللى كان وصل 7800 جند بقى ثمنه دلوقتى 3800 جند ومش لاقى حد يشتريه دة راجع لعوامل كتير ان الناس فلست اصلا والعالم داخل على ايام سوده على كل ظالم ومفترى ان شاء الله وربنا يلطف بالغلابه عقاب ربانى خفيف كمان عشان قرارت وزير التجارة المحترم بفتح الاستيراد على البحرى وبيقولوا اسعار العقارات هتنزل يعنى فى امل نتجوز يااخونا.

مسؤول ظريف ولطيف فى الكهرباء بيقولك ايه بقى مصر تحتاج الى 3 سد عالى عشان تنتج الطاقه المطلوبه طب هو فى سؤال رفيع للبيه اما احنا مش مكفيين روحنا بنصدرها ليه ؟؟ ولا هو حلال ليهم وحرام لينا .

فجأه وبدون سابق انذار مدحت بركات فى السجن والدنيا مقلوبه مين مدحت بركات مكنتش اعرفه المهم عرفت انه واحد من اباطرة الاراضى قلت وماسكينه ليه يااخونا قالك دة من الشريرين اللى سارقين اراضى البلد قلت ياماشاء الله دى حاجة لطيفه جا عقبال الباقيين واما براوة .

وبعدين الفار اياه الرخم اللى على طول بيلعب فى عبى قالى يا عبيط انت فاكر الميزان صحيح هيتعدل دة تلاقيه غلط وشم نفسة فجابوه الارض عشان يكون عبره لغيره يارب الفار يطلع قاسم السماوى ويطلع غلطان وتكون دى بداية تطهير بجد واما برواه لكل اللى بيشارك بقلب نضيف من غير تصفية حسابات رغم انف الفار بتاعى.

وكنت لسه بحاول افطس الفار راحت المصرى اليوم نشره مستندات رسميه تثبت ان وزير الاسكان الاسبق حرااامى بالفم المليان باع اراضى فى التجمع الخامس وفبلات فى مارينا لمراته وعياله اثناء توليه الوزارة العجيب انه لسه عضو فى مجلس الشعب ولسه الحصانه مترفعتش ولسه مفيش اتهام حقيقى من المسؤلين عشان يحاسبوه !!!

البيه ابراهيم سليمان ساكن فى فيلا فى مصر الجديده مفتكرش ابدا ان سيادته جاب فلوسها بطريق شرعى لازم يكون بطريق الاغتصاب وهتك عرض اموال الدوله فلوس الناس الغلابه ياترى هنشوف ابراهيم سليمان بيتحاكم وببتصادر ممتلكاته المسروقه ولا هنغمض عنينا ؟؟ الغريب بقى ان كل الناس عارفه اللى عمله طول مهو فى الوزارة الا الامن والقضاء ؟؟؟

عشرات من صحفى الدستور والبديل اضربوا عن الطعام احتجاجا على استبعاد امن الدوله ليهم متمثلا فى لجنة قيد الصحفيين من عضوية مجلس النقابه الغريب ان النقيب واعضاء مجلس الادارة محتجين ومعرفوش يعملوا حاجة انا مش فاهم امال مين اللى يقدر يعمل ؟؟؟

مصر اخيرا اعترفت انفلونزا الطيور مرضا مستوطنا فى مصر وتضع خطة غير معلنه لمواجهة تحوله الى وباء ربنا يستر .

بس فى خبر حلو استطا ع الدكتور مجدى القاضى وكيل كلية الطب البيطيرى فى بنى سويف اكتشاف لقاح جديد ومتطور لمكافحة انفلونزا الطيور وسيتم انتاج كميات كبيرة منه خلال عامين – اما براوه وعمار يا مصر .

الازهر يأيد فتوى سعوديه وتركيه تبيح للزوجه ضرب زوجها دفاعا عن النفس – بس هو فى حاجة مش فاهمها هى الزوجة اللى زوجها عنيف معاها هتقدر تضربه ازاى اصلا وهى كتكوته ضعيفه اكيد مش هتقدر يبقى الفتوى تدى هتنفع الستات المفتريه اللى اصلا فقدوا لقب ستات واسترجلوا خلاص ده مجرد تعليق اضربوا فى بعض مهى المشرحه ناقصه قتله .

عرفتوا مصر خدت المكز الاول فى ايه ؟؟؟ مصر بلا فخر حصلت على المركز الاول عالميا فى وفيات حوادث الطرق وتقرير التعويضات سنة 2007 بيقول ان تم صرف مليار جنيه تعويضات – هل مسؤليه الحكومه متمثله فى التخطيط العمرانىوالطرق؟ ولا مسؤلية المرور؟ ولا مسؤولية الافراد المتهورين ؟؟ ولا قضاء وقدر ؟؟؟ مش عارف بس الأكيد ان فى حاجه غلط.

ويظهر ان التقرير دفع ليبيا انها تطلب استيراد جثث من مصر عشان طلبة كليات الطب عندها اه يااخونا طلبت تستورد جثث شوفتوا وصلتوا بينا لفين على رئى يورى مرقدى وبغض النظر ان وزير التعليم العالى بيقول محصلش وان المستشار الثقافى فى سفارتنا هناك بيقول حصل لكن المحزن فى الامر هو مجرد التفكير فى الامر .

فى وفد زراعى كان رايح اسرائيل ووزارة الزراعه بتقول محصلش دول مش تبعنا اى كان ففى وفد كان رايح ومحدش هيعرف بس الليله اتعرفت عشان راجل صايع واذكى اخواته عرف ان فى اسرائيل المعسل غالى راح شايل ومحمل شنطتين معسل عشان يتاجر بيهم فى اسرائيل عملا بمبدا الرزق يحب الخفية والبيزنس مالوش دين ولا مله ولا يعرف ابويا ولا امى وللاسف المواطنين اللى على شاكلة صاحبنا البرينجى كتير .

طبعا احنا فى مدرسين بنحترمهم وانا واحد من الناس لسه بعتز ببعض مدرسينى بس لما مدرس يمسك مقشة وينزل ضرب فى العيال ولا الخدامه اللى صحتها حلوه ومسكت منفضة واستفردت بسجادة على السلم يبقى لينا وقفه 15 طفل يتهانوا ويتكسروا بين جروح وكدمات اه تم اتخاذ اجراء ضد المدرس بس ايه اللى يضمن انه ميتكررش ؟؟

ومازلنا فى مسلسل مدرسين خلف القضبان بس المره دى مش كدمات وضرب مقشات نووو دة البيه خلص على تلميذه خالص عيل عنده 11 سنه لسه بيفتح مع الدنيا لسه اهله بيحلموا عشانه فجاءه مات ليه عشان مدرس متخلف ضربه لحد ما مات لا تعليق.

وزير التنميه الاداريه رجل التكنولوجيا الاول دكتور احمد درويش بيقول ان مفيش بطاله فى مصر والوظائف مش لاقيه حد مش هرد عليه حد غيرى يكلمه .

الحقيقة فى حملة تطهير فى القضاء غير مسبوقه وحاسس ان فى صدق ورغبه صادقه فى تطهير هذا المكان المحترم اللى هو ملجأ لكل الفئات اما براوه كل اللى بيجتهد فى الطريق ده .

