فنان الشعب سيد درويش
بــــــــلدي
المبدع بديع خيري
================================
الخواطر مستوحاه من تيمة يا عزيز عينى لبديع خيرى وسيد درويش
بــــــــلدي
المبدع بديع خيري
================================
الخواطر مستوحاه من تيمة يا عزيز عينى لبديع خيرى وسيد درويش
===================
يا عزيز عينى وانا بدي أروح بلدى
بلدي يا بلدي والله مشتاق يا بلدى
سافرت بلاد وبلاد ولفيت بين العباد ما لاقيت زيك يا بلدي
ننجح مهما ننجح ونكبر مهما نكبر فراقك صعب يا بلدي
شهور وسنين بتعدى وكل يوم فى بعدك مش محسوب يا بلدي
فى الغربه قصص كفاح فيها الفشل والنجاح وياريته لمجد بلدى
يا عزيز عينى وانا بدي أروح بلدى
بلدي يا بلدي والله مشتاق يا بلدى
بلدي يا بلدي والله مشتاق يا بلدى
فى ساعة العصاري وقعدة الصحاب بحس بطعم بلدي
فى لمة الاحباب والضحك ورا كل باب بشم ريحة بلدي
فى اللف فى الشوارع وفى صوت الجوامع بشوف صورتك يا بلدي
مع اجراس الكنايس ومع فرحة كل فايز بعيش نصرك يابلدي
يا عزيز عينى وانا بدي أروح بلدى
بلدي يا بلدي والله مشتاق يا بلدى
نغضب مهما نغضب ونزعل مهما نزعل أنتى فى قلبى يا بلدي
ساكنه العين والنني وفى كل ضلع مني بتغنى بحب بلدي
ومهما كنت بعيد فى شدتك اكيد هكون جنبك يا بلدي
مع كل فرحة عيد ومع كل نصر جديد بتمنى أكون فى بلدي
يا عزيز عينى وانا بدي أروح بلدى
بلدي يا بلدي والله مشتاق يا بلدى
بلدي يا بلدي والله مشتاق يا بلدى
لما احمد مات شهيد مينا ماكنش بعيد و الكل فداكى يا بلدي
على ارض سينا أتجمعوا وفوق رملها حاربوا وأجمعوا على نصرك يا بلدي
ناس بتزرع ويا بعض ولما تحصد تدى بعض هى دى ناسك يابلدى
مذكوره فى كل دين... من أبد السنين ...بالخير والله يا بلدي
يا عزيز عينى وانا بدي أروح بلدى
بلدي يا بلدي والله مشتاق يا بلدى
مستنى يوم عيدي يوم ماأرجعلك وأيدي مليانه بالخير يا بلدي
كنانة كل عصر ...أنا بلدي هى مصر ...بصرخ بيها يا بلدي
عرابى كان البدايه وكامل نشر الحكايه وسعد لف بيها لأجل عيونك يا بلدي
عشقى ليكى مالوش حدود زيهم وزى الجدوود وده قليل يا بلدي
يا عزيز عينى وانا بدي أروح بلدى
بلدي يا بلدي والله مشتاق يا بلدى
بلدي يا بلدي والله مشتاق يا بلدى
بلدي بلد الخير والزرع ويا الطير عاشقين لأرض بلدي
حصي الأرض اللي فيكي ...غار من حبي ليكي ...وأعمل أيه يا بلدي؟
بحبك من زمان وكان نفسلي أكون فنان يحفر صورتك يا بلدي
عاشقك من سنين وغلبنى الشوق والحنين وهرجعلك يا بلدي
يا عزيز عينى وانا بدي أروح بلدى ..... بلدي يابلدي بلد الاحرار يابلدي.....بلدي يا بلدي بلد الثوار يابلدي
بلدي يابلدي بلد الاحباب يابلدي...بلدى يا بلدي بلد احفادى وولدي
===============
ال ن ســــــــــــــــاج
هناك 4 تعليقات:
100 100
فى ساعة العصاري وقعدة الصحاب بحس بطعم بلدي
فى لمة الاحباب والضحك ورا كل باب بشم ريحة بلدي
فى اللف فى الشوارع وفى صوت الجوامع بشوف صورتك يا بلدي
مع اجراس الكنايس ومع فرحة كل فايز بعيش نصرك يابلدي
*****
تعرف
قريت الكلام كإني ف غربة
وحسيته أوي أوي
يمكن عشان هسافر خلال اسابيع واسيب مصر ؟
ولا يمكن عشان احنا حاسين باغتراب واحنا جوا بلدنا ؟
مش عارفه أشكرك على الكلمات دي ازاي
بشكرك جدا انك نقلتها وانك واحد من اللى بيقدروا الفن الأصيل ده
تقبل احترامي وتحياتي
:)
اشكرك على كلامك الجميل بس اصحح لحضرتك دى تأليفى وليست منقوله التيمه بس هى اللى اخدتها من التراث
اللى هى ياعزيز عينى
وصف عظيم لأحاسيس أعظم
شكراً لك يا هندسه على صياغة احاسيس القلب .. سبحان الله حب الوطن ده متعرفش حاجه كده بديهيه دا الواحد ساعات ميقدرش يستحمل ابوه في مواقف كتيرة لاكن الوطن حساباته غير كده او ممكن ميكنش ليه حسابات اساساً والغريب ان المشاعر دي تحسها مع المصريين ومصر اكتر من بلاد تاني!
تحس ان كلنا بنحب البلد وبنخاف عليها وبنفس الوقت تحس ان احنا بنضرها اكتر بخلافاتنا وتفرقنا او ع الاقل الاعلام مصورها كدة..ربنا يحمي مصر ويحمينا من شرورانفسنا
Osama Salama
إرسال تعليق