فى رثاء مروه الشربينى

ايه رئيك فى البقع الحمرا يا ضمير العالم يا ناسينى

ده لشابه مصريه وسمرا اسمها مروه الشربينى

دمها راسم دمعه راسم صرخه

راسم قوه وراسمم عزه

راسم نار وراسم عار

راسم اصرار

ضد العنصريه وغدر الاشرار

دمك يا مروه شابك فى رقاب كل العباد

وعمرى ماهنسى تارك مهما طال البعاد

ايه رأى حقوق الانسان وجمعيات الحريات فى كل مكان

فى اغتيال العقيده والايمان وحرية العباده والأديان

القتل كان فى ساحة العدل

قدام البشر كان الغدر

وقف الجميع يتفرج مافى شريف اتحرك

صمت الجميع مش عجز

ده خسه ونداله وغدر

دمك يا مروه شابك فى رقاب كل العباد
وعمرى ماهنسى تارك مهما طال البعاد

ايه رأى بتوع الحريه وشعب ألمانيا الأتحاديه

ايه رأى سفرا الانسانيه ومدعيين الحنيه

فى الطفل اللى شاف أمه بتموت قدام عنيه

وأبوه لما حاول يحميها كان الرصاص الرد عليه

مين هيدفع الثمن وهيقدم الكفن

مصطفى تاره عند مين؟؟

عند قاتل ولا شرطي ولا مجتمع كدابين

دمك يا مروه شابك فى رقاب كل العباد
وعمرى ماهنسى تارك مهما طال البعاد

ماتت مروه الشربينى وطفلها

وهيعيش بالحسره زوجها واهلها

ومصطفى كان كل ذنبه أنه أبنها

خلص الكلام

وماخلصش القتله واللئام

----------------------------

فى رثاء بنت بلدى مروه الشربينى

================================

رحم الله صلاح جاهين فقد استلهمت بداية الخواطر من قصيدته عن اغتيال اطفالنا فى مذبحة بحر البقر

يعنى ايه مصر؟

يعنى أية مصر؟


يعنى هرم ونيل وناس غلابة وطيبين ؟؟؟؟
يعنى مدنا وجرس وأصحاب أقباط على مسلمين ؟؟؟؟
يعنى شارع يعنى حارة يعنى عطفت شقيانين ؟؟؟؟


مصر هي كلمة ولا و لا معنى في قلبي عايش

مصر هي بسمة ولا و لا حزن في قلبي جايش

يعنى أيه ؟؟

يعنى بلدك يعنى أرضك يعنى عرض الفلاحين؟؟
يعنى حزنك يعنى فرحك يعنى الأيام والسنين ؟؟؟
يعنى أبنك يعنى بنتك يعنى أم المصريين ؟؟؟


مصر هي كلمة ولا و لا معنى في قلبي عايش

مصر هي بسمة ولا و لا حزن في قلبي جايش


يعنى أيه؟؟

يعنى حزنك ولا شجنك ولا ضعف المحتاجين ؟؟
يعنى ظلمه ولا نور ولا ضى السهرانيين؟؟؟
يعنى ظالم ولا جاحد ولا شوية مرتشين ؟؟؟