وزير الثقافه يدعوا لقبول الديانات الارضيه من من منطلق مبدا حرية العقيده وبيصف من يرفضها بالجاهل والمتخلف لحد هنا ده حقة يقول اللى يعجبه واللى بيعجبه دة كتير بقالنا سنين شبعنا من افتكاساته بس مجتش على دى يعنى – انا بقى بدعوا لتجاهل الديانات الارضيه وعدم الالتفات ليها من منطلق التوجيه القرأنى لا تسبوا الهتهم حتى لا يسبون الله لكن بنرفضها واصف كل من لايرفضها بالجاهل والمنافق حلو الاختلاف ده عشان وزير الثقافه المتفتح المستنير ينبسط .

===================================
هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.

واخيرا وليس أخرا مصر هتفضل غالية عليا.
ال ن ســـــــــــــاج

الثلاثاء، أكتوبر 21، 2008

الجزء الرابع..... مين اللى سرق بحسن ؟؟؟

-4-

كان بحسن منهك القوى بشكل كبير فهو لم يذوق طعم النوم من ليلة امس فقد قضاها بالمستشفى لتجهيز اجراءات دفن زينب واستخراج كافة التصاريح اللازمه وبعد صلاة الضهر كان بحسن قد انتهى من كل شىء ووراى جثمان السيده الثرى .


و طوال عودته من المقابر كان شارد الذهن فقد كان ذهنه مشغول بما قالته له وهى تلفظ انفاسها الاخيره فقد اصابته كلماتها بدهشه حقيقيه فزينب عبدالسلام هى زوجة حسين بكرى الرجل الذى تعرف عليه بحسن منذ سنين طويله بجوار كشك بسيط وبناتها هم بنات ذلك الرجل الفقير البسيط ومنذ قابل بحسن ذلك الرجل وتغيرت حياته كما انه غير حياة الرجل واسرته تماما.

ففى صباح اليوم التالى كان بحسن يتصل بوالدته ويحكى لها عن تفاصيل الفكرة المجنونه التى قرر ان ينفذها وبعد شد وجذب من قبل والدته استطاع بحسن ان يقنعها بفكرته وان يحظى بدعواتها ومباركتها له وليس هذا فحسب بل انها دعمته ماديا ليستطيع تحقيق فكرته وطلبت منه الذهاب لخاله ليحصل على مايريد وقد كان بحسن قد طلب منها خمسة وعشرون الف جنيه .

وحينما ذهب بحسن لخاله فوجىء بخاله يعطى له اربعون الف وحينما استفسر عن هذه الزياده علم منه ان والدته هى من امرت بذلك لكى يبدأ وقلبه مطمئن وليس هذا فحسب بل قرر خاله دعمه بخبرته فى مجال الديكور والانشاءات وعلاقاته ليحقق فكرته وبعد فترة قصيره كان بحسن وخاله يقتربون من عم حسين بكرى ويجلسون معه واخذ بحسن يسرد على مسامع الرجل فكرته التى كانت تتلخص فى ان يدخل بحسن معه شريك فى الكشك على ان يقوم بحسن بادارته وتجديده ويكون الربح بالنصف سنوى على ان يعطى بحسن لعم حسين مبلغ ثابت شهريا يعينه على مطلبات اسرته وفى نهاية العام تتم المحاسبه .

وحينما سمع الرجل ذلك استبدت به الدهشة فاى مجنون يلقى بامواله فى كشك فقير بسيط كهذا لكن نظرة بحسن الثاقبه التى درست المنطقه جيدا اكدت له ان هذا الكشك منجم ذهب اذا تم ادارته بصورة صحيحه وتوافرت له عناصر ومقومات النجاح فففى محيطه توجد مدرسه وايضا ملعب كوره والعديد من الكافيهات التى بدات تنتشر فى نهاية التسعينات كم انه ياخذ ناصية شارعين وقد شاركه خاله الرأى نفسه حينما شاهد الموقع وبعد وقت ليس بالطويل تم الاتفاق بين بحسن وعم حسين واصبحا شريكين .


وقد كانت هدية خال بحسن له تصميم رائع جديد للكشك وتسهيل كل الاجراءات فى الحى التابع له الكشك وبعد اقل من شهر كان الكشك فى ابهى صورة وبتصميم غير تقليدى وتزينه كلمة( عم حسين كشك) وبخط انيق فى الطرف الايسر ادارة بحسن ولقد كانت هذه وجهة نظر بحسن تقديرا للرجل الكبير ولقد كانت نظرة الامتنان التى اطلت من عين الرجل حينما راى مافعلة بحسن ابلغ من اى كلمة شكر .

وبدأ بحسن مشروعه وكان يستيقظ مبكرا يصلى الفجر ويجلس يدعوا الله ويقرأ بعض آيات القرءان وان اسعفه الوقت يقرا فى اى من مواد دراسته وينزل سريعا ليفتح الكشك لطلبة المدارس والجامعات وللموظفين المتوجهين الى اعمالهم وحينما تقل الحركه على الساعه العاشره يكون عم حسين قد جاء ليجلس مكان بحسن من العاشره حتى الواحده او الثانيه ليذهب بحسن لكليته وعادة مايحرص بحسن على التواجد قبل خروج المدارس ففى ذلك الوقت تكون حركة البيع على أشدها .

ويوم بعد يوم كان الكشك يحقق اكبر مما تخيله بحسن بفضل ابتسامة وجهه وامانته كما انه اجتهد وعرف كيف ينمى موارده فاقام صداقات مع كل حارسى العقارات فى المنطقه كما انه صادق كل الاطفال والشباب وحرص ايضا على المعامله المهذبه مع كبار السن مما جعله محبوبا من جميع الفئات وبالتالى كشك بحسن اصبح علامه من علامات المنطقه بخلاف صداقته للموردين والموزعين التى ساعدته ان يدير رأس ماله بصوره جيدة.

وبعد العام الاول استطاع بحسن انا يدبر المبلغ الذى اقترضه من والدته بزيادة عشرة الالاف جنيه وفى احد الايام ذهب بحسن الى خاله وفاجأه وهو يعطيه المبلغ ويطلب منه ايداع اربعون الف فى حساب والدته ويطلب منه قبول العشرة الالاف جنيه منه اجرا على تصميم الكشك واجراءات تجديد التراخيص وما قام به خاله من اعمال وبعد شد وجذب قبل خاله ان ياخذ نقود والدته ليضعها لها ولكنه لم يقبل الحصول على اجر من بحسن عن التصميم وعلى الرغم من عند بحسن الى انه شعر بالحرج من توبيخ خاله وشكره على مساعدته له .

وعام تلو الاخر كان نجاح بحسن على المستوى التعليمى وعلى المستوى التجارى محل سعادة والدته وخاله وزوجته التى كانت ترى فى بحسن ذلك الشاب الذى استطاع ان يفطم نفسه بنفسه وتخلص من موروثات خاطئه وهى ان الاب والام المسؤلين تماما عن رعاية ابنائهم حتى سن ال21 وربما لسن الستين ايضا استطاع يحرر تفكيره ويتخلص من تلك الافكار التقليديه.

استطاع ان يصنع فارق فى حياته ومن شدة اعجابها به كان بحسن ومشروعه هو عنوان احد مقالاتها فى الجريده التى تعمل مراسله لها فقدمته على انه نموذج للانسان الذى استطاع ان يحقق فكرة ان الايمان بمبدأ او عقيده معينه هى طريقك لتحقيقها اى كانت الصعوبات ودائما كانت تحث ابنائها على الرغم من صغر سنهم على التعلم من بحسن .


