ع المصطبه بتلاقى ناس قاعدين ااصحاب تلاقي اغراب تلاقي بس كلهم متجمعين
الهم واحد ما الجدر واحد من ارض واحده يتفقوا حبه يختلفوا حبه وكلهم مبسوطين
ده معلم وده مهندس ده محامى وده مدرس من قريب او بعيد هتلاقيهم متساويين
ع المصطبه بيتقال كل الكلام عن اللى عايش واللى مات عن اللى جاى واللي فات
كلام من القلب صادق يصحي الذكريات ..و لو تركز فى الكلام مش هتلاقيه مجرد حكايات
حكاوي المصاطب يا صاحبى صادقه ..مش للدعاية ولا الحوارات.. لا كلام اغانى ولا تلفزيونات
ع المصطبه ولاد اصول جدعان.. ويا القريب ويا الغريب نفس الكلام شجعان
مافى خسيس ليه ويا الرجال مكان.. لا يرحل بعيد لا بطبع الرجال يبان
نخوة وشهامة يحسها الغلبان ..عطف وكرم على كل شريد جعان
ع المصطبه ناس حققيين زينا نفس اللسان ونفس الهموم مننا
بيتكلموا عن الاكل من تعب ايدينا وكفنا ..مهو ده اللى يرجع لينا كرمتنا وعزنا
بيتكلموا عن ضياع وحدتنا وارضنا لما سبنا الغريب يدخل بينا ويتكلم عننا
ع المصطبه بتحس طعم غريب عارفه بس مش قادر تحدده اكيد
حتى الغريب بيكون ع المصطبه سعيد ..بيحس بنشوه وفرح وكأنه عيد
ناس قاعده جنب بعض ماحدش شايف وش بعض وكأن كلامهم للفضا بعيد
ع المصطبه بتحس طعم الوطن فرح ونصر وحزن وشجن
مينا واحمد ويا بعض متجمعين وحده واحده مش صورة غشاشين
ع المصطبه محتاجين صوره صوره لشعب مصر المنصوره
ع المصطبه