ولا مصر هي أصل لكل حكمه وكل آية ولا بلدك يا بن بلدي هي مشوار للنهاية

يعنى أيه ؟؟

بحبك يا بلدي

النـــــــــــــــــ ساج

حبيبتى والابتسامات الست

حبيبتي والابتسامات الست


حبيبتي تملك من الابتسامات ست

حينما تراها صباحا تستقبلك بابتسامة

وحينما تسعد وتفرح وجهها يضيء بابتسامة

وحينما تخجل تظهر حمرة ابتسامة

وحينما تنزعج وتحبس البكاء ترسم ابتسامة

وحينما تتذمر وتتمرد تفاجئك بابتسامة

وحينما تراني فهي الابتسامة

حبيبتي هي ابتسامة الحياة فكم كنت محظوظا حينما قابلتها وابتسمت لي الحياة

وكم كنت تعيسا حينما فقدتها دون أن تعرف كم أحببتها فأحببت الحياة

حبيبتي الآن سعيدة زوجة وأم كم اشتاق لأرى السعادة على وجهها

كم اشتاق لأرى ابتسامة من ابتساماتها

ولكن لا استطيع

فقد عاهدة نفسي منذ زمن بعيد ألا أراها أو اسمعها أو استنشق العطر السائل من فمها

فقد تفضحني عيناي أو يداي أو كلمات مبعثرة على شفتاي

حفظك الله يا نور عيناي وحلم صباي ومهجة قلبي وسلواى


النســــــــــــــــــــــــــــــــاج

القصيده الناقصه

القصيدة الناقصة


قبل مكتب اسمك على الورق انكتب اسمك على جبينى
قبل مرسم صورتك على الورق اترسمت قدام عينى
قبل متجرى المية على ارضك جرى الدم بين زرعك
جريحة يا فلسطين

ياللى الرضيع بيتولد يبكى وينوح على حالك
امة تيجى ترضعة يصرخ ويقول ماانا هالك
تقولة لية الاسى والدنيا لسة جيالك

الوش يرسم بكى والدمع يكسى العين
الجفن من تقل البكى يدبل على الخدين
والشفة فوق الشفة من الحزن مش قادرين
يرتفعوا عن بعضهم ويقولوا صلاح الدين

الام تبكى لحالة وتقولة ربك على الظالمين
يااما االدرة انقتل وتارة هيخدو مين
وقبلوا يااما انقتل وبردة مش عارفين
وبكرة غيرة هينقتل وبعدة الدور على مين

الدنيا حالها انقلب ولا احنا مش عايشين
رب الدار بينطرد واهلة وعيالة من الارض اللى زرعها يشهد على حالة
الزرع اللى تروى بالدم والاهات وشد عودة وكبر بدموع الامهات

يااما الحصى فى الارض اشتكى من سطوة المحتل
والرمل والصخر بكى بين الجبال والتل

عايزة الرضيع يستحمل دة كلة ويعيش وياكل ويجرى
ويلعب وكان غيرة مفيش
قلب الرضيع انفطر على الاب وعيالة والدار اللى انحرم
من اهلة واحبابة
كفكف دموعك ياوليدى يااملى فى بكرة وفى عيدى
دموعك سالت قبل الاوان باوان وقلبك انفطر بدل ميكون بركان
بركان قلبك ياابنى طوق نجاة لامة كل ذنبها بيت بتتمناة

اسمع يابنى اصل الحكاية وبايدك اكتبلها سطور النهاية

الحكاية يابنى مش طفل اتقتل ولابيت اتهدم
ولاكام قبر اتفتح واتردم
ولا الحكاية ام عاشت واب ربى وطفل كبر
وليلة فرحتة انكتبت النهاية لقصتة
ولا هى حكاية توب ابيض جميل معاة طرحة وديلة ابيض طويل
كان مستنى فرحتة يوم متيجى صحبتة
تلبسة يوم الزفاف يوم التمنى لربة الصون والعفاف
لكن الفرحة راحت من صوت الرصاص خافت
وماتت عروستنا ومعاها فرحتنا
والهم والالم مافرقوا بيتنا
والتوب بكىىى
التوب بكىى على البنيةالبنوتة الشقية الشهيدة صاحبة الدم الذكية


--------------------------------------------------------------------------------


ان اقل مايمكن ان اعبر به عما يجيش فى نفسى نحوكى يا درة اللة فى الارض هى الكلمات واعذرينى يا حبيبتى فان الكلمات تدوب على اعتاب اوراقى لااستطيع ان اكمل قصتكى ولن يستطيع احد ان يكملها فنهايتها بسواعد ابنائك بحلم نساءك بامل اطفالك ان النهاية بايدينا ياعرب



eng.ahmed.s.kotp

النســـــــاج

هى فكره

أغنية هى فكرة

هي فكره في البداية هو حلم مالوش نهاية
هي حملة من بلدنا خارجة تخاطب ولادنا
من أسوان لسكندريه من السلوم لسماعليه