لكن بحسن كان ينغص عليه ان والده لا يعرف حتى الان بامر الكشك حتى اخوته لم يعرف منهم احد سوى شريفه وفى العام النهائى لبحسن فى الكليه ومع اقتراب الامتحانات حدث مالم يكن فى الحسبان فقد توفى عم حسين وقبل وفاته اخذ العهد من بحسن على رعاية اولاده وبناته وقد وعده بحسن وكان على العهد لكن وفاة عم حسين سببت لبحسن مشكلة فم سيجلس فى الكشك فى اوقات الامتحانات والمذاكرة فهو لن يستطيع ان ياتمن احد ولن ستطيع اغلاقه .

وفى احد الايام وبحسن شارد الذهن يفكر فى تلك المشكله جاءه مراهق فى الرابعة عشر من عمره وقال له :

على استحياء: (( الاستاذ بحسن ؟؟))

فاجابه بحسن فى لامبالاه : (( اى خدمه ))

فقال فى تأدب ملحوظ: (( انا على مش فاكرنى ؟؟؟))

فاعتدل بحسن وقال فى استفهام: (( مش واخد بالى فكرنى))

فقال المراهق : (( انا كنت باجى اشترى من عندك ايام مكنت فى المدرسه اللى فى اخر الشارع))

فقال بحسن وقد قطب حاجبيه: (( معلش يا حبيبى اصلى دماغى مدوشه هو انا مش فاكر اوى بس أمر اى خدمه))

فقال المراهق وقد استبد به الاحراج : (( انا حضرتك سبت المدرسه من سنه عشان اصرف على امى واخويا لما ابويا مات واشتغلت كذا شغلانه بس اتبهدلت اوى وبعدين عم عويس بواب العماره بتاعت الرحمه قالى اجى ليك يمكن يكون عندك شغل ليا وبيقولك بأمارة العنب))

فنظر اليه بحسن بنظره فحاصه فعلى الرغم من حداثة سنه الا انه يتمتع بطول فارع كما ان علامات الذكاء تبدوا فى عينيه وملامحه تنم عن طيبه شديده فقال له بحسن متسائلا : (( انت ساكن فين ياعلى ))

فقال على فى حماس: (( فى الشارع اللى وراك حضرتك انا بن سعيد بواب عمارة التيسير ))

فقال على مندهشا : (( اللى اتوفى فى حادثة الميكروباص السنه اللى فاتت ؟؟))

فقال على فى تأثر: (( ايوه))


فقال بحسن ليغير حالة الحوار: (( قولى ياعلى شاطر فى الحساب ))

فقال فى حماس : (( اه والله انا كنت شاطر اوى بس الظروف بقى))

فقال بحسن بابتسامته المميزه التى تأثر القلوب :(( طيب عدى عليا بكره بعد العصر يا على ))

فغادره الفتى وظل بحسن يفكر فى مكانه ويشعر ان الله قد ساق له هذا الفتى ليحل له تلك المشكله وهو على هذا الحال مر عليه عويس الحارس الذى ارسل اليه علي فاستفسر منه بحسن عن الفتى وسمعته واهله وحاله وكانت كلها اجابات مطمئنه جدا خصوصا انه بن المنطقه واهله بها فلو حدث لاقدر الله شىء سيستطيع بحسن العثور عليه كما الولد يتسم بالذكاء وسرعة البديهه وعليه قرر بحسن التوكل على الله وتشغيله معه .

وعند تلك النقطه توقف بحسن عن جر الذكريات فقد وصل لمنزل عم حسين وحينما صعد ليطمئن على الفتايات كانت هناك مفاجأه فى انتظاره .

*********************************
حينما قرأ على الكلمات المدونه فى الورقه التى اعطاها له صديقه وهوى على المقعد مرددا عبارة(( مش ممكن مش ممكن)) كان ذلك لان الورقه كانت تحمل كلمات بسيطه : (( غير مسموح بالاطلاع على الملف دواعى امنيه عليا ))

مع ملحوظه قالها صديقه له شفويا بعد ذلك وهى : (( على الموضوع ده كبير قول لحماك ميدعبثش كتير ورا ابنه المره اللى فاتت سابوه لانه معرفش غير اللى هما عايزينه يعرفه المره الجايه محدش عارف وانت عارف كويس المسائل اللى زى دى محدش هيهرج فيها ))

فقال على وهو يجاهد لتخرج الكلمات: (( بس انا مش فاهم يعنى هو متورط فى حاجة كبيره اوى كده ولا ايه الموضوع لازم اطمن يا شادى مينفعش انا كده قلقت ))

فقال شادى : (( اللى اعرفه واللى وصلنى لما جاتلهم معلومات انى بسأل وبتحرى عن العنوان اللى قلتلى انه بيتردد عليه قولتهولك معنديش حاجه تانى صدقنى))

فسكت على برهه ثم نهض مودعا صديقه فهو يعلم جيدا معنى تلك العباره وسواء كان صديقه يعلم شيئا او لا يعلم فعلا فلن يتفوه بكلمه طالما الامر على هذا النحو ولكن هذا لم يمنعه ان يستبد به القلق على زوجته واهلها وعلى نفسه فلو ان بحسن متورط بالسلب فى امر يضر بمصلحة مصر فهى نهاية الجميع كل تلك الافكار كانت تدور فى ذهنه.

ووجد انه على هذه الحاله لن يستطيع مواجهة زوجته فذهب لمكتبه فقد كان الفجر اوشك على الاذان وظل فيه حتى الصباح وفى حوالى الساعه العاشره انطلق عائدا الى المستشفى

وحينها حاول ان يرسم ابتسامه على وجهه حتى لا ينقل قلقه الى الاخرين وبادر زوجته قائلا : (( ازى عمى دلوقت ؟؟))

فتنهدت تنهديه حاره وهى تقول بصوت باكى : (( لسه مفقش من الغيبوبه – انا خايفه اوى ياعلى احسن بابا يجراله حاجة؟))

فربت على كتفها وهو يحتضنها مطمئنا: (( ان شاء الله هيقوم منها بس انتوا ادعولوا))

ثم اكمل : (( لسه بحسن معرفش؟؟؟))

فقالت : (( لا كالعادة مبيردش على موبايله شاكله راميه فى البيت بس شرف سافرله ))

فقال وهو يجذبها فى اتجاه امها: (( تعالى نشوف مامتك وخليكى قويه عشان هى متتعبش ))

فى جانب اخر كانت شاهيناز فى حالة انهيار تام وكانت والدة على واخته يحاولان التهدئه من روعها دون جدوى وكان شريف فى تلك اللحظه يجلس مع الطبيب محاولا ان يفهم منه طبيعة حالة والده بالظبط وماهى نسبة الخطوره وفجاءه وفى خضم كل تلك الاحداث علت فجاءه اصوات هرج ومرج ودق جرس الطوارىء فى المستشفى وهرع الاطباء والممرضات الكل فى اتجاه واحد باب الطوارىء.

وبدون وعى وبتصرف تلقائى هرول شريف خلف الطبيب وهرول على وشريفه وشاهنده واهله الكل فى نفس الاتجاه حتى انهم لم يسمعوا كلمة والدتهم التى انتابها الذعر وهى تقول: (( طمنونى يا ولاد فى ايه ؟؟؟))

وحينما وصل الجميع كانت فى انتظارهم مفاجأه سيارات اسعاف تأتى من كل حدب وصوب محملة بجثث ومصابين بشكل يفوق التصور وبدون تفكير بدأ الجميع فى المساعده الكل اجتمع على قلب رجل واحد هذا على ينطلق ليحمل المصابين مع الاخرين وهذا شريف يستقبل الحالات ويحاول الاسعاف فهو طبيب ووالد على يساعد فى نقل الجثث بعيدا الى المشرحه وهو يردد عبارة (( لا اله الا الله)) وشريفه وشاهنده وحماتها واخت زوجها اصبحن ممرضات ينقلن الادويه والمواد لمساعدة الاطباء والممرضات واصبحت المستشفى كخلية نحل حتى ان الجميع نسى ان يعرف ما الامر .

