انا المصري كريم العنصرين مسيحي ويا مسلم ايد واحده مش اتنين
انا المصري بلدى مذكوره فى القرءان محروسه يا مصر فى كل أوان
انا المصري على أرضي كلم الله رسوله وأعطاه الوصايا اللى تصونه
انا المصري من بلاد طيبه فى طيبة شعبها متلاقيش طيبه
انا المصري بن النيل من كبريائة وشموخه اخدت كتير
انا المصري بانى الاهرمات شهدلى العالم باختلاف الثقافات
انا المصري قاهر الهكسوس شعب واحد ما يصيبوش السوس
انا المصري هزمت التتار اللى سفكوا دماء الشعوب انهار
انا المصري سند صلاح الدين وأسألوا عني يوم حطين
انا المصري قهرت الفرنساوية لا بجيوش ولا بسلاح لكن بنبل القضية
انا المصري عفريت الانجليز قاومهم الصبى والست حتى العواجيز
انا المصري أممت القنال وقاومت عدوان الفرنجه الاندال
انا المصري بنيت السد ماهو معدنى الاصيل يبان فى الجد
انا المصري طلعت الذخائر وقلتها بعلو صوتى انا فدا الجزائر
انا المصري وقعت فى النكسة وتانى يوم كنت ببنى الدشمه
انا المصري مذل الصهيونيه وعلى ارضى بطلوا عنجهيه
انا المصري عدو التطرف ومنهجى الوسطيه بدون تكلف
انا المصري بن البلد لشهامتى وجدعنتى قالوا ولد
انا المصري دمى خفيف النكته على لسانى قبل الرغيف
انا المصري معرفش الارهاب بسمع عنه زى سمعى عن الكباب
انا المصري ضد الارهاب
بصمتي
بعقلي
بفكري
بهمسي
بلساني
بقلمي
بكفي
بدراعي
هقاوم
هقاوم
هقاوم
الاوغاد
انا المصري كريم العنصرين مسلم ومسيحي شعب واحد مش شعبين
ليست هناك تعليقات:
إرسال تعليق