هاتو أيديكوا في أيدينا نرفع شعار جديد

شعار حملتنا هو ( بلدنا بلد رجاله فى الاحترام ما فيش قواله )

خلى صوتنا يعلى بيه وقلوبنا تغنى ليه وكل حته فى بلدنا تخرج تنادى بيه
فى البيوت والشوارع فى الحوارى والمواقع فى المساجد والكنائس فى النوادى والمدارس

هاتو أيديكوا فى أيدينا نرفع شعار جديد

يلا نحلم ويا بعض يلا نخاف على بعض يلا ننسى من حايتنا كلمة معاكسة لبعض
يا بن بلدي وبنتها يا حته من قلبها هى مصر عايزه ايه غير أحترامكوا لأسمها
يلا بينا نبنى نعمر ونزرع أرضها ونلغى من حياتنا كل اللى يضرها

وهاتو أيديكوا في أيدينا نرفع شعار جديد

ال ن ســــــــــاج

كان فى يوم

كان في يوم


كان في يوم قعدت أفكر في حبيبتي ودنيتي هو يوم ما حلمت بيها وملت كيانى ووحدتى
تانى يوم نزلت أمشى وسط الأماني والعيون هو يوم ما عنيا وقعت على اللي قلبي أتمناها يوم


هي دى يا قلبي ولا ؟؟؟ . حلم جايز ينتهي . فووق يا قلبي بسرعة وأجرى لاحلم عمرك ينتهي .

قربت منها بشوق وود وفى عنيا أحلى الكلام بصت بخوف وبدهشة يمكن . من كلام منغير سلام
رسمت عنيها سؤال محير الشوق ده حب ولا أيه ؟؟

ردت عنيا من غير ما افكر الحب بينا يجى أيه !!

هي دى يا قلبي ولا ؟؟؟ . حلم جايز ينتهي . فووق يا قلبي بسرعة وأجرى لاحلم عمرك ينتهي .


جريت عنيها من بين عنيا جريت وراها وقعدت أجرى
وقفت عنيها على نظرة هي أكتر من اللي أتمناها قلبي

شافت عنيها خوف عنيا لا يكون ده حلم وعشت فيه
ضمت أيديها بحنيه أيدي . حنيه قالت حلم أية !!


وده كان يوم مش أي يوم ده أحلى يوم فى عمري أنا



ال ن ســـــــــاج

كلمات تضامنا مع حملة احترم نفسك

من وحى فكرة الحملة



أوعى تصدق أنك راجل .......أوعى تصدق انك بورم

عمر ما كان المصري خسيس...عمر ما كان المصري تلم

ترضى أعاكس أمك وأختك .... ترضى أخونك وأحرج أم

هي بلدنا ناقصة تخلف................ ولا بلدنا ناقصة الهم

يلا يا صاحبي وراجع نفسك........ أشغل بالك باللي أهم

وأنت يا شايب أنت يا والدي... يا للي غاوي معاكسه ولم

راعى سنك وارحم بنتك... وخاف من يوم يصيبك غم

و أنتي يا حلوه خافي الله... أصل الدنيا مجرد حلم

مهما نعيش وتمر سنين......هب في لحظه بره الفيلم

فيلم الدنيا ده فيلم مثير..مهما يطول أقصر من الحلم

أوعى يشدك أوعى يغرك ......هي القصة مجرد وهم

بلاها محزق بلاها ملزق ..... وبلاها كمان من غير كم

أصل يا شابه بلدنا في أزمة....و محدش ناقص حرقة دم

يلا يا بسمه يلا يا أدهم..قولوا معايا مصر أهم

النســـــــــــــــــــــاج

elnassag