ووجدت شريفه على ينطلق نحوها وهو يقول على نحو عاجل : (( شريفه انا جالى استدعاء حالا معلش هبقى اتصل كل شويه أطمن على عمى))

فامسكت به وهى تقول فى توتر : (( فى ايه ياعلى ؟؟؟ ايه الحكايه؟؟ ايه اللى حصل؟؟؟ طمنى ))

فقال وهو يتجه صوب الباب وهى تهرول خلفه: (( فى قطرين دخلو فى بعض والدنيا مقلوبه ))

فوضعت شريفه يدها على قلبها بصوره عفويه وهى تصرخ: (( يالهوى ))

ثم قالت وهى تجاهد للحاق به : (( طب طمنى ياعلى كل شويه )) ولكن كلماتها ضاعت وسط الضجيج .

حينما وصل على موقع الحادث كان المشهد يفوق التصور كان الخراب لا يحتاج لتعبير وكانت الحرائق مزالت مشتعله فى القطارين وعمليات الانقاذ مازالت تسرى على قدم وساق فلمح صديقه عادل فى موقع الحادث فانطلق اليه قائلا وعينيه تفحص الحطام : ( القطر ين تم اخلائهم ولا لسه فى نا س جوه ))

فنظر عادل بحزن قائلا فى غضب: (( الجثث بالمئات يا على الناس محبوسه جوه مش عارفين نطلعهم دى مصيبه ))

فقال على وهو يعتلى احد العربات المقلوبه وخلفه عادل: (( حصلت ازاى المصيبه دى ؟؟))

فقال عادل : (( قطر من ال2 خرج عن القضبان ودخل فى التانى عند المزلقان زى ماانت شايف 18 عربيه ادمروا غير انهم دخلو فى المحلات وطلعوا بره القضبان خالص))

فقال : (( وكانت الساعه كام ؟؟))

فاجاب عادل: (( الساعه 11 قبل الضهر ))

فقال على وهو يساعد رجال الدفاع المدنى وهم يحاولون كسر احد الابوب لاخراج بعض الاحياء من الداخل : (( عايز تقرير عن العربيات اللى لسه الناس جواها وتقدير مبدئى عن عددهم بسرعه)) قال ذلك وهو يقفز للداخل قبل الجميع بعد ان نجحوا فى احداث فجوه للمرور .

دعونا نقف قليلا لنرى المشهد بصوره اكثر عمق ففى هذا المكان تستطيع ان تشم رائحة الموت جيدا تستطيع ان تعرف قيمة الحياه كما انك تستوعب وربما للمره الاولى فى حياتك قيمة الوقت وجبروت الزمن الذى تحاول ان تسابقه تستطيع ان ترى الوجوه الحقيقيه للبشر وليست تلك التى نراها فى حياتنا اليوميه ترى الشجاعه والبطوله تتجلى فى ابهى صورها ترى التضحيه والفداء ساطعة كالشمس ترى الرحمه نعم الرحمه تراها تزين كل تصرف من التصرفات .

ترى المصرى كريم العنصرين فقط دون ان تستطيع ان تفرق بين مسلم وقبطى غنى و فقير مهندس و عامل فهل هذا يجعلك تفكر لما فى تلك اللحظات العصيبه فقط نرى حقيقتنا ؟؟

حينما قفز على داخل تلك العربه كان الدخان يتصاعد واصوات الاستغاثه تأتى من الداخل تحمل معها رائحة الموت ولقد حدث مالم يكن فى الحسبان فقد حدث انفجار فى مؤخرة تلك العربه واشتعلت النيران وتعالى الصراخ والنقيب علي بالداخل واشتعل الموقف اكثر من اشتعال القطار.

********************************
على غير عادتها استيقظت نشوى السباعى متأخره فى هذا اليوم وربما يرجع ذلك لانه قد اصابها ارق ليلة امس ولم يفارقها الا عند الفجر فقد كان ذهنها يحاول ربط الخيوط ببعضها فى محاوله مستميته لتكوين صورة لتلك القضيه ولكنها لم تستطيع فالمعلومات شحيحه جدا وشخصية المقتول غامضة كما ان اخذت تتسائل اين مفتاح سيارة القتيل الجديده ؟ولما يحتفظ بالمفتاح القدي؟م واين السياره القديمه؟ ولما قتل؟وماهى علاقة بحسن بالقتيل ؟ كلها اسئله لم تستطع الرد عليها مما جعلها تصاب بالارق حتى غلبها النوم من كثرة التعب والارهاق.

وحينما نظرت فى ساعتها وكانت عقاربها تشير للحادية عشرة صباحا قفزت على نحو عاجل فى اتجاه الحمام وهى تصرخ : (( يانهاااااار اسود ؟؟؟))

واغسلت ووجهها على عجل ثم تذكرت انها لم تنظف اسنانها فعادت مرة اخرى مسرعه ثم عادت لغرفتها ثم شرعت فى ارتداء ملابسها فى سرعه واثناء ذلك نظرت الى هيئتها فى المرءاه فوجدت انها عااااار فتشنجت وضربت الهواء بيدها بحركه طفوليه وهى تصدر اصوات تذمر وقفزت فى اتجاه الحمام لتاخذ حمام بارد ينعشها ويطرد اثار الارهاق وقلة النوم من وجهها كل هذا ووالدتها تراقبها من بعيد واخيرا انتهت .

وحينما خرجت من غرفتها وجدت والدتها تنظر اليها نظره تعرفها جيدا فقالت فى مرح: (( ايه ؟؟؟ ناويالى على ايه؟؟))

فقالت والدتها وهى تتنهد تنهيده حاره: (( مفيش فايده فيكى انتى لو كنتى طلعتى ولد كان هيبقى احسن))

فقالت نشوى وهى تحتتضنها وتقبلها : (( طب بزمتك فى واد هيبقى زى القمر كده زى بنتك ))

فقالت والدتها بسخريه: (( القمر مبهدل نفسه فى شغلانة مجرمين ولابسلى لبس ولاد ايه اللى انتى لابساه دة؟؟))

فقالت نشوى وهى ترشف رشفه من فنجان الشاى التى اعدته لها والدتها : (( مامتى هنعيد الكلام تانى انا بنت اموره بيقولوا لكن كمان مش هخلى جمالى وكونى بنت يقضوا على شخصيتى ونجاحى انا بحب شغلى وشايفه انه ليه هدف احسن كتير من الوقفه قدام المرايه ولا قعدة النوادى ))

فاجابت والدتها فى استياء: (( محدش قالك اعملى كده بس اشتغلى حاجه تانى بلاش الحوادث والتحقيقات دى يابنتى دول مجرمين ممكن يخلصوا عليكى اكتبى فى الفن فى الموضه اكتبى نكت كده يعنى ))

فقالت نشوى بنبرة ساخرة : (( طب ولما انا اعمل كده الهايفين هيكلوا عيش منين ؟؟؟))

ثم اكملت قبل ان تستطرد والدتها فى المحاضرة المعتاده : (( ماما عشان خطرى ادعيلى وبلاش كل شويه تحسسينى انى مزعلاكى كده خلاص ياست الكل ))

فنظرة اليها والدتها نظره حانيه وحتضنتها بقوه وهمست فى اذنها قائله : (( ربنا يحميكى يابنتى ))

وبكن تلك اللحظه الدافئه فقد دق رنين الهاتف الخلوى لنشوى فاجابت فى سرعه قائله : (( والله اسفه اوى يا سالم معلش راحت عليا نومه ربع ساعه واكون عندك و........))

