· احنا بنقول مصر اتغيرت بس فعلا مصر لسة متغيرتش هى فى بداية التغير
طب ازاي مصر هتتغير؟؟
لما ابطل اقول وانا مالي
لما ابطل ادفع رشوة عشان اريح دماغى وانجز
لما اعرف مين جاري واسال عليه
لما انضف منطقتى ومستناش حد ييجى يلم ذبالتي
لما اببطل عاكس ،واغض بصري ، بس مش هعمل كدة عشان منطق مانا لو عاكست اهلى هيتعاكسوا لا انا مش هعمل كدة لانه غلط وخلاص ..لا ن ده لا فى مروءة ولا شهامة والمصريين رجاله
لما امحي امية اى شخص اعرفه أمي
لما احترم العلماء والنابغيين مش اتريق عليهم
لما يكون هدفى انى اطلع ابني شخص ناجح فى مجاله مش مهم اية مجاله لكن المهم انه يكون شاطر فيه ، بلدنا محتاج شطار بجد
لما ابطل ارمى ذباله من شباك العربيه وانا ماشي
لما الغني يفكر ازاى يساعد بلدة ... عندنا عشوائيات كتير لية نستنى الحكومة لية ميبقاش فى جمعيات تزيل العشوائيات وتبنى للناس دى شقق محترمه ... على فكرة اول ناس هتساعدك تبنى ويبقى ايديهم فى ايدك اللى انت بتبني عشانهم
لما ناكل من ايدينا ونبطل استيراد
لما نشتري كل منتج صنع فى مصر وهو يبقى اول اهتماماتنا
لما العامل يتقن عمله وصاحب المصنع يتق الله
لما البنت تعرف تكون ام والرجل يبقى رجل بحق
مش هنقدر نلغى الكرة والحسد والحقد من قلوب البشر فهى امراض قديمة الاذل لكن نقدر نتوحد على اختلافنا عشان بلدنا وعشان نفسنا ولو من منطق مصلحتنا نبقى ايد واحدة
لما الظابط يحترمنى وانا اقدره
لما الخادم يشعر انه من اهل المنزل والسيد يعلم ان خادم القوم سيدهم
الافكار كتير جدا واليات التنفيذ بدون حصر ومش مهم ترد عليا او تقول كلام المهم تبقى مقتنع من جواك ان مصيرك ومصير بلدك فى ايدك، دور فى منطقتك على ناس شبهك وفكروا سوا ازاى تغيروا منطقتكم
فرد مع فرد بقيتوا مجموعة ، ومجموعة ويا مجموعة بقيتوا شريحة ، وشريحة جنب شريحة بقينا المجتمع
ياريت نتغير بجد بلدنا بقت بتاعتنا وملناش حجه ... يا ترى هنساعد بعض وبلدنا هتتغير بينا ولا سنفقد الامل ونتركها خراب لاجيال قادمة لن تسامحنا على هذا؟؟
واخيرا وليس اخرا مصر هتفضل غاليه عليا
ليست هناك تعليقات:
إرسال تعليق