شوفت صبيه على شط ميه واقفه وشارده فى شموخ
قعدت أبص وشويه أفكر تقرب يا واد ولا تدوخ
بيني وبينكم غلبني شوقي وقربت منها فى رضوخ
بصت بطرف عنيها ليا وشي اتخطف من الكسوف
بس المفاجاه ان الصبيه عيونها كانوا مدمعين
لما شافتني اخدت بالي مسحت دموعها فى كبرياء
حسمت أمري وشديت رحالي وقربت اكتر فى حياء
لاقيت نظره حزينه منها ووشها مليان جفاء
قلتلها مالك يا صبيه انتى مين وحكايته ايه؟؟
نطقت بحزن جحدني اهلى وباعني ناسي وضيعوا أرضي وكرامتي
سرقوا خيري ونصروا غيري وفرطوا فى عزي ومكانتي
حتى التاريخ شوهوه والحاضر دمروه والمستقبل سرقوه
دموعي سبقت كلامي وانا بصرخ من الجحوووود
قالتلي مالك يا صبي تكونش حزين مخضوض
استغربت من الكلام وقبلها من نظرة خصام
سألتها انتي مين ؟؟
قالتلى قولي قبله انت مين؟
قلتلها انا من البلد دي
قالتلى يعنى من اهلها..... من ناسها وشعبها
فرديت ايوة يا صبيه من اهلها من ناسها وشعبها
أنتى مين ؟
أنتى مين ؟
قالتلي انا
انا
انا مصر
بصيت لوشى فى الميه ماعرفتنيش وكانى واحد تانى مايخصنيش
صرخت فى وشي انت مين ؟؟
قالتلي بلدى ده سكوتك وضعفك ده خوفك وجبنك ده وشك اللى شوفته منك
ده وشك اللى بصيت بيه عليا فاخنتى زى غيرك وسرقتنى يوم ماسكت على سرقة غيرك
وبعتنى يوم ماشوفتنى بتباع وانت واقف بتتفرج
وكانى مش ارضك وعرضك
مش همك وحلمك
مش ارض ابوك وامك
وضيعت دم جدك اللى سال يوم حفر القنال
ودم عمك الشهيد اللى بطولاتة قهرت الاحتلال
وسابتنى الصبية
مشيت
وانا بصرخ ماتسبنيش يا مصر
مابعتكيش يامصر
ماخنتكيش يا مصر
مصر
مصر
مصر
.........................
هذه الكلمات لي قبل ان تكون لغيري لكل من يعيش على ارض مصر احنا فعلا بعنا بلدنا وبالرخيص كمان
هناك تعليق واحد:
tol 3omrek gamed
we de khaletek moftary
إرسال تعليق