ثم تغيرت ملامح وجهها فجاءه وقالتف ى لهفة: (( يانهار اسود—والضحايا كتير لالا انا جايالك على طول مسافة السكه بس سلمى تحضر بيانات عن القطرين وركابهم بسرعه ))

ثم انطلقت ووالدتها تقول فى فزع : (( فى ايه يانشوى طمنينى يابنتى ))


فقالت نشوى قبل ان تغلق الباب: (( افتحى ياماما التلفزيون وانتى تعرفى)) ثم اغلقت الباب خلفها .

فهرولت الام للتلفاز وشغلته وما ان اضاء حتى طالعتها صورة لموقع حادث القطارين وعمليات الانقاذ فهوت على اقرب مقعد وامسكت صدرها بشده فقد احست بنقباضه واخذت تتابع ماتنقله وسائل الاعلام.

حينما وصلت نشوى الجريده قابلها سالم على سلم الجريده فقد كان فى انتظارها مع عربية بها مصورين ومراسلين يستعدون للانطلاق لموقع الحادث وطوال الطريق اخذ فريق العمل فى متابعة احدث التطورات عن طريق الهواتف وتلقى البيانات عن طريق الانترنت كل هذا داخل سياره ميكروباص عادية المظهر من الخارج ولكنها فى الداخل كانت خلية نحل .

وعلى الساعه الرابعه عصرا وصلت السياره الى موقع الحادث الذى كان مكتظ بوكالات الانباء والصحف وقبلهم رجال الشرطة والدفاع المدنى والاسعاف بخلاف فرق الانقاذ التى تكونت تلقائيا من المواطنين العاديين ومازالت بعض العربات مشتعله ومازال هناك جثث ومازال هناك مصابين وكانت الامور تزداد سوء وعلى الفور انطلق المصورين يلتقطون الصور للحطام وللضحايا ولكل شبر فى الموقع والمراسلين البعض انطلق للمستشفيات والبعض الاخر ظل فى الموقع لمتابعة الازمة .

وانطلقت نشوى واذ بها تجد ام تبكى وتصرخ بحثا عن اطفالها وهذا رجل يهرول كالمجنون يبحث عن زوجته بين الحطام وهذا شاب ملقى على الارض ينزف من جبهته وقد شلت الصدمه لسانه وحركته وهذا عجوز لا يملك سوى الدموع ليشارك بها والعديد والعديد من المشاهد التى لن يفيد الخوض فى تفاصيلها سوى الالم والحسره .

واثناء ذلك وجدت نشوى تجمع كبير فى منطقه معينة ومحاولات حثيثه لاخماد حريق كبير وحينما استرقت السمع والاخبار علمت ان بالداخل رجال انقاذ ومصابين وضحايا والنار تحاصرهم وحديد القطار يقسوا عليهم ولا يريد ان يلين كما قست عليهم الحياه .

وانطلقت نشوى تسجل وتدون روايات الشهود وبعض المصابين فى ساحة التصادم واثناء حركتها السريعه والنشطه لمحت عينيها شبح تعرفه ولكن من كثرة الزحمه لم تتبينه جيدا وعادت لعملها وفجاءه اذا بها امام اخر شخص يمكن ان تتوقع رؤيته فى هذا المكان وانعقد لسانها من هول المفاجأه .

ودائما للحديث بقيه............... ال ن ســــــــــــــــــاج

**********************************************

الخميس، أكتوبر 16، 2008

اخبار بلدن اليومين اللى فاتو-16 اكتوبر2008


اخبار بلدنا اليومين اللى فاتوا 16-10-2008
=======================
مدرسة بنات فى الدقهليه المدير بتاعها بيحولها بليل لصالة افراح وسبوع وطهور ولما تمت مواجهتة قالك المديريه عارفه كل حاجه واحنا واخدين اذن بتحويل المدرسه لنادى اجتماعى عشان نزود موارد المدرسه وربنا يجعل بيت المحسنين عمار على طريقة مراكز الشباب فى فيلم التجربه الدانماركيه واهو كله انشطه.

لما الموضوع وسع وكبر قامت المديريه قايله لا احنا منعرفش حاجه وملناش دعوه وباعوا المدير ياعينى واهو المحافظ حوله للتحقيق ووقفه عن العمل وضاعت السبوبه اللى كان بيسترزق منها الكل وسلملى على وزير التربيه والتعليم وعلى الكادر الخاص.

المحكمه غرمت كل من الصحفى عادل حموده والصحفى محمد الباز 80 الف جند لكل واحد فيهم فى قضية سب شيخ الازهر وتم دفع الغرامه فى المحكمه يعنى 160 الف جند اهم ينفعوا برده الراجل على غلاء المشيعه ومصائب قوم عند قوم فوائد .

كان فى طياره رايحه سويسرا الاسبوع اللى فات الطياره دى كان عليها وفد برلمانى رفيع المحتوى بقيادة المايسترو د احمد فتحى سرور وكمان كان عليها جميله اسماعيل زوجة ايمن نور ومع ان ال2 وجهتهم واحده هو مؤتمر البرلمان الدولى لكن كا واحد فيهم هدفه حاجه تانيه الوفد لحضور المؤتمر وجميله عشان تعرض قضية زوجها .

ويوم الاربعاء عقدت لجنة حقوق الانسان فى المؤتمر جلسه لمناقشة تقرير يطالب السلطات المصريه بالافراج الصحى عن ايمن نور لكن الوفد رفض انه يحضر الجلسه وطبعا ادوا الفرصه لجميله انها تثبت التعنت ضد زوجها ويعتبر ده غياب غير مبرر اى كانت الموانع .

وزير البيئه ماجد جورج كان رايح الشرقيه والقليوبيه بخط سير محدد من الوزارة وطبعا كله كان عارف ومظبط نفسه قام الوزير فى الطريق مغير خط السير كله وبالتالى ظبط بلاوى واهمال جسيم واكتشف بنفسه 3 حرائق لحرق الأرز وحرر بنفسه مخالفات للفلاحين وعنف مدير الامن والقيادات المحليه على اهمالهم فى تطبيق القانون وعدم متابعة الفلاحين اما براوة ياسيادة الوزير

كان من ضمن جولة الوزير افتتاح مصنع لانتاج الوقود الحيوى من قش الارز عشان محدش يبقى ليه حجه وتم افتتاحه فى الشرقيه ويارب الناس متتستسهلش ونبطل اهمال وتلوث.

النائب طلعت السادات يصرح البرلمان المصرى بلا فايده ولا عايده وتوزيع ميزانيته على الفقراء افضل كلام زى الفل كلام فى الجون يسمع من بقكك ربنا .

تقير حكومى يقول مصر مقبله على مجاعه مائيه بحلول2025 و60% من الاراضى لن تجد المياه وسلملى على المدن الجديده وملاعب الجولف .

تقرق حكومى يكتشف اختلاط مياه الشرب بالصرف الصحى فى المنيا ورئيس المدينه بكل سماجه ولا مبالاه يقول التحاليل تحتمل الخطا طب مسؤل زى ده نجبله مين عشان يصدق اعتقد لو قدرنا نقنع ام العيال بالازمه هيبقى افضل هى ليها اكيد طريقتها تخليه يمشى على العجين ميلخبطوش وساعتها هيشوف حل فى المصيبه بدل مايحاول يطرمخ عليها.

