ما اعرفش مالك ايه جرالك بتوه وتسرح كتير ليه ؟
بتحلم كتير وتخطط كتير واقف مكانك مابتتحركش ليه ؟
يوم ورا يوم بتجري الليالي والسن بيكبر والعمر بينقص والشعر الأبيض دق الببان
مش بمزاجك تفتح ببانك ده دور وداير وآن الأوان
تبص وراك تفتش فى عمرك تلاقي نفسك مالحقتش مكانك
ترجع لحلمك بتاع زمان وتتحسر على الأوهام
وتخدع نفسك وتقول :- اااااااااه ياعمري جريت أوام
وتقول يارتني أرجع زمان وكنت أحقق حلمي اللي كان
ولو حلمنا أنك رجعت .
وأن ليك عمرتاني
هيمر برده كاللأولاني
أصلك يا صاحبي بتحلم وبس
مافيش كماله بعد وبس
عشان كده هتعيش وبس
وتموت وبس
وبس
...........
ليست هناك تعليقات:
إرسال تعليق