وزير الصحه اثناء زيارته لمستشفى الاقصر العام قال اللى انا شايفه ده مش مستشفى واتخذ مجموعه من التدابير والاجراءات لاصلاح الوضع واهى خطوه فى طرق المليون خطوه يمكن احفادنا يجى عليهم يوم ويشوفوا بلدهم بتعالج الناس وتهتم بيهم صح مش سمك لبن تمر هندى كالعاده.

الحكومه استسهلت وقالتلك مفيش جثث تانى فى الدويقه قام الاهالى مأجرين معدات وطلعوا جثتين لا تعليق .

كان زمان المرور بيقف والدنيا بتتعطل عشان الرئيس معدى واهوا كنا بنحاول نبلعها بس حاليا بقى كمان رئيس الوزرا كل مينزل تشريفته تعطل الدنيا والمحور يشهد الاسبوع اللى فات افتكر ان زمن التشريفات والافلام دى والدنيا تقف عشان واحد هيعدى بقت موضه قديمه ياريت المسؤلين يراجعوا نفسهم لان الناس لا بقى ينضحك عليها ولا بقت تخاف .

احالة 9 قضاه بمجلس الدوله الى التاديبيه للتحقيق فى مسائل تتعلق بسلوكهم المهنى والوظيفى وكلهم قضاه صغيرين لسه فى اول السلم ولاد قضاه كبار ومسؤلين تقال بس ديلهم مش اد كده غاويين ستات واماكن مشبوهه وسلملى على قوانين الالتحاق بالنيابه اللى تم اختصارها فى كلمه واحده انت بن مين انت واسطتك مين لكن انت مين امكانياتك ايه مبقاش مهم دول اللى هيحكموا بالعدل بين الناس شوفتوا انكت من كده طبعا قرار سليم من المجلس الخاص واما براوه يمكن كفة الميزان تتعدل.

توبيك فتح مخك يا بيه
http://www.facebook.com/topic.php?topic=6135&uid=4100414284

هذا النقد لانفسنا قبل ان يكون لغيرنا وهو لمسئولين وليس لاشخاص فلايزايد احد على حب مصر فكلنا نحبها وكم اتمنى ان تكون كل اخبارى بعنوان اما براوه وكم انا حريص على الارتقاء بلغة الحوار والنقد حتى نكون موضوعيين فاختلافنا هدفه التكامل وليس التضاد.

واخيرا وليس أخرا مصر هتفضل غالية عليا.

=====================================

ال ن ســــــــــــــــــــــــــاج

الجزء الثالث..... مين اللى سرق بحسن ؟؟؟

-3-
كم هى سريعه الحياه فما ان تبدا حتى نجد انفسنا نصل لنهاية الرحله مهما كانت الفتره الفاصله بين نقطة البدايه ونقطة النهايه سواء كانت تلك الفتره شاقه أم مريحه ، هادئه أم صاخبه ، مترفه أم فقيره كل تلك المعانى كانت تمر فى ذهن بحسن وهو يقوم باستخراج تصاريح الدفن للسيده زينب عبدالسلام.

وجنح به شريط الذكريات عند اليوم الذى وصل فيه الى القاهره وكان ذلك منذ اتنتى عشر عام حينما هبط من الميكروباص وذهنه مشتت فهو لم يكن يدرى هل مافعله صواب ام خطا هل سيسامحه والده ام لا فمازال يتذكر لحظة سفره حينما رفض والده رؤيته او وداعه ونظرات امه الحانيه ودموعها التى لم تتوقف ودموع اخوته ولكنه كان يداخله شعور غريب انه سيحقق ما يتمنى .

وترك نفسه للانبهار بشوارع القاهره الكبيره وطلب من خاله الذى كان فى انتظاره فى المحطه ان يطوف به شوارع المحروسه اراد ان يرى حديقة الحيونات من الخارج ويرى كوبرى قصر النيل والاوبرا وجامعة القاهره والاهرامات والمتحف المصرى كان يريد ان يرى كل شىء فى نفس الوقت شأنه شأن الجائع الذى وجد ضالته ويريد ان يأكل بنهم .

استقر بحسن فى منزل خاله شاكر فتره الى ان تعود على القاهره ولقد كانت زوجة خاله غاية فى الرقه والارستقراطيه فى التعامل معه فهى سيده تنحدر اصولها من عائله عريقه وهى من واجه خاله من اجلها كل شىء الى ان استطاع ان يفوز بها وبعد زواجهما سافرا سويا للخارج وعملا فى احدى الدول الاوروبيه حتى احسا بالاشتياق لمصر وقررا العوده والأستقرار بها وخال بحسن مهندس ديكور والسيده مريم زوجته تعمل كمراسله صحفيه لاحدى الصحف الاوروبيه فى مصر ويقطنان بمنطقة مصر الجديده ولديهما طفلين حمزه 11 سنه ومعاذ 7 سنوات ولقد احبهم بحسن جدا ولقد احبوه ولكنه كان يريد الاستقلال بحياته والاعتماد على نفسه لذا طلب من خاله البحث له عن شقه

فأقترح عليه خاله ان يجلس فى شقه من شقتين يمتلكهما فى نفس العقار ولكن بحسن رفض وطلب من خاله ايجاد شقه بايجار مناسب حتى يستطيع دفعه بعد ذلك فهو يريد ان يعتمد على نفسه فقط وامام اصرار بحسن استأجر له خاله شقته الحاليه فى الحى العاشر ومن يومها لم تتغير فى البدايه كانت والدته هى من تدفع له الايجار وترسل له كل مايحتاج وكان هذا الامر يزعجه بشده واخذ يبحث عن عمل فى هدوء حتى لا يثقل على والدته على الرغم من أن والدته من أسره ثريه.

ولكن بحسن بعزة نفس نادره يريد ان يكون رجل يعتمد على نفسه ليثبت لوالده وللجميع ان قراره كان صحيح وفى احد الايام وهو عائد من كليته يفكر فى كلمات والدته التى قالتها له قبل سفره والتى ظلت ترن فى أذنه (( بطل عند يا بحسن الدنيا وحشه خد وقتك وعيش سنك واعرف قدراتك وبلاش تبقى راجل قبل الاوان والا مش هتعرف تسد معاها ))

شد انتباهه رجل فى الخمسن من عمره يجلس امام كشك لم يكن ما لفت انتباه بحسن الرجل ولكن مالفت انتباهه عدد طلبة المدارس الهائل الذىن يقفوا امام الكشك ولا يجدون سوى زجاجات المياه الغازيه فقط فقد كان الكشك فى حاله يرثى لها ولا يوجد به شىء وصاحبه يبدوا عليه المرض .

راقب بحسن من بعيد هذا المنظر ثم مضى وعاد فى اليووم التالى ولكن صباحا وراقب الوضع ثم مضى وذهنه مشغول بفكرة مجنونه تلوح فى الافق ثم عاد للمره الثالثه ولكن فى المساء وراقب الحركه وجلس على الرصيف المقابل واخذ يفكر ثم فجأه قام واتجه لصاحب الكشك والقى عليه التحيه واخذ زجاجة ميرندا وجلس يدردش مع الرجل وحينما انتهى نفحه ضعف ثمن الزجاجه وانطلق الى منزله.

اثناء عودته اخذ يسترجع ما قاله عم حسين فهو متزوج ولديه 4 بنات يسكنون فى غرفه واحده فى احد عقارات الهيئة العربيه للتصنيع فى اول مكرم عبيد وتعمل زوجته فى تنضيف الشقق وعلى الرغم من حالتهم الماديه فان زوجته اصرت على ان تعلم البنات وحينما ساله كيف قال له: (( يابيه ربنا مبينساش حد وبيبارك فى الحلال حتى لو كان قليل))

وحينما سأله عن الكشك عرف منه انه ملكه أخذه من الحى منذ فتره طويله لكنه لا يملك مال لكى يملئه بالبضاعه كل هذا كان يدور فى ذهن بحسن طوال فترة عودته حتى انه دخل شقته وخلع ملابسه وأطفا الانوار ولم يزل هذا الامر مسيطر عليه وفى الصباح الباكر كان يتصل بوالدته وقد كانت الفكرة قد اختمرت وبرقت ولا ينقصها سوى التنفيذ.

اخترقت صرخات سعاد ومنى وعفاف وتهانى اذن بحسن فاخرجته من ذكرياته حزنا على والدتهم فاقترب منهم وقال لهم فى حزم : (( مش عايز صويت ))

فخفض الصوت قليلا ثم قال لعلى : (( خدهم روحهم البيت وانا هخلص كل حاجه وادفن وهحصلكم))

فقالت سعاد فى انهيار وهى تمسك يد بحسن : (( ابوس ايدك يااستاذ بحسن سبنا نروح معاك نودعها))

فقال بحسن بهدوء وهو يربت على كتفها وينظر فى عينيها مباشرة: (( هى مش محتاجه انكم تودعوها هى محتاجه انكم تدعولها والرسول منع ذهاب الستات للمقابر خلينا نعمل كل حاجه صح ممكن ))

فامسكت منى يد اختها وقالت: (( عندك حق يااستاذ بحسن يلا بينا يا بنات ))

قبل ان ينصرفوا قال بحسن بهدوء لهن جميعن : (( مش عايزين صويت وكلام فارغ وديعة ربنا واستردها ولازم تعرفوا انى مش هسبكم ابدا الا فى حاله واحده))

فقالت عفاف فى خوف وهى تحاول السيطره على دموعها: (( ايه هى ؟؟))

فابتسم فى هدوء وهى يمسك يد تهانى الاخت الصغرى: (( انى اجوز تهانى ساعتها يبقى كلكم فى بيوتكم ومش محتاجنى ))
فلاحت ابتسامه اطمئنان على شفاههم واستطاع بحسن بحكمه ان يسيطر على انفعالاتهم قليلا -هى لن تمنعهم من الحزن ولكنها ستمنعهم من الانهيار .

*******************************************

دخل علي وعلى وجهه علامات القلق وهو يقول متسائلا: (( فى ايه ياشريفه خضتينى – عمى حصله حاجه ؟ ))

فقالت شريفه وهى تمسك يده وتجلسه : (( لا يا حبيبى احنا بس عايزينك فى موضوع كونفدنشن ))

فقال على فى استنكار: (( كونفدنشن انتى بتهزرى – يعنى مسيبانى شغلى وجايبانى على ملا وشى وبتهزرى))

فقالت شريفه فى حزم مصطنع: (( وبعدين يا على ايه هنرغى كتير مش تسمع عايزينك فى ايه ))

فقال على فى استكانه : (( قولى يا روحى ))

فقالت شريفه وهى تغمز لشرف بطرف عينها : (( ايوه كده اجواز اخر زمن ميجوش الا بال .....))

فقال على فى نفاذ صبر: (( انجزى ياشريفه وبطلى استفزاز ))

فقالت بدلال وهى تداعب ازار قميصه : (( طبعا ياروحى انت ظابط اد الدنيا وليك مركزك وبتاع واكيد يعنى تعرف تجيب اى حاجه وتعمل اى حاجه وتعرف تجيب العيل من بذر العنب))

فنظر اليها على نظرة اشمئزاز وهو يلتفت لشريف ويقول: (( انتوا مربينها فين دى ؟؟؟))

فوخزته فى كتفه وتبدل صوتها للنقيض وهى تقول : (( ركز معايا هنا ومالكش دعوه بحد ))

فقال موافقا : (( قولى ياروحى انا معاكى ))

فقالت وهى تستجمع شجاعتها : (( عايزينك تراقب بحسن وتعرفلنا مين الست اللى ماشى معاها فى مصر ومتجوزها ولا لا وعرفها ازاى و...))

فقال مندهشا : (( ست مين وماشى معاها ايه براحه يا شريفه وفهمينى واحده واحده وبطلى الجنان ده ))

فقص شريف الامر على على كاملا كما رواه والده وحينما انتهى قال على وهو يقف ويهم بالانصراف: (( طيب متشغلوش بالكم انا هعرفلكم قرار الموضوع بس ادونى 24 ساعه ))

فقالت شريفه فى تناكه : (( كتير ))

فنظر اليها على نظره ذات مغزى ولم يتفوه بكلمه فقالت محاولة دفعه للأشتباك معها: (( ايه مش مستعنى ترد عليا ماشى ياعلي هتروح منى فين اخر الليل هيلمنا سقف واحد ابقى ورينى بقى هتعمل ايه ))

فقال شرف: (( الله يكون فى عونك ياعلى بيه انت مستحملها ازاى دى ))

فقال على فى تأثر واضح : (( عشان تعرف بس ياشرف بيه انى انقذتكم وظلمت نفسى بجوازى من اختك))

فهمت شريفه لاطلاق عباراتها الناريه لولا ان سمع الجميع صراخ والدتها من اعلى فهرول الجميع اليها ليجدوا الحاج شاهر ملقى على الارض لا يتحرك فانطلق على وشرف يحملانه وقفز شريف يطلب سيارة اسعاف وامسكت شريفه وشاهيناز فى امهما ودموعهما تنهمر .

وبعد قليل كان الجميع يدلف الى المستشفى برفقة الحاج شاهر الذى دخل غرفة العنايه المركزه وبعد وقت ليس بالقصير خرج الطبيب وهو يخبرهم باصابته بذبحه صدريه ولكنه طمأنهم ان حالته ستكون مستقره

فقالت والدتهم بنبرة اقرب للصراخ : (( هاتولى بحسن حالا ))

فقال شرف : (( انا هسافر اجيبه دلوقتى هدى نفسك بس يااماما ))

وقال على : (( انا هروح مشوار وراجع مش هتاخر))

فقالت شريفه فى استنكار: (( هتمشى وتسبنا ؟؟؟))

فقال على فى صرامه : (( قلت مش هتأخر ))

وانطلق شرف بسيارته الى القاهره وفى تلك الاثناء كان علي يدلف الى مكتب صديق له فى امن الدوله بالمنصوره وبعد التحيه اخبره علي بالامر فامسك صديقه سماعة الهاتف وبعد محادثه ليست بالقصيره قال مخاطبا علي : (( ساعتين زمن يا على باشا وتاخد اللى انت عايزه ))

وانتظر على وصول التقرير على احر من الجمر ولكنه فى اثناء ذلك اتصل بوالده واسرته لكى يخبرهم بأمر دخول الحاج شاهر المستشفى لكى يسبقوه الى هناك كما انه أستأذن من صديقه لبعض الوقت وذهب الى منزله واحضر اموال وذهب للمستشفى ووضعها تحت الحساب ثم غادر مرة اخرى وذهب لمطعم شهير واتفق معه ليرسل طعام الى زوجته واسرتها ثم عاد مرة اخرى الى صديقه وحينما وصل

بادره صديقه فى لهفه قائلا : (( التقرير وصل ياعلي بس مش هتصدق اللى مكتوب فيه ))

فاختطف على التقرير من يد صديقه وما ان وقع بصره على المعلومات الموجوده فيه حتى انعقد لسانه ونظر لصديقه وهوى على اقرب مقعد وهو يقول: (( مش ممكن مش ممكن ))

******************************
حينما طالع القارىء جريدة الحريه فى ذلك اليوم كان خبر تلك الحادثه الغامضه يحتل صدر صفحة الحوادث تحت عنوان (( قتيل فى الاسانسير)) وكان موضوع ثرى نظرا للصور التى التقطت والاسلوب الشيق الذى استخدمته نشوى فى طرح الحادثه التى اعتمدت فيه على مغازلة القارىء واشاراكه فى التفكير عن طريق طرح التساؤلات العديده وقد تسبب هذا الانفراد الى نفاذ الجريده على غير العاده .

وقد حظيت نشوى وسالم بالتهنئه من جميع زملائهم ولكنهم سرعان ما انطلقا الى مديرية الامن وبالاخص للمباحث لمحاولة الوصول لاى معلومه جديده تفيدهم فى متابعة القضيه

وقابلت نشوى رئيس المباحث الذى بادرها قائلا : (( ايه يا نشوى انتى مش هتجبيها لبر تنشرى والقضيه لسه طازه انتوا كده هتبوظوا شغلنا))

ثم اكمل مخاطبا : (( وانت ياسالم انا هوزع صورة بشكلك فى كل اقسام البوليس عشان لو شافوك فى اى قضيه تتمسك – انت يابنى قرد انت صورة الصور دى ازاى))

فابتسم سالم قائلا: (( دى سر المهنه يا عصام باشا ))

واكملت نشوى : (( وبعدين ياافندم احنا عايزين نساعدكم مش نبوظ شغلكم ده انتوا ممكن تستفيدوا مننا اوى فى القضيه دى))

فنظر اليها عصام نظره ثاقبه وقال : (( نشوى يا سباعى متلعبيش اللعبه دى معايا وبعدين انا مش فاضلكم – الموضوع اللى انتو عايزينوا عند الرائد سعد النمر رئيس مباحث م نصر يلا غوروا ))

فقال سالم فى فرح وحماس : (( ربنا يخليك يا عصام باشا انا قلت لنشوى مافيش غير عصام باشا هو اللى هيدلنا ))

فقالت نشوى فى خفوت : (( يااكدااااااااب))

فابتسم سالم قائلا وهو يمسك يدها ويتحركا بحثا عن سعد النمر: (( قليل من الكدب كثير من العلاقات ))

فى ذلك اليوم لم تستطع نشوى او سالم مقابلة سعد لذا قررا ان يذهبا لموقع الجريمه لمحاولة العثور على اى معلومه حول القتيل فى محاولة لكشف ملابسات الحادث وحينما وصلا دارا حول المنطقه عدة مرات وكانت الساعه تقترب من السادسه مساء ولم يجدا اى شىء غير عادى ولكن نشوى التقطت الكشك يحتل مكانا مقابلا للعقار موقع الحادثه .

فقالت نشوى مخاطبه سالم : (( تعالى نشوف الكشك ده ممكن يكون عنده اى معلومه ولا حاجه))

فاقتربا اكثر وقال سالم : (( طب سبينى انا ادحلبه بالطريقه وانتى اعملى نفسك ولا واخده بالك احفظى بس اى حاجه هتتقال ))

واقتربا اكثر وقال سالم للشاب الذى يقف فى الكشك: (( 2 حلجة ساقعه و2 مولتوا وعلبه مارلبورو احمر يا نجم ))

فرد الرجل : (( عنيا ياباشا ))

فقال سالم : (( اسم الكريم ايه ؟؟؟))

فاجاب الشاب : (( على يا باشا ))

فقال سالم باسما وهو ياكل المولتو : (( ايه ياعم المنطقه دى بيقولوا فى قتيل اتقتل هنا امبارح وبتاع ))

فرد على فى تلقائيه : (( اه الاستاذ ادهم الله يرحمه))

فانتبهت كل حواس نشوى حينما ذكر الاسم فاكمل سالم وقد التقطت عيناه ملامح نشوى : (( ايه ده انت كنت تعرفوا ولا ايه ؟؟؟))

فرد الشاب: (( الكدب خيبه يابيه مش اعرفه اوى يعنى هو كان احيانا ييجى يااخد من عندى سجاير دافى دوف ودايما كان يسبلى بقشيش ))

فقال سالم: (( ده كان راجل كريم وكويس على كده امال قتلوه ليه ولاد ال ..))

فقال على فى تأثر : (( امر الله بقى الله يحرقهم ويارب يتمسكوا ويتعدموا ))

فاشعل سالم سيجاره ودفع بأخرى لعلى واشعلها له فرد على : (( ده واجب علينا ياباشا تسلم ))

ثم اكمل سالم : (( ده انا سمعت من ابن خالى اصله ساكن فى العماره معاه انه كان راجل عايش لوحده خالص ومحدش كان بيزوروه ابدا وكان بيختفى كتير))

فرد على موافقا : (( ايوه صح ياباشا ده كان كل فين وفين لما بشوفه ودايما لوحده ده حتى لما جاب عربيته الجديده محدش حس))

فانتبه سالم وقال مستفهما: (( هو كان عنده كذا عربيه ؟؟))

فقال على : (( مش عارف يابيه بس هو زمان كان معاه تويوتا وبعدين فجاءه بقى معاه لانسر اللى واقفه هناك دى ومعدناش بنشوف التويوتا دى خالص)) واشار الى موضع سياره لانسر كحلى تقف امام العماره

فخرجت نشوى عن صمتها فقد فاجأتها المعلومه : (( هو انت اخر مره شوفتوا امتى ؟؟ ))

فقال الشاب وهو يسترجع ذاكرته : (( من اسبوع كان عدى على الاستاذ بحسن وقعدوا يتكلموا سوا شويه وبعدين مشى ))

فقالت نشوى فى خفوت : (( بحسن؟؟؟))

اكمل سالم : (( مين الاستاذ بحسن ؟؟؟؟))

فقال على فى سرعه: (( صاحب الكشك – اصل الاستاذ بحسن ده علامه من علامات المنطقه مفيش حد فيكى يا منطقه ميعرفوش))

ثم اكمل فى حماس: (( تعرف سيادتك اهو الوحيد اللى كان بيقف معاه الاستاذ ادهم وممكن يطول فى الكلام هو الاستاذ بحسن ))

فقالت نشوى : (( بحسن ده اللى معاه فسبا زرقه ودايما مشغل ام كلثوم))

فرد على بحماس: (( ايوه ايوه هو حضرتك تعرفى الاستاذ))

نظر سالم نظرة اندهاش لنشوى التى قالت فجاءه : (( يلا بينا ))

فقال سالم وهما يمشيان سويا : (( ايه يابنتى في ايه ؟؟ انا كنت لسه هجبلك قرار بحسن ده- هو انتى تعرفيه ولا ايه ؟؟؟))

فقالت فى شرود: (( اعرفه الا اعرفه ده انا اعرفه كويس اوى ))

ثم نظرت لسالم وقالت له : (( عايزاك تشوفلى جدول الاوبرا ايه الاسبوع ده وتجبهولى ))

فقال سالم فى اندهاش: (( الاوبرا ؟؟؟))

فقالت نشوى وهى تستقل سيارتها : (( هفهمك بعدين المهم الجدول ده يبقى عندى بكره الصبح ))

ودائما للحديث بقيه............... ال ن ســــــــــــــــــاج

********************************